منتدى أنا سوداني

مرسل: **الجمعة 2006.12.22 8:00 pm**

[grade="00008B FF6347 008000 4B0082"]أعزائي الكرام ،،
الأعضاء المحترمين ،،

أحببت فقط أن ادون لكم هذا الإقتراح وهو أن اقوم بتدريسكم برنامج الكورل درو واتشرف بذلك ولكني
لن ابدا ما لم التمس الجدية والرغبة الاكيدة في تعلم هذا البرنامج الضخم ،، وهذه خدمة احببت ان اقدمها لكم
فهل منكم من يريد ان يستفيد ،، ؟؟؟[/grade]

مرسل: **السبت 2006.12.23 8:14 am**

أنا أنا أنا يا استاذ !!!
والله حابين .. بس الشرح لو أمكن بطريقة مبسطة عشان وقتنا إنت عارف الشغل وتلتلته !!!
!!! ok

مرسل: **السبت 2006.12.23 9:48 am**

[glow1=FFFF00]

تشكر على هذا الاقتراح .. ونحن جادين وجاهزين .. فهل انت جاد وجاهز !!!

ودمتم سالمين ...

[/glow1]

مرسل: **السبت 2006.12.23 7:22 pm**

[glow1=3300FF]

الاخ استيل....انته ابدا ,,,وتعال شوف الناس حايتلموا فيك كيف....!
وارجوك الشرح يكون بطريقة سودانية واضحة لينا كلنا...وخلينا من
اسلوب اخوانا العرب....معقد خالص..وفى بعض الاحيان عاوز شرح.
والكلام ده بقولو بعد تجارب مضحكة ليس هذا مجالها.

مع تحياتى

[/glow1]

مرسل: **الأحد 2006.12.24 11:31 am**

الحمد لله انكم ما خيبتم ظني والحاجة الجميلة الكنت متوقعة حصلت ،،
يمكن عشان كده انا مبسوط جدا ،، كل التوقعات صدقت ،،
وتوقعاتي أنو أول اربعه حيردو ويشاركو المشرف واحمد يس وبت أبوظبي وشاربة توت ،،
ولمن جيت ولقيتكم بالفعل رديتو أنبسطه جدا ،،

على العموم انا سعيد جدا بقبولكم للفركة الجميلة دي ،، لعده أسباب أهمها الجديه والسعي للتعلم ،،
أكثر وأكثر وكلنا نساعد بعضنا البعض لسنا مكملين ولكننا نكمل بعضا البعض الا توافقوني الرأي ؟؟

أبو صلاح ما تنسي أحب أتذكرك انا من ضمن مجالاتي والحمد لله متعددة ( التدريس ) يعني معلم ،،
الآن ، واما بالنسبة لطريقة التدريس فهي أبسط مما تتخيل ،، وكان من المفروض اليوم أجيب ليكم معاي ،،
نموذج من أمكانية برنامج الكورل الضخم والقوي صورة رسمتها قبل اربع سنوات على جهازي لأني وقتها كنت أمتلك مثله وهي صورة ،،
لموبايل نوكيا 6100 وحبيت اعرضها هنا على الأعضاء حتي يتمكنو وبعرفو امكانية البرنامج ،،
على العموم انا حأبدا لى طول وطريقه أنشاء الله بسيطة ومريحه جدا بس أحب أنوه لي حاجة مهمه ،،
برنامج الكورل درو الحأدرس عليه الأصدار 11 يعني لازم اى واحد فيكم يكون محمله على جهازه ،
الخاص بيه أتنفقنا ،،

ومادير تأخير من هسه البغيب بسجله في ( الأتيندس ) غياب من غير عذر وحأخصم من درجات ،،
في الأمتحان ،،

أحمد يس ،، من هسه غايب ،، معقول لكن يا أبو حميد ،،
من هسه وبقيت تنسي ،،

أسأل الله العلي القدير أن يوقفني وأياكم لما فيه الخير لي ولكم يا أحبائي العبق ،، وأتمني دائما ،،
أن ينتابني أحساس بأني أفيد الغير سواء أن كان معكم هنا أو بالخارج على الإطلاق ،،

