منتدى أنا سوداني

ود الزوحي كتب:
عندما تعطلت سيارتي ذات يوم .. طلبت من صديقي أن يقلني معه في الصباح التالي إلى العمل فقال لي (جدا) ده نظام كرم وكده ..

الشي الغريب .. والخلاني أكتب الكلام ده هنا إنو تاني يوم الصباح أثناء ما نحن في السيارة واتعدينا مسافة شوية كده .. صاحبي قالي لاحولاااااااا نسيت شي مهم لازم أرجع البيت !! طبعا ما ركزت معاه قلت احتمال نسى شي خاص بالشغل ..

فلما دخل البيت جا طالع سريع ووشه مليان ابتسامه عريضة ..

فقلت ليه .. شايفك جاي مبسوط خير إن شا الله .. فقال لي لا أبدا بس نسيت أودع مرتي وأقوليها مع السلامة .. فعشان كده رجعت البيت !!

استغربت طبعا !! فعاين لي كده وقالي .. ما تستغرب أصلا نحن متفقين إنو العادة ما تفارقنا أبدا إلا يفرقنا الموت ..


بالجنبة كده ..
أعتقد إنو ده آخر واحد من زمن ناس عنتر وعبلة !!

الدهمشي كتب: وانت ما اخت ليك زوغة منو ومشيت تودع ؟؟؟؟؟

كنت منظر قاااااااااااااعد

ود الشرفه كتب:واتلقي انت قولت الزول ده ما نصيح ولا شنو ...

واحد نص الليل سمع ناس الفريق يكوركو مرتو صحتو قالت ليهو قوم شوف الحاصل شنو .... مشه لقي انو في تسمم في خزانات المويه والمواسير ... جاء راجع مرتو سألتو : الحاصل شنو ؟؟ قال ليها ماف حاجه اشربي ليك كوباية مويه ونومي نومك

اها ده رايك فيهو شنو ؟؟

ذات الشجون كتب:اذا الدنيا لسه بخييييييييير

بطوطة كتب:صاحبك دا ماعندو أخو؟

بطوطة كتب:صاحبك دا ماعندو أخو؟

ود الزوحي كتب:
أخبرتني إحدى صديقاتي أنني لا أجيد اختيار أصدقائي .. وذلك بسبب بعض الأمور التي قام بها ذلك الصديق تجاهي حيث قام ذلك الصديق باثارة بعض الفتن فيما بيني وبين بعض أشخاص كانت تربطني بهم علاقة جميلة ..

فأخبرتها كيف ذلك .. فقالت حاول أن تجد إجابة لنفسك ..


بالجنبة كده ..

يعني واحد تربطك بيه علاقة لمدة أكثر من 5 سنوات وحكاية بتاعت عشرة وعيش وملح !! أها زي ده ممكن تعرف إنه كعب كيف !!

عجبا ..

عشان كده قلنا ليكم ما تلعبوا ( وست )
الكوتشينة دي بتعمل فيكم اكتر من كده
انت عارف عشان سيكتو في اللعبة قال الا يتسداها في حبيبتك والا صديقتك ما عارف