منتدى أنا سوداني

.

sarona كتب:

soso52

ليك التحية عزيتي

وخليني اقترح عليك شوية اقتراحات

قد يكون أهل والدك من طبعهم الجفاء فليه انتي ما تزرعي فيهم الحنية .....

بدل ما تمشي ليهم عصريات حاولي أقضي اليوم كله معاهم .....

اذا حبوبتك ما حضنتك احضنيها انتي ....

حاولي من وقت للتاني تتصلي عليهم وتسالي عنهم وتبدي ليهم محبتك .....

الحب يا soso52 زي النبات من يزرع حب يحصد حب .....

وشيل من بالك حكاية جفاء أهل الوالد ..... وأزرعي انت حنان اولاد الولد ....

وربنا يوفقك

تقبلي مروري ومداخلتي


.

.

لكن هي مابتدي اي تجاوب واتخيلي معاي تمشي لزول مبتسمة تلقيهو مكشر تعمل شنو اكيد حيصيبك اليأس وهم اهلي في النهاية مجبوة عليهم وبعمل لله عز وجل ورضاه عشان ما يكون كمان في قطع رحم وتشكري علي النصيحة واوعدك بالمحاولة

لحــ غروب ـظة كتب:ما عارفة اقول ليك شنو
بس اتخيل لي انتي البتجيبي محنتك بيدك يعني لما تجي من برة احضنيها وبوسيها واقعدي جنبها
حتى لو ما اتجاوبت معاك المرة الأولى والتانية لحدي ما قلبها يحن
بتخيل انو الوحدة بتجيب منتها بيدها يعني انتي البتخلي حبوبتك تحبك وانتي البتجبريها تتعامل معاك كيف

احضنها بي وين اقول ليك بتمد لي يدها من بعد متر وهي الاجبرتني علي اني اعاملها بنفس الطريقة لكن نحاول ارضاءا لرب العالمين اصلو الدنيا معبر ياريت لو كانت فاهما كدة

كركم كتب:السلام عليكم ورحمة الله
في البداية بحب ااكد على كلام الاخت soso
و بقول ان اهل الاب بيكونوا غالبا مصدر ازعاج للعائلة مش جفا و بس و دا لسبب يمكن اقول ليك النظرة الجاهلية للمرأة و بيشوفوا انها استولت على حاجة بتخصهم و بنجي نلقى ان بعد الزواج طوالي في سيل من النظرات الغير لطيفة من جهة الحماة للمدام الجديدة و طبعا اهل الراجل ما بيقصروا في محاولة تكديس عقل الراجل بانو لازم يهرشها من الاول و كلام من النوع دا في النهاية نجي نلقى ان اهل الراجل بيرفضوها شكلا و تفصيلا حتى لو كانت زولة قريبة للكمال و دا لو كانت من برة الحوش اما لو كانت من جوة العائلة دي قضية تانية و بشوف ان الحاجة دي بتكون اقل بشوية و بي كدا تستمر اجيال متطاولة من البغض للزوجة الجديدة و احتمال يتورث للابناء .
اما بالنسبة لاهل ابوي فبشوفهم تدميريين اكتر من كونهم اصلاحيين و بعتبرهم السبب الرئيسي في بعض المشاكل العائلة الحاصلة لينا .

هم مش تدميرين بس ديل بجد ما بحبو لينا الخير والكويس في الموضوع انو بابا متفهم مشاعرنا لانو فاهمهم هم شنوالله يصبرنا وتشكر بس لدعو معاي ان الله يهديهم ويصلح حالهم

كيمو كتب:

والله يا سوسو ما تعرفي كيف

وفعلا اهل الابو جافيين وما حنينين

وانا غايتو اهل من جهت الام حنااااااااااااااااااان جدا

اما من جهت الاب يعني ما حنينين وما قاسين يعني نص نص

وانا بقول ليك دايما اهل الاب بكونو اتربو علي القسوه والجفا

ومشكوره علي البوست ..تقبلي مروري عانستي ...اقصد انستي

عانستك معقولة بتفق معاك في رايك اهل الاب لو ادونا حنان كان اديناهم بس لو اعرف سر انهم لي جافيين برتاح
مشكور ياسيدي

انا بقول امكن عشان الام دايما بتقول يلا لى اختى
ويلا لى خالتى ويلا لى عمتى
لكن الابو فى الغالب ممكن من الشغل يديهم طله
ممكن لو خلص مشوار بدرى يديهم طله
لكن الام دايما لما تتطلع بتسوق اولادها معاها
اعتقد انو كدة حتى الاطفال بيميلو على اهل
امهم اكتر لانو بيكونو اتعودو عليهم من
خلال الزيارات الكتيره والمقيل وغيرو...
والاطفال بطبعهم ولوفين فكل مايكبرو الولف بيذيد
تقبلى مشاركتى

والله غريبة انى اسمع منكم كلام زى ده بصراحة بالنسبة لى انا الحنان موجود من الجهتين بس ارجع لكلام سارونا واقول ليكم شوفوا وراكم تلقوا السبب

soso52 كتب:اخوتي واخواتي اود ان اطرح عليكم هذا الموضوع واتمني ان اتلقي منك ردود ومشاركة وهو لماذا دايما نحن لا نميل الي اهل الاب لماذا لانحس معهم بالحنية لماذا نجد منهم المعاملة القاسية لماذا هم لايقربوننا منهم بل يجعلوننا نبتعد عنهم وذلك بسبب تعاملهم الذي اجد فيه كل القسوة والجفاء فمثلا عندما اسافر اليهم في الاجازة بنزل عند حبوبتي من امي وبتكون زيارتي ليهم عصرية سريعة فلما اجي اسلم علي حبوبتي ام ابوي تكتفي انها تمد يدها بدون حضن الحبوبة الدافئ اما ام امي فتزرف الدموع لسلامي
افيدوني بمروركم وشاركو معاي

1/اهل الاب بعتبرو اولاد ابنهم هم اولاد امهم بس ,يعني اذا عندهم مشاكل مع امك خلاص معناتا انتي وامك واحد
2/نوع بشوفو انو انتي وامك مكملين لي ابوكم قروشوا.
3/في نوع واجارك الله بيكونوا قاسيين وبيحبو المشاكل من اجل المشاكل
الموضوع ليو ابعاد كتيره

حقيقة انا العكس

اجد الميول اكثر تجاه جهة الاب

ولكنني اعتقد ان الخلل في انا

لانني اواصل اهل ابي اكثر

والله انا اهلا ماما بحبوني حب ماطبيعي

يعني بعزوني

وانا حبوبتي الله يرحمها ماتت وجدي كمان بس انا كنت صغيره بس عندي صور معاهم كلها حب وورد وحنان

بس خيلاااني مختلفين عن اعمامي

وكمان خلاتي مختلفين عن عماتي

والعجيب انو عماتي بقولو ماما بتدلعنا اكتر من اللازم ومعترضين يعني ماما لو اشرت لي موبايل دلع لو طلبت منها طلب ووافقت دلع

والامر ده محزززن شديد

والحب بلقاهو اكتر من جهه اهل الام

والحقيقه الاتنين انتي البتحكمي شكل علاقتك بيهم

دقيقه ياااااااااااااااجماعه في نقطه مهمه نسيناها انو حبوبتك ام ابوك هي كمان حبوبه ناس من امهم ولا شنووو