منتدى أنا سوداني

مرسل: **الاثنين 2014.8.4 1:30 pm**

https://www.facebook.com/groups/re7t.albon/permalink/820567804650657/

مما قرأت و احزنني حد البكاء
حنك لايقاوم. :yar:

البت لمن تشوفك مغترب وماشاء الله عليك
متعلم وراقي كده في تعاملك اكيد حاتلفت انتباها
وماحاتتعامل معاك كشاب لسسه طالب او زول طايش
خصوصا خاته في راسها انو ده الشخص المممكن يؤمن
ليها مستقبلها وتعمل عرسها في صاله اسبارك سيتي ولا
صاله بركه الملوك و..و..
المهم ماعلينا....وتقوم انت ياسي المغترب الحاسي
بي الم الغربه والعطشان عاطفيا تستغل الحته ده
وتبدا تكب الحنك الذي لايقاوم (غيث ومطر لارض خصبه)...
وسرعان ما توقع البت في حبالك ورغباتك الدنيئه...وانت
في الاصل عاوز تقضى بيها زمن بث.. (مسك زمن في الفاضي).

وحالك حال اي مغترب زهجان من الدوام الطويل وقاعد الا24س
قدام شاشه اللاب وومن ضغوط الكفيل وضرائب المغتربين...
وده غير من طلبات الاسره والاهل والاصدقاء.
اها الشعور ده ولد فيو جو من الاحباط زائد فر اق الاهل والاصدقاء
وبقي في حاله ملل شديد وفقدان عاطفه قويه جدا ..خلتو يساكك في بنات الناس في القروبات (متسكع قروب وصايع واتساب).

وتلقاهو من صباح الدوام (صباح الحنك) يعلق في بوستات المزز ويتراشق.
ويتهابل وانا تعبان من الغربه وانا زهجان من الاغتراب (بحكي كده كانه نحن مكتب جهاز مغتربين).غايتو جنس غايتوو..

وماكده كده وبس وكل مره ينزل بوست انا مغترب وجادي وعاوز عروس.
والمزعلني انو يحلف ويقول.. والله العظيم انا جادي..
طيب ياهبنقه انت في زول غالطك ولا مطلوب شهاده في محكمه الا تحلف..
والغريبه المزز يجو جاريات زي النحل (اصلو ده حنك نحل بس بدون عسل).

ويبدا يصطاد في بحر الفيس واكيد بلقي فريسته لانو ولافيو اي عيب
عشان يتجاهلو ا و يرفضو..
بس الفايت عليك انو بعض منهم عاوز يبرمج بيك يومو وبس
ويستعرض صورو وعفش بيته وغير كده يصور بطاقه الصراف
واقامته ليها......
ياخ والله ضحكتني شديد. .لوربنا اكرمك بي نعمه غطي عليها
واعمل كانو ماعندك شئ ومفلس مش تعرض عرباتك وحساباتك.
وتبدا رحلة التلاعب بالمشاعر وكب الحنك والحب والكلام بالساعات الطويله..وكل مره حبيبتي المسكينه...
تسالو...حبي انت جاي متين؟؟؟
انا مستنياك....ومشتاقه لي يوم عرسنا..
وهو الندل يكون عاوز يقضي بيها زمن
او يكون خاطب بت عموووو.
ياااااا الله ...اتخيلو معاي بشاعه المنظر ده.
لانو بتكون مصدقاو مليون الميه...
ياخ انا زاتي البكتب في القصه ده صدقتووو..خليها هي...
ده شئ بس يدخل اخواتو عشان يشوفو البت وبالغعل يمشو
يشوفوها وتعجبهم ويبقي الموضوع شبه جادي..
ويقوم بعد ده يغير رايووو (اصلا ناو يعمل كده). يبقي ده قله ادب
وانحطاط واي حاجه كعبه تتفصل ليك لانك ندل...

45 55
ونخش شويه في الحاجه الحساسه جدا جدا ومابتنقال ولا بتنكتب بس
نكتبها وعارفنها حاره وبتلسع زي لسعه الكهرباء.

انو المغترب الفاقد عاطفه ده دخل مع بعض منهم في الغريق شويه..
....وداها الاسكاي شاف اي حته في جسدها...من صباعا لي سبيبه راسا...

اي انتو كبار وفاهمين انا قاصد شنو..... :yar:

عارفو حار وشين بس ياهوووو الحصل ....
ليييه كده ياسجم الرماد...لو كنت عندك رغبه جامحه زي ده امشي فرغها بعيد بعيد وافلام الهنا يا البتشبهك ده راقدهـ وال6 فون خلوهو زمان ...

