صفحة 1 من 1
رائكم شنو في
مرسل: الأحد 2015.3.1 7:41 am
بواسطة ميرفابي
زمان ما كان في اتصالات والزوار بيجو في اي وقت
ولان مع توفر الاتصالات الحال على ماهو عليه
زمان الواحد يركب 3 مواصلات ومرات يمشي بالرجلين لمن يصل
* يلقى ناس البيت مافيشين
* ولا تلقاهم في الباب طالعين
سؤال للجميع ؟؟
هل انت / انتي تؤيد الاتصال قبل ماتمشي
رد: رايكم شنو في
مرسل: الأحد 2015.3.1 7:55 am
بواسطة كيوبيد
اكيد ودا بوفر عليك كتير من الجهد زى ما انت ذكرت آنفاً
حلوة آنفاً دى مش
رد: رايكم شنو في
مرسل: الأحد 2015.3.1 8:07 am
بواسطة ميرفابي
رد: رايكم شنو في
مرسل: الجمعة 2015.3.27 5:54 am
بواسطة بانه
اكيد مؤيده طبعا
رد: رائكم شنو في
مرسل: السبت 2015.3.28 3:40 am
بواسطة shosho wbs
والله بين مؤيده ومعارضه احترت
لانو مرات لو اتصلت على زول عشان توريهو
انك حتزورو الليله ممكن يتكلف او يعمل ليك حساب
لكن تمشي للزول ساي ودب تجي نازل
كان لقيتو بقضي ليك بالموجود
كان ما لقيتو تخت كرت باسمك ولا تضرب تكلمو انك جيت
رد: رائكم شنو في
مرسل: السبت 2015.3.28 6:52 am
بواسطة يوسف مدير
احيانا قد يكون الزول اللي انت قاصدو ما موجود بالبلد ...
او قد يكون معاهو ضيوف ...
او قد يكون طلع هو وناس البيت مشوار ...
او قد يكون موجود لكن عندو مشكلة في البيت وناس البيت عاملين اجتماع بخصوصها ..
وتتعدد الاسباب ...
وأؤيد فكرة الاتصال عليهو واتفق مع كلام الاخ كيوبيد آنفا 
....
وزي ما قال المثل " كتلوك ولا جوووك جوووك "
وبختلف شوية مع اختنا شوشو في انو الزول ممكن يكلف نفسو ويستعد بحاجات علشانك ..بس ممكن الواحد مننا علشان يتفادى الحتة دي يقول ليهو انا قريب من البيت او في الطريق مسافة دقايق بس او حتى يختها ليهو بالواضح ويقول ليهو يا اخوي الحالة واحدة كفاية كباية موية وكباية شاي بس ..
مع العلم انو الجية بدون اتصال قد تربك برنامج الزول وتخرب عليهو حاجات ما متوقعها ويضطر يستأذنك ويقول ليك: البيت بيتك وانت تكون اتورطت ... لا قدرت تعمل شئ ولا تقدر تمش من غيرما تتغدى او يجيبوا ليك البارد من البقالة اللي في آخر الحي ...
تسلم بكووووري على الموضوع الشيق ...
تحياااتي ..
رد: رائكم شنو في
مرسل: السبت 2015.3.28 7:25 am
بواسطة مسلمة وافتخر
انا مؤيدة لفكرة الاتصال مسبقا ومتفقة تماما مع كيوبيد ومدير
لانه فكرة يجيك ضيف يطب عليك على حين قفلة دى ما حلوة ابدا
وحكاية انه يتلفن ليك قبل وصوله بخمس دقائق دى اسوا
انا عن نفسى اذا ماشة زيارة بتصل عليهم قبلها بيوم او يومين واكيد بقول ليهم الزمن البجيهم فيه اذ كان العصر او بالليل حسب ظروفهم
رد: رائكم شنو في
مرسل: الأحد 2015.3.29 2:44 am
بواسطة shosho wbs
يوسف مدير كتب:احيانا قد يكون الزول اللي انت قاصدو ما موجود بالبلد ...
او قد يكون معاهو ضيوف ...
