منتدى أنا سوداني

ام ساره كتب:

سؤال / هل الوجه يعكس ما في القلب

تتفق تجاربنا وقناعاتنا وقد تختلف فالحياة متعددة الالوان فليست سوداء فقط ولا بيضاء فقط وليست مربعة دائما ولا دائرية علي الدوام وسوف اذكر لكم لونا واقدم لكم شكلا وساهمو انتم معي ببقية الاشكال والالوان حتي يكتمل المشهد وتتضح الصورة.
بعض الناس يقولون ان الوجه يعبر عما في القلب فإذا كان الوجه عبوسا مكفهرا فإن صاحبه ذا قلب عنيف لا يعرف الخير ولا الاحسان فأحذره وابعد عنه.
وبالمثل ان كان الوجه مبتسما مستبشرا فإنه يعبر عن قلب ودود وشخص حنون وكريم فأقترب ولن تجد إلا الخير ويستدلون بقوله تعالي (سيماهم في وجوههم)
فالجه مرآة القلب
هل هذا صحيح ؟
انتظر مشركاتكم وتجاربكم

اثق اكثر في انعكاسات الدواخل
من خلال العيون لانها لاتكذب
اما الوجه فاحيانا يكن مكفهر او باسم من
خلقة الشخص..
ازكر مرة واحد بلدياتنا صغير شكل
وجهه كانه يبكي فالتلاميذ زملاؤه(كاووه)وعيروه بذلك فما كان منه الا ان ذهب مكتب المدير
فالسيد المدير اول ماشافوا نهروا وقال ليهوا
يا ود بتبكي مالك

لا حول يعني خربانة من كبارا

السنبلاية كتب:

فى مثل سودانى شهير بقول ( القلب كان اباك والوش بديك خبر )

شفتى كيف ..

الوش بديك مسكول
انا ما عارفة بتجيبى الامثال دى من وين

الكلام ده صاح يا أم سارة في الغالب الأعم

وكتير بنتوقع حاجات وتصرفات من زول/ة معين/ة حسب الإنطباع المرسوم على وشهم

بس كمان في اللي بيقدرو يخبو تماماً إنفعالاتهم ومايبان ليك .. أسود ولا أبيض

فده بيعتمد بعد داك حسب معرفتك بالزول/ة

والتصرفات الجسدية التانيه من المشية ولا لمعة العين ولا حتى الإبتسامة

ذات الشجون كتب:الوش بديك مسكول
انا ما عارفة بتجيبى الامثال دى من وين

لك التحية

الاخت أم سارة

تطور العلم كثير في هذا المجال

فعلم السلوك من خلاله يمكن للشخص المتخصص فيه أن يقرأ شخصية كاملة من خلال تعابير وجهك

وحركاتك ( هل انت متردد - شجاع - جبان - خائن .............. الخ من الصفات )

السنبلاية كتب:

فى مثل سودانى شهير بقول ( القلب كان اباك والوش بديك خبر )

شفتى كيف ..

‏ أثبتي انك سودانيه وبت بلد واصيله بمثلك دا