وانا ماشي علي السريع ....
مرسل: الأحد 2015.2.22 2:48 pm
الزمن الجميل ...
يااااا حليل الزمن الجميل زمن المخزن كان مستف عيش وقمح للسفف والزرزور يدخل بالطاقة ياكل وييشيل في قديديمو لي اولادو في العش وحليل المراح البطلع مع الصباح شاقي ازقة الفريق علي الخلاء
وغبارو يخليك تتغطي بطرف توب امك زاتو وحليل لمن كان جوز الحمام 3 والمنقة بالقفة والموز بالصبيط والكمونية بالمتر الطولي واللبن بالجردل تشرب بالقرعة لحدي ماتعمل ليك شنب كبير وامك تقول ليك قدر يايمه كبر لي امو
وحليل زمان كانت الكتب في المدرسة ليها قيمة وكتاب بدر امل مابتقدر تدخلو في الشنطة عشان كان كبير وكانت الصور الفيه اجمل مارأت عيوننا
وحليل اللعب بالطين وشليل مع القمرا مع شفع الفريق في نص الليل والواحد من كترة اللعب اغبش كغباش الفول المدمس ولكن لايعرف المرض او الحقد كانت قلوبنا عامرة بالطيبة والحنية .
هسع الزمن ده التقول انقلب اي حاجة مسيخة لا اكل لا هدوم لا ناس اعوز بالله التقول البركة انعدمت والله زمان لمن يدوك سنوتش بتاع طعمية او بيض وانت تكون واقف مع اهلك منتظر البص تاكل فيه لحدي ما الباص يوديك البلد عديل هسع اعوز بالله اعوز بالله بقي ولا بنشاف بالعين المجردة ومنزوع البركة والدسم زاتو يعني عادي شافع الروضة في وقتنا ده لو قال ليك اكلت لي تلاته سندوتشات وماعملن لي حاجة صدقو طوالي
حكومات تجي وحكومات تفوت ....
وانت ياشعبي غلبك البتسويه عديل امبوبه الغاز قالوا بقت تجي مع الشيلة يعني لو العريس جاب امبوبة الغاز مع الشيلة دي معناه مقتدر وزول تقيلة واكان جاب ليك حطب وكبريت اعرفي المسألة فيها تقشف شديد اخدي حزرك
الحكومة تتقشف براحته بالرغم والله ماشفنا ليها تقشف سمان ومكان التقول التقشف ده بزيدهم سمن
والشعب من التقشف بقي يتكل بالحيطة عديل
علي الماشي كده ...
زمان لمن اكون ماشي لي مشوار كده بشوف في الشارع حشمة ولبس محترم لابعد ماتتصور وتتمني تشوف ليك وش بت هسع البنات الواحدة ماتفرزة من الولد داقه سستم عديل وكل حاجة ظاهرة للغاشي والماشي يعني انا لمن اكون ماشي وسط السوق الشعبي وقدامي واحدة ماشة تلعب شمال يمين شمال ويمين بحاجات كده حامياني ولابسة طرحة بس ده عليكم الله مابخليني امسك ناس برد ديل الببيعو الموية بالجركانة وقرطع قرطع اقرطعه وانا ف وضع واقفا واستغفر الله سبعين مرة
مرة من ذات المرات وانا جالس بشارع النيل شفت لي واحدة مع واحد جالسين بضحكوا ساااااكت التقول النيل ده ملك ليهم براهم وضحكاتهم تجيب الضهبان انا قلت قطع شك ديل من اعضاء الشجرة والله اكبر ولا نامت اعين الجبناء
زمان لمن نسمع في الحلة زغاريت شديدة بنعرف فلانة خطبوها او فلان عرس او ولد طهروه بنكون فرحانين كيف عشان بنلعب في صيوان الفرح قرابة العشرة ايام التقول العريس او العروس ديل تبعنا عديل هسع بقينا نشوف فلانه او فلان معرسين ولاحس ولاخبر ياربي يكونوا ماحصلوا الصيوان فاضي
اخر مشوار
زمان برضو لمن تجينا امطار غزيزة الناس بتفرح بالرغم انو كانت بيوته ضعيفة لكن برضو كانت بتتحمل والبلد كانت بخيره والخريف كان اخضر في اي مكان ولمن تلقي ليك لوري مليااان عيش ومقلوب في الشارع تقول السواق صغير ويادبو بتعلم في الطريق هسع اجاركم الله كل يوم والتاني تلقي ليك تصادم في شارع مدني والناس مجدعة زي الشولات واغرب شئ تلقي مكتوب في البص تمتع بالرحلة ودع القيادة لنا ....
