خربشات علي دفاتر الثقافة الغذائية

[محمد عبدالرازق]

جدودنا زمان كانوا بياكلوا اكلة خفيفة بعد صلاة الصبح مباشرة ويطلعوا الخلا (طبعا الحاجة دي حاجة قديمة ومتخلفة والحضارة والتمدن الذي عم كل السودان يحتم علينا انه نفطر بسندوشات سريعة الساعة 12 او واحدة كدة يعني استايل كده بدل الكسرة بالموية والملاح والقرف ده)
كل العالم (ماعدا السودان) متخلف زي اجدادنا وبفطر بدري قبل شروق الشمس
الملاريا , التيفويد , امراض عسر الهضم, والتهابات القولون كلها امراض بتاعت جوع من اهم اسبابها عدم الالتزام باكل اي شيء قبل بداية النشاط اليومي
عسر الهضم , البواسير امراض لها علاقة بالاكل الجاف (كخبز السندوشات) وخاصة الفلافل (الطعمية)
الكسرة قيمتها الغذائية اكبر من الخبز وطرية سهل تخلل الانزيمات الهاضمه خلالها مما يحسن من اداء العصارة الهاضمة
العصيدة سهلة الهضم ومدررة للبول وهي ضد امراض الجلطة وعسر الهضم والبواسير وترهل الجسم بشكل غير متوازن ولا يحتاج معتادها الي زيارة اخصائي النحافة والتخصيص
البصل من اكثر الخضروات المفيدة للتخلص من مشاكل وامراض متعددة لكن البرستيج والرقي بتاعنا ما ممكن يتصالح مع الحاجة دي (بصلة بجنيه تمنع مرض علاجه بملايين الجنيهات)

يا ناس علوم التغذية ورونا الحاصل