وماصاح منك ياسي المهندس الظاهر عليك محترم (ممكن مهندس محاسب ط.بيب.)
ماتنسي في رب وفي اخره وفي حساب
وفي كماتدين تدان.
وعشان ما نيأسك برضو في توبه واستغفار
ورجوع وانابه واستقامه....
ولو بعد هبالتك وشذوذك ده كلو جيت دقيت صدرك واتقدمت
البطن مافيها مغصه شديدة. (خبيث وعرس خبيثه).عادي وكتير بحصل كدهـ.

بسسس ماتغشها وتعشمها بالزواج ولاحظ ده بت ناس وبت قبيلة.
واهلها ياكلو النار ومن حقها تحب تتزوج ويكون عندها بيت واطفال
ماغلطت لمن اتعرفت عليك بس كمان ماقدرت تقاوم حنكك ده ياخ..
لانو شافت صحباتا عرسو مغتربين وفي اقل من 13يوم (جاهزين ريالاتم ودراهم ودولارتم تلخم) وعرس زي العرس في اسبارك سيتي :yar:

والزفه بالطريقه الانجليزيه الكلاسيكية الحديثه...ياسلام ده تخليك في عالم تان...
مش قلت ليكم حنك لايقاوم؟؟؟
وجعه من الغربه....
عاصم ابر اهيم — :yar:

يشعر بـالألم

أعجبني أعجبني ·

منقول ..!!؟

مرسل: **الاثنين 2014.8.4 1:37 pm**

الله يكون فى عونكم يا المغتربين ..!!؟

الشباب حاقدين عليكم ..!!؟

45

مرسل: **الثلاثاء 2014.8.5 5:03 pm**

هههههههههههه دا حنك زوك مجرب وعاش القصة بي التفصيل الممل ..... والله يكون في عون الجميع

مرسل: **الأربعاء 2014.8.6 12:27 am**

والله الحاجه دي بقت كتيييييييرة
بالذات في ناس 27 وما فوق الناس بتقول عقلت
بس بالعكس كان ما كلهم اغلبهم بعيشو مراهقه متاخره
الا من رحم ربي
عشان كده ما مفروض البت تتخطى حدود ( الفيس ,, ولا الواتس ,, ولا المنتدى )
ويبقى مكالمات وصور وفيديو هي اللي بتضرر هو ما بفرق معاهو
غيتو الله يستر بنات المسلمين

مرسل: **الأربعاء 2014.8.6 8:47 am**

الكلام دا علي حسب البنت يعني لو وقفت الولد عند حدو مايقدر يصل معاها لي حاجات زي دي مهما كان الحنك بتاعو
والله يسترنا ويستر بنات المسلمين

مرسل: **الأربعاء 2014.8.6 9:53 am**

الناس الزى دى بقول ليها داين تدان والديان لا يموت
كله سلف ودين
سنبلة نقل موفق حبيبة هاردي2

مرسل: **الأربعاء 2014.8.6 11:08 am**

ود الناير كتب:هههههههههههه دا حنك زوك مجرب وعاش القصة بي التفصيل الممل ..... والله يكون في عون الجميع

يا هلا فيك .. منور والله ..!!؟

2 2

مرسل: **الأربعاء 2014.8.6 11:10 am**

shosho wbs كتب:
والله الحاجه دي بقت كتيييييييرة
بالذات في ناس 27 وما فوق الناس بتقول عقلت
بس بالعكس كان ما كلهم اغلبهم بعيشو مراهقه متاخره
الا من رحم ربي
عشان كده ما مفروض البت تتخطى حدود ( الفيس ,, ولا الواتس ,, ولا المنتدى )
ويبقى مكالمات وصور وفيديو هي اللي بتضرر هو ما بفرق معاهو
غيتو الله يستر بنات المسلمين

يا بت يا شوشو .. مشتاااقين وكدا ..!!؟2

خبرك شنو ..!!؟ 2

مرسل: **الأربعاء 2014.8.6 11:11 am**

ذات الشجون كتب:
الناس الزى دى بقول ليها داين تدان والديان لا يموت
كله سلف ودين
سنبلة نقل موفق حبيبة هاردي2

فعلاً كما تدين تدان ..!!؟

الله يسترنا ..!؟

ذاتو .. تسلمى حبيبة سنبلة ..2

مرسل: **الأربعاء 2014.8.6 11:15 am**

ود الناير : شوشو : ذاتو ..

