حليل حميد
مرسل: الثلاثاء 2015.9.8 8:27 pm
حليل حميد
فالك الاتدفق فتر شايل غناوي الشوق سراب
وقضية وطنك جوة الجب
لافحاها مآسي
جواها تقاسي
ناسك وناسي
مين الفرقنا وراح ؟؟؟
شليلك ضايع
كايس روحو هناك
لا لاقى الليل
ولا شافو صباح
ومحمد احمد شايل سوطو
ورا الغنوات
معاهو الغنمات
خريف الشوق بدر
جانا وصاح
ديكنا بنادي
هيا وهيا
عليك يا فلاح
قام واتعوذ
اتوضا وكبر
قرا للفاتحة
وسورة العصر
وجاهو الامر
داسنو سنين
ابوك مرضان
راجي اليوم
شان تتوسدو ارضك
يبلعو في جوفو الطين
وينسى انين
موروث بالفطرة
وشمو جبين
وهناك جنين
حلمان يفرح
بس احلامو
خابت وغابت
وعادت من تاني
ضالة طريقها
دموعها بتغسل
كل الشوق
تكسح فيهو
معاني الضيق
ويبقى شهيق
حليل حميد
كلامي كتير
لا بتغنى ولا بتقص
حليلو زمانك
زمن السكر بالتومين
وراس السكر يسقي جيوش
الجيران
ضيوفك
والحبان
جاياك تتعشى
من كل مكان
لانك
انت الجود
وانت لأهلك
غطا وعنوان
وكل الشافك
يلقى في وشك
مرسوم علمك
علم السودان