منتدى أنا سوداني

مرسل: **الأحد 2015.1.18 6:01 am**

السلام عليكم ورحمه الله وبركاته

اكيد كل واحد فينا عنده اهداف عايز يحقق سواء كانت اهداف

ممكن يحققه خلال سنة او 2 او 3 وهكذا

طيب بعد ما نعرف الهدف شنو نبدا نخطط ليه ونحاول بقدر

الامكان اننا نحققه في الفترة الزمنيه الوضعاها ليه

واي زول لو ما حقق الهدف او الخطه حقته يعيد حساباته من اول

وجديد يشوف الاسباب شنو الخلته ما يحقق هدفه

واستقلال الوقت بصورة كويسه برضو ليع اثر ايجابي جدا

والعزيمه والاصرار والنيه برضو ليهم الاثر

طيب هل انتو من الناس البضعو خطه وبنقذوها في زمن معين ؟

شنو هي الحاجات الساعدتكم انه تحققه الشئ العايزينه

مرسل: **الأحد 2015.1.18 7:06 am**

بنون صباحك خير
2

،،

طيب .. من الأول أنا مقتنعه بي حاجة واحده ..

إنو اللي عايزاهو بحققو بإذن الله

بس كمان ده ما معناهو إني احلم بي حاجة مستحيلة وأقول أعملا

عشان كده .. الحلم في حدود الممكن ..مطلوب

مش معناهو أقلل طموحي ..لأ بس كمان ما أرفع سقفو لي حته يتكسر فيها على راسي !

مرسل: **الأحد 2015.1.18 7:11 am**

يقين كتب:بنون صباحك خير
2
،،

طيب .. من الأول أنا مقتنعه بي حاجة واحده ..

إنو اللي عايزاهو بحققو بإذن الله

بس كمان ده ما معناهو إني احلم بي حاجة مستحيلة وأقول أعملا

عشان كده .. الحلم في حدود الممكن ..مطلوب

مش معناهو أقلل طموحي ..لأ بس كمان ما أرفع سقفو لي حته يتكسر فيها على راسي !

وصباحك يقووون 2

اي اكيد الاحلام والطموحات في حدود الشئ الممكن

ومتل ما بقولو اي زول يمد كراعه علي قدر لحافه مش

وقدر امكانياته كمان

مرسل: **الأحد 2015.1.18 7:22 am**

بنوش
صباح الفل
الطموح حق مشروع لكل
انسان...وطموح الفرد يعني
وجوده ..
فالطموح هو الدافع الاساسي
لتحقيق احلامنا...
قد نضع اهدافنا ولكن الاساس
في ذلك توفر المعطيات
فلا يمكن لشخص امكانياته الذهنية
ضعيفة ويصر علي دخول كلية الطب مثلا
فالتسعي خلف اهدافك
فقلما تاتي فرص النجاح
صدفة،،،،،
وليس عليك ادراك النتائج
فللاقدار ايضا دورها
مودتي،،

مرسل: **الأحد 2015.1.18 8:08 am**

صباح الانجازات

مخطط و قواعد تحقيق الهدف لابد من الحرص علي‎ ‎الوقت والاصرار و الحماس
مشكوره علي هذا الصرح‎ ‎

مرسل: **الأحد 2015.1.18 1:06 pm**

بانة تحية واجلال للموضوع الجميل
بس الطموح بيكونحسب العمر
يعنى الزول فى 17 سنة بكون زول طموح جدا
وعندو خطط داير ينفذا
ويقل الطموح كل ما زاد عمر الانسان
بالظبط زى مواصفات الزوج عند الفتيات
حاليا معظم السودانيين بالذات العايشين بالداخل
طموح مافى
عايشين حسب الموجة
يعنى ماشين مع التيار وبس

مرسل: **الثلاثاء 2015.1.20 8:19 pm**

عزيزتى بانه

مقتنعة بشىء واحد انى اللى داير يعمل شىء فى حياته ويكون مصمم انه يعمل ويسعى الى ذلك ان شاء الله بيوصل له .

مافى شىء اسمه مستحيل فى نظرى مادام انتى مقتنعة بيه وفوق كل ده ربنا معالك ان شاء الله شىء بيكون مستحيل بتوصلى له .

تحياااااااااااااتى

مرسل: **الأربعاء 2015.1.21 9:01 am**

بُن بُن ...

تَشَكُرات على الموضوع الأنيق ...

يلا بقى أول حاجة علمينا و فَهمينا

آيه هي الأهداف و كيف بتتقسم الأهداف و كيف بتوضع الأهداف من الناحية العَفلانية و كيف بيتم وضع الخُطط للأهداف و كيف بيتم رَسم الإستراتيجيات للأهداف ...

أخيراً نَقول
مَن لَم يُراجِع خُططَهُ للعام السابِق ، لا داعي لهُ لرَسم أهداف جديدة ...