كدى خلونا نزيد الطين بلااا ونشوف النص ادناهـ
https://www.facebook.com/groups/re7t.albon/?fref=nf

·

حركات ﺍﻟﻤﻐﺘﺮﺏ ﺍﻟﺠﺪﻳد ..

45

¤ أول مايصل يتصور بي لبس العمرهـ
.
¤ ﺍﻟﺼﻮﺭﺓ ﺍﻟﺘﺎنية ﻓﻲ ﺍﻟﻤﻜﺘﺐ ﻭﻋﺎﻣﻞ ﻓﻴﻬﺎ ﻣﺸﻐﻮﻝ ﻭيعاين في الكمبيوتر
.
¤ ﺑﺎﻗﻲ ﺍﻟﺼﻮﺭ ﻭﺍﺣﺪﻩ ﻓﻲ ﻣﻄﻌﻢ ﻭﺍﻟﺘﺎﻧﻴﺔ واقف جنب العربية
ﻭﺍﻟﺘﺎﻟﺘﺔ ﻓﻲ ﺷﺎﺭﻉ مليان عمارات واﻧﻮﺍﺭ ﻭﺧﻀﺮة ..
.
¤ ﺍﻟﻤﺮﺣﻠﺔ ﺍلأﺧﻴﺮﺓ ﻣﻦ ﺍﻟﺼﻮﺭ ﺑﺘﻜﻮﻥ ﻣﻊ ﺯﻣﻼﺀ ﺍﻟﻤﻬﻨﺔ ﻣﻦ ﺟﻨﺴﻴﺎﺕ ﻣﺨﺘﻠﻔﺔ ﺧﺎﺻﻪ ﺍﻟﺒﻨﻘﺎﻟﻪ ...

.
¤ ﺍﻟﻤﻼﺑﺲ ﺑﺘﻜﻮﻥ ﺟﺪﻳﺪﻩ ﻣﻦ ﺍﺑﻮ ﻋﺸﺮﻩ ﻭيﻜﻮﻥ ﻏﺎﻟﺒﺎ ﻧﺎﺳﻲ ﻭﺭﻗﻪ ﺍﻟﻤﺎﺭﻛﻪ في القميص

.
¤ ﺍﻭﻝ ﻣﻨﺸﻮﺭ ﻳﻜﺘﺒﻮ ﺑﻌﺪ ﺍﺳﺒﻮﻋﻴﻦ يﻜﻮﻥ ﻋﻦ ﺍﻟﺸﻮﻕ والحنين للوطن ومرارات ﺍﻟﻐﺮﺑﻪ ..
.
¤ ﻓﻲ ﺍﻟﺘﻌﺎﻟﻴﻖ يﻌﻤﻞ ﻓﻴﻬﺎ ﻟﻴﻮ ﺯﻱ ﻋﺸﺮﺓ ﺳﻨﺔ ﻣﻦ ﺍﻟﺴﻮﺩﺍﻥ ..
.
ﺍﻟﻠﻬﻢ ﺭﺩﻫﻢ ﺳﺎﻟﻤﻴﻦ ﻏﺎﻧﻤﻴﻦ ..

45
.
ﺍﻟﻤﻬﻢ ﻡ ﺗﻨﺴﻮنا من الهدايا ..

45

انا غايتو داير ﻟﻰ شاحن جلكسي .. !

انتو دايرين شنووو ..

