كيوبيـــد فى الشــــــــغل ..!!؟
مرسل: الجمعة 2014.9.19 1:07 pm
رفع الدعم عن المحروقات ... 
... كيوبيد آلة الحب الصغيرة .. الوحدة دى .. عرفتوها .!؟
كيوبيد .. يهز كتفيه مخاطباً ( أمه .. فينوس )
يا امى يا حليل زمن الحب والريدة بالله الواحد بقى طاير فى خرطوم السجم والرماد دى من شارع للشارع .. شايل جراحو وحايم ( يتلفت زى مروحة الطربيزة ) ... البنات يا يمة بقن زى شاحن النوكيا الصينى . والرجال البعرفوا الحب ماتو فى كررى ..
45
أمه فينوس – آلة الحب والجمال – هى تعز رأسها فى أسف –
يا ولدى شوال البصل بقى بى بكم ؟؟ كيلو اللحمة حصل كم ؟؟ كم زول مصنف من الطبقة الوسطى فى البلد دى ما بينوم الليل من هم خروف العيد وخروف السماية ؟؟
كبيوبيد: فى إلحاح " لكن أمى الفقر وضيق المعيشة ما عذر .. ما ممكن قصص الريدة تبقى كلها استهبال فى استهبال ..!!؟
فينوس : الاستهبال يا صغيرى حزء من لعبة الحب نفسه . ولكن إن زاد حبتين فالسبب غلاء المعيشة وبعبع رفع الدعم من السلع والمحروقات ..!!؟
كيوبيد " آلة : الحب .. قبل الزواج كان كله رومانسية !
فينوس – فى حكمة جديرة بآلهة إغريقية :
يا ولدى حب شنو مع ناس النفايات والشحاتين البقوا لابسين ملافح ؟ حب شنو مع البنات البقوا يصرفوا على الاولاد .. ويشحنوا ليهم رصيد ؟؟
أمشى يا ولدى توكل .. أنا كلمت خالك يجيب ليك الهام من تايوان .. غايتو تمشى بيها حالك لحدى ما نشوف آخرتها ..!!
ومع كل الاحباط تبقى حاجتنا للحب هى دعمنا لاستمرار الحياة
2
كلام جرائــد .. كلام جرائــد
شــــــفتوا كيف ...!!؟
... كيوبيد آلة الحب الصغيرة .. الوحدة دى .. عرفتوها .!؟
كيوبيد .. يهز كتفيه مخاطباً ( أمه .. فينوس )
يا امى يا حليل زمن الحب والريدة بالله الواحد بقى طاير فى خرطوم السجم والرماد دى من شارع للشارع .. شايل جراحو وحايم ( يتلفت زى مروحة الطربيزة ) ... البنات يا يمة بقن زى شاحن النوكيا الصينى . والرجال البعرفوا الحب ماتو فى كررى ..
45 أمه فينوس – آلة الحب والجمال – هى تعز رأسها فى أسف –
يا ولدى شوال البصل بقى بى بكم ؟؟ كيلو اللحمة حصل كم ؟؟ كم زول مصنف من الطبقة الوسطى فى البلد دى ما بينوم الليل من هم خروف العيد وخروف السماية ؟؟
كبيوبيد: فى إلحاح " لكن أمى الفقر وضيق المعيشة ما عذر .. ما ممكن قصص الريدة تبقى كلها استهبال فى استهبال ..!!؟
فينوس : الاستهبال يا صغيرى حزء من لعبة الحب نفسه . ولكن إن زاد حبتين فالسبب غلاء المعيشة وبعبع رفع الدعم من السلع والمحروقات ..!!؟
كيوبيد " آلة : الحب .. قبل الزواج كان كله رومانسية !
فينوس – فى حكمة جديرة بآلهة إغريقية :
يا ولدى حب شنو مع ناس النفايات والشحاتين البقوا لابسين ملافح ؟ حب شنو مع البنات البقوا يصرفوا على الاولاد .. ويشحنوا ليهم رصيد ؟؟
أمشى يا ولدى توكل .. أنا كلمت خالك يجيب ليك الهام من تايوان .. غايتو تمشى بيها حالك لحدى ما نشوف آخرتها ..!!
ومع كل الاحباط تبقى حاجتنا للحب هى دعمنا لاستمرار الحياة
2
كلام جرائــد .. كلام جرائــد
شــــــفتوا كيف ...!!؟
