منتدى أنا سوداني

شباب سلام ورمضان كريم وكيف احوالكم واخباركم

عندى سؤال ( عاطفي ) كدة ..

لي ما عملتو إفطار المنتدى السنة دى

لناس الخرطوم والجاليات الأخري فى الرياض والدمام والامارات والدوحة وباقي الاماكن المختلفة

كنت بتوقع ان المنتدى يكون محافظ علي الشكل الإجتماعي ده ........

اتمنى التفكير الجاد فى إنجاح فعاليات إجتماعيــة زي دى لأنها بالضرورة مهمه جداً للصرح العظيمـ ده

.. أضف لأنها مواصله لفعاليات كانت فى السابق لذات المنتدى ولذات القسم ..

القسم ده كان معني تحديداً بكل الفعاليات الإجتماعيـــة للأعضاء ..

اتمنى ان الناس تكون حريصة علي التواصل فهو قيــمه علينا أننا نحافظ عليها

اذا ما أسعف الاخرين الوقت أتمنى فى الأعوام القادمــه أن ( الأعضاء ) ما ينسو القيمه دى ....... تحياتي جداً

dream-lady كتب:

سلامي ليك...مجدي...وللكل


فعلا الروابط الاجتماعية دي بتقوي المنتدى..واعضاءه

اتمنى ان تتواصل روح المودة والاخوة بين الكل...في انحاء العالم....لكل سوداني

وبعد الامنيات الجميله دي

ماعندك مقترح ممكن يكون مفيـــــــــــــــــــــد ..!!

عندى حساسيـة مع المجامله والكلام العـــــام

عقدة شخصية يعني ماتاخدى فى بالك

مجدى عكاشه كتب:وبعد الامنيات الجميله دي

ماعندك مقترح ممكن يكون مفيـــــــــــــــــــــد ..!!

عندى حساسيـة مع المجامله والكلام العـــــام

عقدة شخصية يعني ماتاخدى فى بالك

الموضوع فى غاية البساطــــة إقتراح مكان لكل اعضاء المنتدى فى الخرطوم
تبرع عدد من 3 الي 5 اعضاء بالتنسيق لكل عضوية الخرطوم
تبادل وسائل الاتصالات بينهم وبين الاعضاء ..

كل عضو يلتزم بتوجيه عدد محدد من الحضور ..
التزام الحضور يكون فى بوست منفصل وأرجو أن يتم تثبيت البوست فى كل اقسام المنتدى لكي ينتشر بشكل مفيد فى فترة الإعلانـ ..

اتمني أن تروق الفكرة والمقترح
بإعتبار أنها ليست فكرة ( جديدة ) بل كانت هنا من قبل وهي ماكانت جزءً من تماسكنا مع مجموعة من الأصدقاء اولاً ومن ثم الأعضاء ..

وكانت المناسبات سنويــة حتي خلافاتنا كانت تحسم بشكل مباشــر وكم كانت اياماً جميلة قضيناها برفقة أجمل الأعضاء ..



تحياتي

نهر المحبه كتب:ياهلا فيك مجدي وكل سنه وانت طيب ينعاد عالجميع بالخير

فعلا افتقدنا اللمات والتواصل اللي كان بكون بكون بين الاعضاء...

وحقيقه افتقدنا بكور لانه هو كان دايما البكون قائم عالمواضيع دي

بس ان شاء الله تعود الايام ويرجع الحال على ماكان عليه


لمة عفراء مول

لمة بيت حبوبه

ايام لاتنسى

والله يانهـر اتمنى ان الايام تعود وترجع
وكلي ثقــة إنها بترجع إذا الناس كان عندها الرغبة انها ترجع الاوضاع زي ماكانت
بدل أغراب فى بيت واحد اخوان واحباب فى بيت واحد .. واسرة واحدة متماسكه إنشاءالله


بالتوفيق ..

اخي مجدي لك التحيه كل سنه وانت طيب

حقيقه افتقدنا لايام زمان
واغلب الناس البتنسق البرامج اسي بقت ما بتخش المنتدي لكن ححاول ألم الشمل من جديد ونتجمع قريب ان شاء الله