صفحة 1 من 1
الدنيا سخانه والناس زهجانه...نحلها كيييييف!!!!!
مرسل: الأحد 2014.12.7 1:30 am
بواسطة shico
[overline]أن يطفش كل الخريجين وغير الخريجين لي بلاد الله الواسعه
نقول الحالة ضاقت بيهم والفلس ورم يديهم والحكاية قرصت اكنر ممايحتمل
لكن ان يطفش الشعراء والمطربين والموسيقيين وتبقي ساحة الغنا جبانه هايصه
عملوا مجلس المهن الموسيقية عشان يفرمل الترتارة المترترة دي ويوقفا عند حدها
وبدا فعلا يظبط المغني من غير المعني عبر لجنة الاصوات والنصوص والالحانوتم الترخيص لل فعلا بستاهلو الترخيص
وكالعادة عندنا مافي شئ بمشي دوغري
قامت الحكاية ربت وجاطت وبالواسطه ولا غير الواسطه تمت اجازة الاف الاصوات المكررة والمستنسخه وعديمة الجدوي بنين وبنات
الاستاذ وردي قال في استضافه بتيلفزيون السودان
انا عاوز اعرف مين اللي اجاز صوت عبدالوهاب ولدي؟؟؟ عبدالوهاب عواد ماهر لكن صوتو لايصلح للغنا
تاني يوم حلو لجنة الاصوات واريتم لوماحلوها
بقي كل من هب ودب مغني وبالذات البنات
عوضية مكن ومحاسن قشه وماعارف منو وماعارف شنو..
اللهم لاتمحني ولاتغدب علي زي مابقول خالتنا العاجبة
والحكم البتجيب الزكم.[/overline]
رد: الدنيا سخانه والناس زهجانه...نحلها كيييييف!!!!!
مرسل: الأحد 2014.12.7 8:53 am
بواسطة بانه
گٿرٍهً آٍلّمٌغٌنًيِنً آٍعٍتٍقٍدً بُرٍجُعٍ لّلّحًآٍلّهً آٍلّآٍقٍتٍصِآٍدًيِهً آٍلّصِعٍبُهً آٍلّتٍيِ تٍمٌرٍ بُيِهًآٍ آٍلّبُلّآٍدً
مٌوَضَوَعٍ رٍآٍئعٍ يِسَتٍحًقٍ آٍلّوَقٍوَفُ عٍنًدًهً
رد: الدنيا سخانه والناس زهجانه...نحلها كيييييف!!!!!
مرسل: الأحد 2014.12.7 9:31 am
بواسطة السنبلاية
الدنيا سخانه والناس زهجانه...نحلها كيييييف!!!!!
حلها على الله ..!!
منور شيكو .. 2 
2 2
رد: الدنيا سخانه والناس زهجانه...نحلها كيييييف!!!!!
مرسل: الأحد 2014.12.7 12:56 pm
بواسطة يقين
صدقتَ أنتَ ..و قلتها أخي الكريم ..
مصيبتنا تلك ال"واو" الكبيرة التي صارت تُزين صدرَ كُل التعاملات
إن كنتَ تملكها فلحت ..وإلا فالخيبةُ تاجك الذي لن تجد بعده إلا حلاً من إثنين
أن تهرب للخارج أو "تباري الضللة"
وبالنسبة لأهل الفن فالمشكلة أكبر
لأن الفن "هوية" والفنان "سفيرٌ" لبلادهِ و"عنوانٌ" لثقافتها
فأن تدخلهُ أصواتٌ لا تصلح حتى لأن تدندن لنفسها أمام المرآة
مأساةٌ كبرى
أتمنى لو أنّ نقابة الفنانين واللجنة المنوط بها اختيار الأصوات
تعود لرشدها ولو قليلاً
فقد صُمت آذاننا من "الهبوط" القسري الذي وصلنا إليه
رد: الدنيا سخانه والناس زهجانه...نحلها كيييييف!!!!!
مرسل: الأحد 2014.12.7 4:16 pm
بواسطة waya
الأصوات الجايه عبر الواو الكبيرة ممكن نتحملها بمساعدة المأثرات الصوتية
المصيبة في نوعية الأشعار البتتغنى !!؟
هبووووط رهيب في المفردة الغنائية , ولون غنائي باهت يكمل دائرة الاسفاف الثقافي الذي بتنا نعانيه
رد: الدنيا سخانه والناس زهجانه...نحلها كيييييف!!!!!
مرسل: الجمعة 2014.12.12 9:09 pm
بواسطة shico
[overline]
عارفه يابانه
الظروف الاقتصاديه دي جرت معاها ظروف اي حاجه في البلد اجتماعية تعليمية صحية ثقافيه
كل شئ بقي يتاسف عليه وبقي الشعار المطروح هو ماقالو الاستاذ مبارك المغربي
من حسرة الحاضر واعيش علي الماضي
كل شئ لحق امات طه والرماد يادوووب كال حماد
نستغفر الله ونصم خشمنا يابت امي ماعندنا حديث نقولو[/overline]
رد: الدنيا سخانه والناس زهجانه...نحلها كيييييف!!!!!