مرسل: **الأحد 2006.12.24 1:20 pm**

Still I Need U كتب:الحمد لله انكم ما خيبتم ظني والحاجة الجميلة الكنت متوقعة حصلت ،،
يمكن عشان كده انا مبسوط جدا ،، كل التوقعات صدقت ،،
وتوقعاتي أنو أول اربعه حيردو ويشاركو المشرف واحمد يس وبت أبوظبي وشاربة توت ،،
ولمن جيت ولقيتكم بالفعل رديتو أنبسطه جدا ،،

،

[glow1=FFFF00]عفوا ياستيل بس انا ما شايفة مشاركة احمد معانا .. ولا عشان إحنا ملتصقين زي التوائم( مع كل الاحترام والتقدير ) افتكرتوا معانا .. شكرا
ودمتم سالمين ...[/glow1]

مرسل: **الأحد 2006.12.24 11:47 pm**

واعتبرنيي مشترك

مرسل: **الثلاثاء 2006.12.26 11:01 am**

و الله يا استيل كلام تمام التمام و انا واحد من الناس بايد الفكرة دي
و من اليوم بجهز الدفتر بتاعي و الاقلام و منتظرنك يلي ابداء

مرسل: **الثلاثاء 2006.12.26 11:52 am**

ستيل انا منتظر كل الطلبة لمن الفصل يكتمل ما انا حضرة الناظر................ حا امسك العكاز بس عشان ادارى عدم فهمى......................للموضوع

مرسل: **الثلاثاء 2006.12.26 7:02 pm**

غايتو يا حمد جنس شلاغتن عليك ،،
لكن المهم أنك تكون موجود ،،
والله يديكم العافية ،،
أقسم بالله الواحد يبدأ معاكم هو يحس بأنو ،،
بقدم حاجة مفيدة تفيد الناس كلها ،،

وربنا يقدرنا على فعل الخير إنشاء الله ،،

يا شاربة توت أحمد يس وصلاح وأنت وبت أبوظبي أنا شخصيا بعتبركم اكتر ،،
أعضاء نشيطين في المنتدي بصورة عامة ،، عشان كده جمعتكم مع بعض ،،

مرحب بكل الأعضاء ومرحب بك من هو مرحب بفكرة التدريس ،،
وأنا إنشاء الله سأبدأ العمل فورا في تدشين الدرس الأول ،،
وأتمني أن أوفق ،،

بادين وحزن أخر الطلبة المسجلين ،،
جاهزين ؟

يلا نقول بسم الله نبدأ ،
وأنتظروني ،،

لكم مني كل الود والتقدير والإحترام ،،

ملحوظة مهمه :
لا بد من تحميل برنامج الكورل درو على جهازك الخاص ،،
حتي تتمكن من تطبيق العمل أول بأول ..
تحياتي ،،

مرسل: **الأربعاء 2006.12.27 8:27 am**

ستيل
موعدنا بعد العيد عشان ما تفوت علينا حصة
وكان قدرت تجيب اللاب توب حقك فى الراكوبة ...... نحنا بهناك

مرسل: **الأربعاء 2006.12.27 11:37 am**

اعتبروني معاكم كمان
شكرا

مرسل: **الأربعاء 2006.12.27 5:52 pm**

بكل تأكيد يا أبوحميد ،،
إنشاء الله الدراسة حأبداها ليكم بعد العيد مباشرة ،،
عشان لمن تجي تجي فاهااااااااااامة ،،
ما رايح ليها شربوت ،،
ولا كيلو لحمة ،،
انا هسه بحضر ليكم فيي الدروس وإنشاء الله موعدنا بعد العيد ،،

الأخت نورا ،،
مرحب بيك ،، كتير ،،
وأتمني بالفعل أنك تكوني جادة وعندك رغبة للتعلم ،،
وكل سنة وأنت طيبة ،،

تحياتي لكم جميعاً
Still I Need U

مرسل: **الخميس 2006.12.28 2:06 am**

[blink]

ممكن انضم ليكم يا استيل؟

جزلك الله كل خير على الفكرة الهايله ده....

