منتدى أنا سوداني

أجي أحكي إليك عن شوق
سكن القلب وراح إليك..

عن مسافات غنوة طلت
تفتح جروح من دواخل عينيك..


عن مدن رسمت حكايات حب
خرافية تحن لحضن إيديك..


عن ليالي حنين أليمة
تناجي بدروب الهوى القديمة
المدفونة فيك..


أحكي ليك عن بحارصمت
الحزن وقت الرحيل..


عن طيور تحمل دموع الوداع
بتهوى الضياع بالمنيدل..


عن عبير عطر ذكريات
يبقى بيها رجوعنا مستحيل..


عن سفن ترسي آهات شجن
ترسل ألم مع غيمة مطر
بتسيل..



أحكي ليك عن عذابات قلب
يئن..يحن للضاع..


عن عيون تداري شوق مدفون
ما ليهو داع..


عن حروف كانت معاني
بقت تعاني ..وتنباع..


عن أشباح الظنون
التايه في سكة شجون
ومحفورة تحت القناع..



أحكي ليك عن أسى الزوال البيحلم
بلقا معدوم من الكلمات..


عن حقيقه ما لاقيه طريقه
في جنون وهم الخيالات..


عن حكاوي زمان بتشغل
الولهان بقصص الخرافات..


عن جنون شوقي الحنون
مع عذابات السنون
البتسرق طعم الحياة..


عشان بتهوى الرحيل
من غير دليل
والشوق يطيل
يجيك الليل الجليل



رياح ..تهز ورق الشجر
جراح.. تغطي نور القمر
صياح..يسافر مع موج البحر
ارواح.. تتوه من كتر السهر
ما بتقدر اصلوه تميل
ما عشق جاب ليها الويل
وهد الحيل..


عشان في ناس
انعدم جواه الإحساس
من شدة ألم ما بيتقاس
بيخلي الشقا شي أساس


دموع.. بتزيد مع بعد المسافه
شموع.. بتضوي للأنهار ضفافه
خضوع.. لصحاري شوق يكتر جفافه
رجوع.. لحلم بنياتنا وعفافه
للوعود الما بيقى ليها وجود
لورد عذب الأنفاس
يرد الفرح ويشعل حواس..



هانت عشرة زمان
انطوت بدفاتر النسيان
بتواريخ الجروح وقلة امان
خان ذكرى النسين..خان



مواجع.. تمحي أشواق روح
شوارع..تخفي ظلام ليل الجروح
يوادع.. خلاص اختفى ما ليه وضوح
راجع.. يطل داير يبوح
اسى افتكر كل اللي كان
حبي انتهى ما بقى ليوه بالقلب مكان
يمكن عشان خوان
يمكن عشان.. القلب صان!!.....

شنووووووووووووو
يا جماعه..
عقدوتني..ما تعبروا قصيدتي
وانا كنت بشوفها من اجمل ما كتبت!!
ههههههههههههه..
الف تحية وود..

تعال وداوي وانت الدواء ................. جراح فؤادي بليغ الجراح

بسمة حب تعيد لي الرجاء ................. وتنعش قلب وتشفي جراح

تعال فالحياة بدون هواك ................. سراب ......... واي سراب

تعال فالحياة بدون لقياك ................ عذاب ........... وكل العذاب

مشكوره اختى على الكلام الجميل جدا

والله انتي المشكوره عالمرور الراقي
وزي ما قالوا .. السمحة ست الذوووووووووق..


دمتي بألف ود..

عشوقة كتب:
أحكي ليك عن بحارصمت
الحزن وقت الرحيل..


عن طيور تحمل دموع الوداع
بتهوى الضياع بالمنيدل..


عن عبير عطر ذكريات
يبقى بيها رجوعنا مستحيل..


عن سفن ترسي آهات شجن
ترسل ألم مع غيمة مطر
بتسيل..

!!.....

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أحكى ليَه عن هوانا=
أحكى ليَه عن غنانا=
وعن أرضنا وعن سمانا=
عيدى أحلامنا ورؤانا=
وماتقولى لى الرحيل=
انتى ياعشوقه بانه=
وانتى امالنا ومنانا=
وانتى خبر الفرحه جانا=
حلَ قهر المستحيل=
أحكى ليَه عن هوانا=
أحكى ليه ياجميل=[/poem]

مشكوره يا عشوقه على هذه كلمات على الرائعه...

جد اثارت اعجابي شكرا على احلى احساس ...

الله لايجيب احزان ولا مواجع

تقبلي مروري..

[U]شكرا على القصيدة الرائعة
والى الامام [/U]