منتدى أنا سوداني

انا حبوبة لمن كنت ادخل عليها
الله يديها الرحمة ويجعله من اهل الجنة

انا : السلام عليكم ياحبوبة

حبوبة: حباب السلام واهل السلام قدام ويسلم الجاب السلام


والبعدى وحبوبتو

الشمالي كتب:ياااا سلام عليك يااا عمرابي , اثرت فينا لواعج
جميلة وريحة من الزمن الجميل ريحة الودكة والكركاااار
و ............. واشياء اخر , وبجيك راجع

لك التحية
وكل سنة وانت طيب
ومرحب بيك قبل ترجع وبعد الرجعة حبابك عشرة

السنبلاية كتب:

يا حليل حبوبة وزمن حبوبة ..

( حجى الحبوبة فى الزمن السعيد )

تحياتى / سنبلاية
زمن الشعر يغطى الاضنين كان

مرسال الشوق كتب:

زمان حبوبتي لمن تشوفني نمتي تقومني وتجيب لي الحليب بكباية الشب الكبيرة
واقرطعة وانوم تغطيني كويس خايفة علي من البرد

بالمناسبة حبوبتني كانت زمن ماسكاني معاها من اهلي
ريدة وحناب بس


العمرابي .... حركت فينا شئ من الماضي الجميل ... يديك الف عافية

تسلم يا المرسال
وكت سنةوانت طيب

انا كمان رفيقك والله عديت معاها زمن وكان عندها عنزايتين والعشاء حليب صافى اوعك من لبن مغشوش حليب على الكاتلوج بس الصباح بدرى كم مرة تصحينى تقول لى الفجر طلع الاذان اذن.لكن بينى وبينك كنت راقد لها فى صفحته تب

الاخ العمرابى جزاك الله الف خير وكل سنه وانت طيب
حبوبه ربنا يمتعها بالصحه والعافية نجيها كل مره للحجا ونرقد ف حجرها وتفلينا وتقول ( بير زمزم فتحوها .. والحجاج شربوها ... سيدى سافر مكة ,,, جاب لى قطعة كعكه ,,, والكعكة عند الخباز ,,, والخباز عاوز دقيق ,,, وووووو يا حليلها وبعد كده ايييييك نومه من أمها ههههههههههه

[quote="ربوه"]الاخ العمرابى جزاك الله الف خير وكل سنه وانت طيب
حبوبه ربنا يمتعها بالصحه والعافية نجيها كل مره للحجا ونرقد ف حجرها وتفلينا وتقول ( بير زمزم فتحوها .. والحجاج شربوها ... سيدى سافر مكة ,,, جاب لى قطعة كعكه ,,, والكعكة عند الخباز ,,, والخباز عاوز دقيق ,,, وووووو يا حليلها وبعد كده ايييييك نومه من أمها ههههههههههه[/quote



كت سنة وانت طيبة
تربية حبوبات قلتى لى تمام
لوانتى من ناس الكعكة اكيد ماقعتى مع ناس حبوبة كتير
اشكر مرورك

يا سلام علي الشجن البجي مع العيد ده..
لما اتذكر بيت حبوبه عليها الرحمه
كلامي ليها وكت اخش كان:(يمه ازيك)
وكلامها لي(مرحب ريانه بت مريمي والسري..سموكي ريانه للقلوب رويانه..سموكي السري وللقلوب بتسري..يا عقيد الجيد النضمو بالدري)
*عذرا علي عدم التشكيل
يمه كانت وكت تسلم عليها بترد السلام
لكن وكت تقول ليها يمه ازيك.بتقول فيك بيتين شعر
يمه كانت نقطه المﻻكز لقلوبنا وكنا بتلمي حولينها ومرات نتشاكل منو البسرح ليها او يترسل ليها شان نشيل (الغمته)
..
الله يرحم جميع حبوباتنا وأمهاتنا

مرسال الشوق كتب:

وزمان برضو يامان لمن كنا صغار حبوبة برضو تقول ليك اقبض لي الغنامية البحة عشان شاي اللبن

كل سنة وانت طيب ياغالى
وربنا يحقق الامانى

بالله عليك كنت بتقوم بدرى وتحضر سواة شاى اللبن
شاى اللبن حق الزمن داك كان بسوه قبل الطير يقوم
يديك الصحة والعافية

بانه كتب:

يا سلام على الحبوبات

بانة
كل سنة وانت بخير
القابلة على عرفات
الله يديهن الرحمة يارب
اه ماوريتنا كان حبوبة بتدلعك بى ايش

ريانه إمام كتب:يا سلام علي الشجن البجي مع العيد ده..
لما اتذكر بيت حبوبه عليها الرحمه
كلامي ليها وكت اخش كان:(يمه ازيك)
وكلامها لي(مرحب ريانه بت مريمي والسري..سموكي ريانه للقلوب رويانه..سموكي السري وللقلوب بتسري..يا عقيد الجيد النضمو بالدري)
*عذرا علي عدم التشكيل
يمه كانت وكت تسلم عليها بترد السلام
لكن وكت تقول ليها يمه ازيك.بتقول فيك بيتين شعر
يمه كانت نقطه المﻻكز لقلوبنا وكنا بتلمي حولينها ومرات نتشاكل منو البسرح ليها او يترسل ليها شان نشيل (الغمته)
..
الله يرحم جميع حبوباتنا وأمهاتنا

امين يارب
وكل سنة وانت طيبة ريانة
حبوبة كانت تدلعيها تدلعك
الله يديها الرحمة
اشكر مرورك

العمرابى كتب:بانة
كل سنة وانت بخير
القابلة على عرفات
الله يديهن الرحمة يارب
اه ماوريتنا كان حبوبة بتدلعك بى ايش

بانه كتب:

وانت بخير وعافيه

يحقق امانيك ان شاء الله

ما بتذكر الاسم

لكن متذكره حبوبتى كانت بتدينى القروش من المحفظة حقت


ومرات لما اعمل حاجة غلط تدينى دقه بسير المحفظة

يا سلام على ايام زمان

يارت لو تعود تانى

تسلمى
ايام حلوة كانت
يعنى لمن تطلع المحفظة من رقبتة بتكونى واقفة بعيد شوية وقريب حبة
يافلوس يادق . فى الحالتين محفظة

العمرابى كتب:تسلمى
ايام حلوة كانت
يعنى لمن تطلع المحفظة من رقبتة بتكونى واقفة بعيد شوية وقريب حبة
يافلوس يادق . فى الحالتين محفظة

بانه كتب:

ولما اكون معاها بتدينى اى شئ حلو

بلح وبسكويت

ماحصل ادتك دوماية