ويا ريت افكار مثل ذلك كتير منك ومن باقى الاعضاء

[/blink]

مرسل: **الخميس 2006.12.28 10:30 am**

بكل تأكيد ولنا الفخر بذلك أختي الكريمة ،،
جهزي الدفاتر وأبقي جاهزة ،،
الدراسة بعد العيد مباشرة إنشاء الله ،،
كل سنة وانت طيبة ،ن
وشكرا على المرور وأبداء الرأي ،ن

تحياتي لك

مرسل: **الثلاثاء 2007.1.2 2:18 pm**

شريط الادوات
[img][img]http://mitglied.lycos.de/anasudaniforum ... oolbax.jpg[/img][/img]

التعريفات :

1. اداة : Pick Toll.
2. اداة : Shape.
3. اداة : Zoom.
4. اداة : Pezier.
5. اداة : Rectangle.
6. اداة : Ellipse
7. اداة : Polygon
8. اداة : Basic Shape
9. اداة : Text
10. اداة : Interactive Transparency
11. اداة : Eyedropper
12. اداة : Outline
13. اداة : Fill
14. اداة : Interactive Fill

طبعا يا شباب دي ما كل الادوات الخاصة بشريط الادوات عموما ، والبرنامج بتميز بناحية الاداة الواحدة بتكون متكونه من عده ادوات اخري مثل اداة الـ ( Fill ) مثلا عند الضغط على السهم الصغير بجانب الاداة كما هو موضح في الشكل أعلاه ، ملاحظين انو الاداة نفسها بنلقي عليها سهم صغير على اسفل الأداة طوالي.
شاشة البرنامج :

[img][IMG]http://www.c5c6.com/Janu/1167740790.jpg[/img][/img]

[B]النقاط المهمه :
اولاً : في بعض الادوات ما بتشتغل مع بعض على الاطلاق ومثال لذلك اداة ( Transparency ) مع اداة ( Extrode ) وهذه الاداة تستخدم للنصوص مثلا وجعلها ثلاثية الابعاد.

ثانيا : برنامج الكورل درو بعتمد اعتماد كلي على الرسم وليس معالجة كما يتوهم البعض ومع الاعتذار ، هذا البرنامج مخصص للرسم لذلك ( كورل درو ) من Drowing ، ولديه وحدات القياس البتساعدنا على العمل الدقيق من ناحية المقاسات مثل الرسومات الهندسية ورسوم اللوغو وبعض الرسوم التي تحتاج الي مقاسات دقيقه جدا جدا ،، وبرضو بتميز بي انو لمن تختار ليك اداة وتشتغل عليها بظهر ليك شريطها في اعلي شاشة البرنامج مثل اشرطة الادوات الخاصة ببرنامج الوورد مثلا ، او بمعني اصح كل الادوات الموجودة في الشريط ما بتظهر لينا إلا بعد ما نحدد عليها يا شباب.

ثالثاً : شريط ادوات الوحدات القياسية واختيار نوع او حجم الورق الداير تشتغل عليه مثل ( A4 ، A3 ، ) الخ ... واختيار وحدة القياس مثل ( سينتميتر ، والبكسل ، والمتر ) ألخ .... ، وقلب اتجاه الصفحة سواء ان كانت عرضية او طولية.

رابعا : يظهر على يمين شاشة البرنامج شريط الالوان وبالمناسبة يمتلك برنامج الكورل ملايين الالوان وبجميع الانظمة ( RGB ، CMYC ، CMY ، HSB ، الخ .. ) يمكننا اختيار اللون مباشرة لاى كائن منشئ مثل النصوص والدوائر الخ.