45

45

فى الجزء دهـ بالغوا عديل كدا

منقول

مرسل: **الأربعاء 2014.8.6 5:30 pm**

سُنبُلــة و الإمتـــاع بِلُغـــــــــات المُضحِك المُبكي ...
سيــاسَة ( الحُب , مُقــابِل تحقيق الرَغبــات ... الدنيئة حَتماً )
إنّ جُلّ مــا أسلَفتي بِهِ مِن قَول إن هوَ إلا عَين الحقيقة المؤلِمة التي لا مِراء فيها و حتى نَكون عقلانين دَعينا نَنظُر للظاهرة بعين مِلؤها العُمُق و التَعَمُق لأسباب و مُسَبِبــات هكذا تَطرُف ,
أولاً إسمحي لي أن أبتَدِئ بالفَتــاة , ليس مِن بــاب الثقــافة السَمِجة التي تتحدث عَن أنها الخاسِر الأكبَر في مِثل هذهِ المواقِف و لكِن في واجِهة نَظَري بــأنَهُما سواسية في الخُسران لأنّ الشاب يَخسِرُ أيضاً أخلاقياتُهُ و يَخسَر عِفتهُ و تقواهُ و مِصداقياتَهُ و عَهدَهُ ( أوليسَ هذا هوَ الخُسرانُ المُبين ) ..
إذاً نَقُل أولاً بــأنّ الزواج هو سُنة اللهِ في الأرض لإعمارِها بالنَسل البَشَري و لِلتزاوج بين البَشَر قواعِد و أُسُس و ضوابِط يبتدئ أولهــا بالقناعة في أن الشراكة الزواجية تقَع ضِمن المُقدرات الإلهية و قضاءاتِهِ و إن كانَت تَحمِل بينَ طياتِها مِساحةً مِن حُرية الإختيار تندَرِج في مَضامين التوافِق النِسبي بين الشَريكين , و هُنا لا يَسَعني القول سِوى بأنّ اللهث وراء الزواج سوفَ لَن يــأتي بِشَريك مُناسِب و لتَكُن القنــاعة عِندَ الفتيات بأن العِفة و القناعة الراسِخة هيّ من ستتــأتى بِشَريك الهنـــاء الدنيوي و الأُخرَوي بحيثُ أنّ السعــادة ليسَت في العمائِر و العَرَبــأت و إنما في قناعة الإنسان و شُكرُهُ للِه فيمــا يَملُك ... و أستَذكِرُ هُنا حينما أتتني إحدى شقيقــاتي لِتُخبِرني برغبتِها بالإرتِباط بأحَدَهُم و ما كان مِني إلا أن ســألتُها في كُل بساطة ( كيف علاقتِك معَ رَبنا ) و كانت الدهشة بادية على ملامِحها مِن سؤالي و لكِني أوضَحتُ لها بــأنّ الله سيَهَبُكِ زوجــاً بِناءً على حُسن صِلَتِك بهِ ... كمــا و أنّ لَيسَ كُلّ مُتغَرِب بثَري و ليسَ كُلّ مُتغَرِب سيوَفِر لَكِ رَغد العيش و الوِسادة الحرائِرية التي تضجعين عليهــا آناءِ الليلِ و أطراف النهــار و إن كُنتِ تَعلَمين بِمَرمَطَة التغَرُب و الإغتِراب لوددتي أن لا تراها أعيُن مُحِب و أذكُر لكِ أول مرمطــات التغَرُب و أزواجُهم فمُعظَم الأنظِمة الرَسمية لا تَسمِح بإستقدام الزوجــات و الأبناء إلا لِمَن هوَ يَحمِل شِهادة جامِعية و عَليهِ قَبل أن تَنبَرِشي في المشــاعِريات و تبدأين في تقديم التَضحيات و التنــازُلات إسألي نَفسَكِ غن كُنتِ تَحلَمين بالتِسفار و الإستِقرار في بِلا الغُربة عن مؤَهِلات الشَريك الإفتِراضي و ذَلِكَ حتى لا تقعين ضحية الزيارات و العُمرة و تَكونين مشَحططة بينَ سمــاوات مَطارات الغُربة و طين الوَطن بعيداً عَن شَريك مُشَلهَت ناهيك عَن شلهتة صاحِب العَمَل و الدوامات الطَويلة في العَمَل التي تمتدُ في بَعض الأحايين إلى ما قَبل مُنتصَف الليل بِقَليل و في هذهِ الحالة ستَكونين حَبيسَة لأربعة جُدران و ملاذاتِك لا تتعدى الديجيتـــال و الهواتِف و تطبيقــاتِها .. أيَتُها الرَفيقة كوني حَزِرة فالفضاءات الإسفيرية باتَت مليئة بِأشبــاه الرِجال و أنصافُهُم الذين تمرَسوا في الألاعيب و المُراوغة بإسم الحُب و المفتقدات بحيثُ يَنسِجونَ خيوط الأوهام مِن مَداخِل ما تفتَقِدين و ما يَرغَبون ... و تَيَقَني بأنّ إعتِدالِك في الحيــاة سيَجلُب لَكِ فوق ما تتَمَنين و لكِن وِفق الأُسُس المُتعــارَف عليها و أدعوكِ إلى تطبيق بَعض الإختِبارات البَسيطة عَن مدى جِدية و مسؤولية الشَريك المُنتَظَر و سوفَ تَرين النتائِج المُرّة , و يبدو لي بــأنّ مَن أراد الزواج سوفَ يَفقِد بوصَلَتَهُ الذَكية نَحو الهَدَف الأنيق ...

أخيراً و ليسَ آخِراً كُنت أتمنى أن يُسعِفني الوَقت في كِتابة مُفردات بَسيطة للأولاد و لكِن حَتماً ســأعودُ مُجدداً إن شاء الله ...