او قد يكون طلع هو وناس البيت مشوار ...
او قد يكون موجود لكن عندو مشكلة في البيت وناس البيت عاملين اجتماع بخصوصها ..
وتتعدد الاسباب ...
وأؤيد فكرة الاتصال عليهو واتفق مع كلام الاخ كيوبيد آنفا ....
وزي ما قال المثل " كتلوك ولا جوووك جوووك "
وبختلف شوية مع اختنا شوشو في انو الزول ممكن يكلف نفسو ويستعد بحاجات علشانك ..بس ممكن الواحد مننا علشان يتفادى الحتة دي يقول ليهو انا قريب من البيت او في الطريق مسافة دقايق بس او حتى يختها ليهو بالواضح ويقول ليهو يا اخوي الحالة واحدة كفاية كباية موية وكباية شاي بس ..
مع العلم انو الجية بدون اتصال قد تربك برنامج الزول وتخرب عليهو حاجات ما متوقعها ويضطر يستأذنك ويقول ليك: البيت بيتك وانت تكون اتورطت ... لا قدرت تعمل شئ ولا تقدر تمش من غيرما تتغدى او يجيبوا ليك البارد من البقالة اللي في آخر الحي ...
تسلم بكووووري على الموضوع الشيق ...
تحياااتي ..
انا بتفق معاك انك حتربكو لكن ربكه ساعه ولا تربكو كم ساعه
انا مره كنت مسافره وفي الطريق وقفنا قلنا نصلي لقينا لينا
زي قريه كده " اسمها التنوبه تقريبا " ناسها ظريفين وطيبانين
واحنا ما بنعرفهم لكن معاملتهم كانو عشره سنين
مع انو حالتهم يادوب يقضو يومهم لكن حلفو علينا الا نتغدا عندهم
وبقت معرفه .. بعد كم سنه واحنا مسافرين بلغناهم انو حنجيهم
تعال شوف القومه والقعده
رد: رائكم شنو في
مرسل: الأحد 2015.3.29 9:19 am
بواسطة طلال الحكيم
ورد في كتب السيرة ...
(كان عليه الصلاة والسلام إذا قدم من سفر بدأ بالمسجد فركع فيه ركعتين ثم جلس للناس) .
أخوتي الكرام ... لعل من لطائف هذ الفعل المبارك ... أن ينتشر خبر وصوله صلى الله عليه وسلم إلى أهل بيته قبل دخوله عليهم ... فيقابلوه في الحالة التي تسرهم وترضيهم .
ولو نظرنا إلى آداب الزيارة .. لوجدنا ( وأتوا البيوت من أبوابها ... والإستئذان قبل الدخول ... وإذا قيل لكم إرجعوا فأرجعوا .. )
كل هذه إشارت لطيفة إلى إستحسان تهيئة الزائر للمزور قبل الزيارة ... وإعلامه بقدومه عليه ...
حتى تأتي الزيارة بثمارها ... إذا كانت صلة رحم أو محبة في الله أو إصلاح ذات بين .. أو غير ذلك ..
فـ إعلام المزور بالزيارة أولى وأنفع ... إلا إذا تعذر ذلك .. أو كانت هناك ضرورة وعجلة في الأمر ..
رد: رائكم شنو في
مرسل: الأحد 2015.4.5 1:28 am
بواسطة waya
أؤيد التبليغ , فهو يرفع الحرج عن الأعذار , ويهيئ المستقبل لمواجبة الزائر بما يليق ..!
رد: رائكم شنو في
مرسل: الأحد 2015.4.5 11:26 pm
بواسطة محسية
اؤيد الاتصال مسبقا حتى نمنع الاحراج لنا ولهم
تحياااااااااااتى
رد: رائكم شنو في
مرسل: الأربعاء 2015.4.29 4:16 pm
بواسطة شذي زهر
مؤيده لفكره الإتصال. قبل .الزياره بزمن كافى
واحب جدا ...إن يتصل بي من يود زيارتي..وأيضا بزمن كافي
تحياتي ميرفابي