خامسا : شريط المعلومات ويظهر اسفل الشاشة ويوجد به ( Page 1 ) اى الصفحة الاولي وبامكاننا ان نضيف للملف للواحد اكثر من صحفة واحدة ويمكننا ايضا التجوال على هذه الصفحات وحذفها ، وتسميتها ألخ ..

سادساً : المسطرة وهي ظاهرة اعلي المستند وايسر المستند ، والمسطرة عليها شغل جامد شديد والله يا شباب ودقيق للحد المابتوصف وحنعرف الكلام ده انشاء الله في مقبل الدروس المقبلة.[/B]

مرسل: **الثلاثاء 2007.1.2 6:23 pm**

[glow1=66CCFF]

يا استاذ كدى دقيقة ..
اول حاجة الدرس خلى على حصتين بعد ازنك يعني ..
تاني حاجة شوية شوية علينا الدرس ده شكله صعب ..

[/glow1]
[glow1=66CCFF]ودمتم سالمين ...[/glow1]

مرسل: **الثلاثاء 2007.1.2 7:44 pm**

[glow1=CCCC33]

أول شي كل سنة وأنت طيب .. ينعاد عليك العيد والسنة الجديده بالخير والصحه والسعاده ولو ما حجيت تحج ولو ما معرس تعرس أصلو أنا عارفااااااااااااك جنك عرس .. مش كدا ؟؟!!
مالك علينا يا ستيل إحنا لسه معيدين لسه يا دوب بنقول يا عيد .. الشربوت قاعد ما خلصته.. شايفه أهو لسه بشربه كع كع كع !!
كدي خلي الدرس الأسبوع الجاي يكون أحمد جاي من السفر تعبان ويبدأ معانا first step
يديك العافية وشكرا

[/glow1]

مرسل: **الخميس 2007.1.4 12:34 pm**

[img][IMG]http://www.c5c6.com/Janu/1167907257.jpg[/img][/img]

[img][IMG]http://www.c5c6.com/Janu/1167907511.jpg[/img][/img]

ديل تصميمين صممتهم ببرنامج الكورل درو قبل ثلاث سنوات
وحبيت اجيبهم ليكم عشان تعرفو امكانية البرنامج كيف ،

مرسل: **الخميس 2007.1.4 6:56 pm**

[glow1=CCCC33]

والله يا ستيل إنت جيت في الوقت المناسب ..
شكرا وإلى الأمام

[/glow1]

منتدى أنا سوداني

ماريكم في تدريس برنامج الـ CorelDraw

ماريكم في تدريس برنامج الـ CorelDraw

رد: ماريكم في تدريس برنامج الـ CorelDraw

رد: ماريكم في تدريس برنامج الـ CorelDraw

رد: ماريكم في تدريس برنامج الـ CorelDraw

رد: ماريكم في تدريس برنامج الـ CorelDraw

رد: ماريكم في تدريس برنامج الـ CorelDraw

رد: ماريكم في تدريس برنامج الـ CorelDraw

رد: ماريكم في تدريس برنامج الـ CorelDraw

رد: ماريكم في تدريس برنامج الـ CorelDraw

رد: ماريكم في تدريس برنامج الـ CorelDraw

رد: ماريكم في تدريس برنامج الـ CorelDraw

رد: ماريكم في تدريس برنامج الـ CorelDraw

رد: ماريكم في تدريس برنامج الـ CorelDraw

رد: ماريكم في تدريس برنامج الـ CorelDraw

رد: ماريكم في تدريس برنامج الـ CorelDraw

رد: ماريكم في تدريس برنامج الـ CorelDraw

رد: ماريكم في تدريس برنامج الـ CorelDraw

رد: ماريكم في تدريس برنامج الـ CorelDraw

رد: ماريكم في تدريس برنامج الـ CorelDraw

رد: ماريكم في تدريس برنامج الـ CorelDraw