منتدى أنا سوداني

مرسل: **الأربعاء 2014.2.19 12:40 pm**

كيف اذكرك احلى ايامنا ...وانت ناسى ؟؟
كيف اعيش البهجة دونك ..وانت بى ماحاسى ؟؟

كيف أتاور شوقى ليك ..وشوقى متعذب معاى !!
كيف أضارى عيونى منك ..وفيها دمعى بحكى أساى !!

قول لى يافائض الحنين .. ليه طليت فى سماىَ ؟؟
ليه رسيت قواربك .. فى بحيرات شقاى ؟؟

ليه رسمت لـــ قلبى الطريق .. وحددت المسار ؟؟
وليه رويت بالشوق عيونى .. لما خليت عقلى طار ؟؟

مرسل: **الأربعاء 2014.2.19 12:41 pm**

لسة بشتاق ليك براى ..
شوق معذب بشقاى ..
حتى شايفة الدنيا دونك ..
ظلمة فى اعماق هناى ..

مرسل: **الأربعاء 2014.2.19 12:42 pm**

وين عيونك ؟؟
مابتشتاق لــ عيونى !!
وللا بسمة من شفايفك ..
تحكى للكون عن جنونى !!

مرسل: **الأربعاء 2014.2.19 12:43 pm**

قووول لـــى ..

كيف أبيد طلة عشم كانت جواى ؟؟
كيف أنسى ريد ..حدد دروبو فى حشاى ؟؟

ياما بكيت ..
وبكائيا اتوسد رؤاى ..

مرسل: **الأربعاء 2014.2.19 12:50 pm**

بت السرف

كلماتك مثل الليالى الأتيه من بعيد .. تحمل معها الكثير من الأمنيات والأحلام .. تحمل إبتسامه حزينة مرسومة على الشفاه تسكن حلم بعيد .. تنتظر إن تصبح يوما حقيقة .. كلمات استشف وفائها وصدقها رغم وتيرتها الحزينة الا انها الحقيقة في غالب الأحيان .. كثيرا ما نعيش التوهم نفسه نعطي كل ما نملك ولا نُعطي سوى صد وعصيان متعمد

هكذا علمتنا تجاربنا وللاسف لم نتعلم بل استمرأنا التجاهل توهما في العيش بطيف الذكرى نسترسل الاحاسيس لتطرق باب الوجد والروح تشاكس ما تبقى من هوى وتعانق قوافل الفرح الواهن

وعفوا إن قطعت هذا السرد الجميل

مرسل: **الأربعاء 2014.2.19 1:43 pm**

كم تمنيت وكم
من أمل مر الخداع
وقفة..
أقرأ فيها لك أشعار
الوداع

مرسل: **الخميس 2014.2.20 10:13 am**

لك التحية
كلامك مافيه كلام دايما روعه

وتصارع الأمنيات خطوات
على بال ما تهل تشرق

مرسل: **الخميس 2014.2.20 7:36 pm**

كلمات جميلة
من انسانة لايشق لها غبار

واصلي ونحن نتبع

مرسل: **الجمعة 2014.2.21 9:56 pm**

كلمات فى غاية الروعة والجمال
واصلى فى هذا الابداع

مرسل: **الأحد 2015.8.30 5:04 pm**

اسئلة ليست للاجابة ...

منتدى أنا سوداني

اسئلة .... ليست للاجابة !!!

اسئلة .... ليست للاجابة !!!

رد: اسئلة .... ليست للاجابة !!!

رد: اسئلة .... ليست للاجابة !!!

رد: اسئلة .... ليست للاجابة !!!

رد: اسئلة .... ليست للاجابة !!!

رد: اسئلة .... ليست للاجابة !!!

رد: اسئلة .... ليست للاجابة !!!

رد: اسئلة .... ليست للاجابة !!!

رد: اسئلة .... ليست للاجابة !!!

رد: اسئلة .... ليست للاجابة !!!