مرسل: الجمعة 2014.12.12 9:18 pm
بواسطة shico
سنبل ياغاليه كيفك
اي معلوم الحل عند الله
وربنا يمهل ولايهمل كل حاجة بي وكتا
الغنا ده مابنعدل الا يقفلو القنوات السودانية دي لانها فاتحه الباب للبغني والمابغني
الليلة بسهولة ممكن تعمل فلاش فيهو كم حاجه علي نظام البلي باك وتقول ماداير قروش يقعدوك وتغني زي العجب
انسي بس المغسه شاقه الناس وزول قادر يقول بغم مافي
رد: الدنيا سخانه والناس زهجانه...نحلها كيييييف!!!!!
مرسل: الجمعة 2014.12.12 9:35 pm
بواسطة shico
[overline]يقين
كلامك ظابط وتمام
بعدما صدر قانون حق المؤلف وتكون مجلس المهن الموسيقية برئاسة د. عبدالقادر سالم والاستاذ علي مهدي
كونوا لجان بدت صارمة ومافيها مجاملة بل بقت في حملات تفتيش للماعندهم تراخيص والبغنو غنا الاخرين والكشامشا
كل زول لزم بيتو
تقوووومي يالجوطه تهبي وتقلبي الطاولة ويلا عايره وادوها سوط
بقي عندنا اكتر من عشرة الف وكسر مغني ومغنيه ولسه العداد شغال احتمال بكره يكونو وصلو 15000
بنقول الكلام ده لييييييه!!!!!
عشان نعرف قيمة الفوضي وروعتا
مش في فساد الكبار وبس
لكن في فساد الذوق وضمير المعنيين بالارتقاء بالفنون
تاني بي مويه وكملت
لافي حاجه بتتصلح ولاكسرة بتتملح
وخلاص[/overline]
رد: الدنيا سخانه والناس زهجانه...نحلها كيييييف!!!!!
مرسل: الجمعة 2014.12.12 9:51 pm
بواسطة shico
waya
اتخيلي الرواد كانو في سبيل التجديد والتجدد بمشو يفتشو في دواويين الشعر العربي
احمد المصطفي غني وطن النجوم لايليا ابو ماضي
وغني من الشعر الانجليزي المترجم اغنيه في سكون الليل دعني اجتلي الصمت الرهيب
والعاقب محمدحسن غني للشاعر المصري مصطفي عبدالرحمن هذه الصخرة وغني للامير عبدالله الفيصل ياحبيب العمر هل مات الهوي في حنايانا وقد شئناه حيا
وغير كده كتييير
معقول لكن بعد ده كلو نسمع ورا ورا ومساخر شعر الزمن العجيب ده
والناس ذاتم ماشغالين بالموضوع ده
مزيكة تدق وايقاعات تم تم خفيف وارررر ويلا رقيص تشكيلات مختلفه
اها مافي حل تتكلم يقولو ليك العاجبو عاجبو والماعاجبو يحلق حواجبو
نسوي شنو !!
رد: الدنيا سخانه والناس زهجانه...نحلها كيييييف!!!!!
مرسل: الأربعاء 2015.1.21 2:44 pm
بواسطة shico
نواصل بدون فواصل
الاجهزة الاعلامية موجود عندها في مكتبتا الغنائية اغاني باصوات اصحابا الحقيقيين
لكن عشان تزيد المشاهدين الم علي الالم العليهم تقوم تجيب فنانين مواسير يغنو اغاني لفنانين معروفين
ومش مباشر يمشي المغني الماسورة ده لاستوديو تسجيل من الاستوديوهات الملت البلد دي
يقوم يظبط ليهو كم اغنية كده play back
وصوتو الضعيف المحروش يقلبو ليهو صوت كروان
ويتخمخم يجي للقناة اي قناة بلا استثناء
القناة حتسالو داير قروش؟ كان قال ليها اي تديهو الفلاش بتاعو وتقول للكاست قفلو الاستوديو ويلا يا
وكان بقي تفتيحه بقول ليهم قروش؟ قروش شنو هو نحن دايرين قروش!!!
بل بالعكس يدفع للكاست كلو شئ فطور وشي نثريات و...
بلا الماسورة ده يشغلو ليهو صوتو المصلح ده وهو يفتح خشمو ويقفلو وكلو غنا فنانين رواد
والمصيبة انو شعراء الاغاني دي ملين احمر مابدوهو ليهم يقومو يشتكو لنيابة الملكية الفكرية وتبقي محاكم وتعويضات ومشاكل
السؤال :
متين ينعدل حال الغنا وحال المشرفين علي ادوات الاعلام فضائيات ولا اذاعات؟
اما المغنين فحكايتم جايه بتفصيل اكتر.