يااااا حليل الزمن الجميل زمن المخزن كان مستف عيش وقمح للسفف والزرزور يدخل بالطاقة ياكل وييشيل في قديديمو لي اولادو في العش وحليل المراح البطلع مع الصباح شاقي ازقة الفريق علي الخلاء
وغبارو يخليك تتغطي بطرف توب امك زاتو وحليل لمن كان جوز الحمام 3 والمنقة بالقفة والموز بالصبيط والكمونية بالمتر الطولي واللبن بالجردل تشرب بالقرعة لحدي ماتعمل ليك شنب كبير وامك تقول ليك قدر يايمه كبر لي امو
وحليل زمان كانت الكتب في المدرسة ليها قيمة وكتاب بدر امل مابتقدر تدخلو في الشنطة عشان كان كبير وكانت الصور الفيه اجمل مارأت عيوننا
وحليل اللعب بالطين وشليل مع القمرا مع شفع الفريق في نص الليل والواحد من كترة اللعب اغبش كغباش الفول المدمس ولكن لايعرف المرض او الحقد كانت قلوبنا عامرة بالطيبة والحنية .
هسع الزمن ده التقول انقلب اي حاجة مسيخة لا اكل لا هدوم لا ناس اعوز بالله التقول البركة انعدمت والله زمان لمن يدوك سنوتش بتاع طعمية او بيض وانت تكون واقف مع اهلك منتظر البص تاكل فيه لحدي ما الباص يوديك البلد عديل هسع اعوز بالله اعوز بالله بقي ولا بنشاف بالعين المجردة ومنزوع البركة والدسم زاتو يعني عادي شافع الروضة في وقتنا ده لو قال ليك اكلت لي تلاته سندوتشات وماعملن لي حاجة صدقو طوالي
حكومات تجي وحكومات تفوت ....
وانت ياشعبي غلبك البتسويه عديل امبوبه الغاز قالوا بقت تجي مع الشيلة يعني لو العريس جاب امبوبة الغاز مع الشيلة دي معناه مقتدر وزول تقيلة واكان جاب ليك حطب وكبريت اعرفي المسألة فيها تقشف شديد اخدي حزرك
الحكومة تتقشف براحته بالرغم والله ماشفنا ليها تقشف سمان ومكان التقول التقشف ده بزيدهم سمن
والشعب من التقشف بقي يتكل بالحيطة عديل
علي الماشي كده ...
زمان لمن اكون ماشي لي مشوار كده بشوف في الشارع حشمة ولبس محترم لابعد ماتتصور وتتمني تشوف ليك وش بت هسع البنات الواحدة ماتفرزة من الولد داقه سستم عديل وكل حاجة ظاهرة للغاشي والماشي يعني انا لمن اكون ماشي وسط السوق الشعبي وقدامي واحدة ماشة تلعب شمال يمين شمال ويمين بحاجات كده حامياني ولابسة طرحة بس ده عليكم الله مابخليني امسك ناس برد ديل الببيعو الموية بالجركانة وقرطع قرطع اقرطعه وانا ف وضع واقفا واستغفر الله سبعين مرة
مرة من ذات المرات وانا جالس بشارع النيل شفت لي واحدة مع واحد جالسين بضحكوا ساااااكت التقول النيل ده ملك ليهم براهم وضحكاتهم تجيب الضهبان انا قلت قطع شك ديل من اعضاء الشجرة والله اكبر ولا نامت اعين الجبناء
زمان لمن نسمع في الحلة زغاريت شديدة بنعرف فلانة خطبوها او فلان عرس او ولد طهروه بنكون فرحانين كيف عشان بنلعب في صيوان الفرح قرابة العشرة ايام التقول العريس او العروس ديل تبعنا عديل هسع بقينا نشوف فلانه او فلان معرسين ولاحس ولاخبر ياربي يكونوا ماحصلوا الصيوان فاضي
اخر مشوار
زمان برضو لمن تجينا امطار غزيزة الناس بتفرح بالرغم انو كانت بيوته ضعيفة لكن برضو كانت بتتحمل والبلد كانت بخيره والخريف كان اخضر في اي مكان ولمن تلقي ليك لوري مليااان عيش ومقلوب في الشارع تقول السواق صغير ويادبو بتعلم في الطريق هسع اجاركم الله كل يوم والتاني تلقي ليك تصادم في شارع مدني والناس مجدعة زي الشولات واغرب شئ تلقي مكتوب في البص تمتع بالرحلة ودع القيادة لنا ....