منتدى أنا سوداني

مرسل: **السبت 2007.7.21 1:37 pm**

أدمنتك

عرفتك دقيقه وعشتك حقيقه

كتبتك قصايد رسمتك حديقه
عزفتك روائع سمعتك موسيقى
ادمنتك عواطف صادقه ورقيقه
***
سلامك كلامك ملامحك عجيبه
شفايف قطايف بليغه واديبه
لواحظ تودر حياتنا وتجيبها
حواجب اهله تجرح طبيبها
ضفاير دواير معطر سبيبها
تلامس قلوبنا محنه وتصيبها
***
ادمنتك مواسم صيفك ربيع
خضرة وازاهر منظر بديع
خريفك سحابه عز الهجيع
ترسل رذاذها تروي الرضيع
ادمنتك بلابل تهوى السجيع
تردد اغانى تشفى الوجيع
***
ادمنتك وطن مليان محنه
رملة ونخيل وشواطئ جنه
زفة عروس مزدانه حنه
ودمعة غريب لبلاده حنّّ
كايس الامان كايس المحنه
ادمنتك قدر عزة اهلنا

: للشاعر : صالح فرح صالح

مرسل: **السبت 2007.7.21 10:29 pm**

تسملي يا ترطيبه
عالنقل الحلو ده..

[glint]دمتي بألف ود..[/glint]

مرسل: **الأحد 2007.7.22 8:41 am**

تسلمي الرائعه عشوقة

ودوما مرورك جميل

لا جربتى تعيش اللهفة

ولا خليتى الليل ونّاسك

وكل ما أقول الليلة أسيبك

برجع باكر في أنفاسك

وامسح كل إحساس بيصدك

وفي جواي الريد بتماسك

اخوك دوما ترطيبه

مرسل: **الاثنين 2007.7.23 5:31 am**

(ترطيبه) والله إتخيلتك إنت الكتباها ... لكن بالجد قمهة الذوووووووق الرفيع ... في رووووووووعة الإختيااااااااار ... ودي ومحبتي

مرسل: **الاثنين 2007.7.23 6:42 am**

تسلم اخوى ترطيبه

مرسل: **الأربعاء 2007.7.25 11:44 pm**

ترطيبه كلام جميل وتسلم ولاتحرمنا من جديدك

منتدى أنا سوداني

أدمنتك

أدمنتك

رد: أدمنتك

رد: أدمنتك

رد: أدمنتك

رد: أدمنتك

رد: أدمنتك