مرسل: **الأربعاء 2015.1.21 6:33 pm**

بنوش إزيك
سؤالك ده انا ح أجاوب عليهو بطرقتين
الأولي:طريقه إداريه بحته
في علم الإداره في حاجه إسمها key performance indicators
بتقول شنو بالمختصر المفيد:
إنوكل شركه او منظمه او اي بزنس
يخت أهداف..الأهداف عندها مؤشرات إكتمال و تحقيق..
من البدايه الأهداف بتكون واضحه و طريقه الوصول ليها كمان واضحه
كل البحصل انو كل فتره بتتم عمليه تقييم للأهداف دي ونشوف وصلنا لي ياتو نسبه إكتمال
ومن خلال المتابعه والتقييم ده بنقدر نحدد الوضع العام ونعرف محتاجين شنو
(ده كان مشروع التخرج بتاعي)

أما من طريقه تانيه للناس عموما بعد مشيئه الله
تحدد هدفك,,وتسعي عشان تحققو,, وبس

مرسل: **الخميس 2015.1.22 7:37 pm**

يقين كتب:بنون صباحك خير
2
،،

طيب .. من الأول أنا مقتنعه بي حاجة واحده ..

إنو اللي عايزاهو بحققو بإذن الله

بس كمان ده ما معناهو إني احلم بي حاجة مستحيلة وأقول أعملا

عشان كده .. الحلم في حدود الممكن ..مطلوب

مش معناهو أقلل طموحي ..لأ بس كمان ما أرفع سقفو لي حته يتكسر فيها على راسي !

[SIZE="6"

] "حلمك كان ما خفت منو ما بتحققو"
العباره دي قالها لي زول قدوة

[/size]

مرسل: **الخميس 2015.1.22 8:41 pm**

يسعد مساك بانه

اي شي بخطط ليه في حياتي وبسعى لتحقيقه ما بحصل

والمرحله الوصلتا ليها في حياتي الان واحمد ربي عليها

اشياء حصلت دون تخطيط قرارات فجائيه والتنفيذ وقتي

والحمدلله كلها احسن من ما كان مخطط

لك التحيه

2

مرسل: **الأحد 2015.1.25 8:59 pm**

ام اسامه ** داني ** كيوبيد ** محسيه **

عايز اعيش ** ريانه **شوشو **سمارا **

مشكورين علي مداخلاتكم الرائعه

يديكم العافيه

2

2

مرسل: **الأربعاء 2015.1.28 1:57 pm**

مرسل: **الجمعة 2015.1.30 2:49 pm**

مرسل: **الجمعة 2015.1.30 7:44 pm**

مرسل: **السبت 2015.1.31 7:28 am**

مرسل: **الاثنين 2015.4.6 6:34 am**

لا شئ مستحيل عزيزتى فى هذة الحياة
انا واحدة من الناس اذا ختيت حاجة فى راسى لازم احققها مهما كانت الصعوبات التى اواجهها
وانا ما زالت امامى اهداف لم احققها بعد ولكننى اضعها نصب عينى حتى ياذن الله

مرسل: **السبت 2015.5.2 3:08 am**

ظل المطر ** يوسف مدير ** شذي زهر

مايكرو ** زاتو

مشكورين يارائعين علي مشاركاتكم الجميله

بعتذر جدا عن تآخر الرد

يديكم العافيه

2 2

مرسل: **الاثنين 2015.5.25 3:25 pm**

بنوشه ازيك ياعسل....
اول شي احييك على الطرح الجميل والرائع,,,
فيما يخص الموضوع...
من وجهة نظري....
بشوف انه موضوع الأهداف والطموحات دي بتبدي من بدري...بس محتاجه مننا وعي في الأول
بتبدي من التربيه والتنشئه الصحيحه
بمعنى...
انه الوالدين بكونو منتبهين لميول الأبناء من الصغر لحدي مايصلو لمرحلة اتخاذ القرار وتحديد المصير...
بقودوهم في الاتجاه المعين...
كده الواحد بكون عارف روحه عايز شنو
وعايز يصل لشنو...
وبكون عنده هدف قدامه شايفه
وعايز يصل ليه...
وطموحه بكون عارفه
بكده بكون اختصر كتير من الزمن والسنين.....
على صعيدي الشخصي مقتنعه تماما انه الشخص البكون مقتنع بحاجه وعايز يعملها بيعمها وبيصل ليها ان شاء الله
بشرط يكون مسلح بسلاحين الثقه بالله والتوكل عليه
والرضاء بما قسمه الله....
تشكراتي ياعسل..

مرسل: **الثلاثاء 2015.5.26 11:22 pm**

موضوع حيوي وجميل
لك الشكر علي الطرح الجميل
ولي عودة باذن الله

منتدى أنا سوداني

شئ لابد منه

شئ لابد منه

رد: شئ لابد منه

رد: شئ لابد منه

رد: شئ لابد منه

رد: شئ لابد منه

رد: شئ لابد منه

رد: شئ لابد منه

رد: شئ لابد منه

رد: شئ لابد منه

رد: شئ لابد منه

رد: شئ لابد منه

رد: شئ لابد منه

رد: شئ لابد منه

رد: شئ لابد منه

رد: شئ لابد منه

رد: شئ لابد منه

رد: شئ لابد منه

رد: شئ لابد منه

رد: شئ لابد منه

رد: شئ لابد منه