وأقول ( لا تَندَم على نيةٍ صادِقة منَحتَها ذاتَ يومٍ لأحَد لَم يُقَدِرها ، بل إفتَخِر أنّك كُنت ومازِلت إنسانًا يَحِملُ قلبًا من ذهب )

مرسل: **الخميس 2014.8.7 1:35 pm**

عايز اعيش ..2

تسلم على المداخلة القيمة ..!!؟

لقد كفيت وافيت ..!!؟2

لذلك لدى مداخلة بسيطة .. لكنى لن اطرحها الآن ..!؟

ودمت بخير ..

تحيااتى يا غالى ..2

مرسل: **الخميس 2014.8.7 4:18 pm**

السنبلاية كتب:
عايز اعيش ..2

تسلم على المداخلة القيمة ..!!؟

لقد كفيت وافيت ..!!؟2

لذلك لدى مداخلة بسيطة .. لكنى لن اطرحها الآن ..!؟

ودمت بخير ..

تحيااتى يا غالى ..2

و لَكِ ما تُريدين ...

مرسل: **الاثنين 2014.9.15 11:43 am**

الله المستعان دة لا دين لا أخلاق وزي ما قالو الشباب كلو سلف ودين
ههههههههههههههههههه أضحكني جداً تعليق البيتكلم عن المغترب الجديد وصورو، نقد ساخر جدا

مرسل: **الاثنين 2014.9.15 11:57 am**

3aiz a3eesh كتب:
و لَكِ ما تُريدين ...

يا هلا فيك .. كيف اخبارك لعلك بخير ..2

مرسل: **الاثنين 2014.9.15 11:58 am**

ابونواف كتب:الله المستعان دة لا دين لا أخلاق وزي ما قالو الشباب كلو سلف ودين
ههههههههههههههههههه أضحكني جداً تعليق البيتكلم عن المغترب الجديد وصورو، نقد ساخر جدا

يا هلا فيك .. ابو نواف ..!!؟2

حللت سهلاً نزلت اهلاً 2

مرسل: **الاثنين 2014.9.15 9:52 pm**

موضوع قيم تسلمي يحتاج للطرح والمناقشه

مرسل: **الثلاثاء 2014.9.16 12:18 pm**

ام اسامه كتب: موضوع قيم تسلمي يحتاج للطرح والمناقشه

تسلمى يا ستهم .. مرورك على العين والرأس ..!!؟2

2

مرسل: **الثلاثاء 2014.9.16 12:34 pm**

ضبعا دخلت على البوست افتكرتوا حق الفاتح جبرا لانوا لى فترة ماقرات مواضيعة .... اعجبني شديدا موضوعك شكرا ثنبله احسنتي

مرسل: **الثلاثاء 2014.9.16 8:47 pm**

الفقيرة كتب:ضبعا دخلت على البوست افتكرتوا حق الفاتح جبرا لانوا لى فترة ماقرات مواضيعة .... اعجبني شديدا موضوعك شكرا ثنبله احسنتي

يا هلا .. يا هلا .. فيك تسلمى يا تسهم ..!!
شرفتى الوست 2

منتدى أنا سوداني

مما قرأت و احزنني حد البكاء .!! منقول

مما قرأت و احزنني حد البكاء .!! منقول

رد: مما قرأت و احزنني حد البكاء .!! منقول

رد: مما قرأت و احزنني حد البكاء .!! منقول

رد: مما قرأت و احزنني حد البكاء .!! منقول

رد: مما قرأت و احزنني حد البكاء .!! منقول

رد: مما قرأت و احزنني حد البكاء .!! منقول

رد: مما قرأت و احزنني حد البكاء .!! منقول

رد: مما قرأت و احزنني حد البكاء .!! منقول

رد: مما قرأت و احزنني حد البكاء .!! منقول

رد: مما قرأت و احزنني حد البكاء .!! منقول

رد: مما قرأت و احزنني حد البكاء .!! منقول

رد: مما قرأت و احزنني حد البكاء .!! منقول

رد: مما قرأت و احزنني حد البكاء .!! منقول

رد: مما قرأت و احزنني حد البكاء .!! منقول

رد: مما قرأت و احزنني حد البكاء .!! منقول

رد: مما قرأت و احزنني حد البكاء .!! منقول

رد: مما قرأت و احزنني حد البكاء .!! منقول

رد: مما قرأت و احزنني حد البكاء .!! منقول

رد: مما قرأت و احزنني حد البكاء .!! منقول

رد: مما قرأت و احزنني حد البكاء .!! منقول