منتدى أنا سوداني

مرسل: **الأحد 2013.4.14 8:07 am**

شوفي الزمن يا يمة ساقني بعيد خلاص
جرعني كاس
دردرني واتغربت واتعذبت
يا يمة وريني الخلاص

يا يمة يا نور الصباح وكتين يطل
يا يمة يا بدري البشع دايماً بهل
يا يمة يا فيض الحنان الما كمل
وا شري يا زينوبة ولدك في دروب الشوق قتل
محروم من الحب والمحنة وراك هبل

يا يمة يا نغما حنين بالشوق يجن
وأفكاري فيهو بيرتعن
ودمعة شاري بينزلن
بذكرك يا يمة في الدغش النسايمو يهبهبن
قايمي الصباح متكفلتي وشايلة الحليلة على المراح
جبتي اللبن لي بي انشراح
والساعة ديك يا دابو ديكنا بدا الصياح
والطير صغارو يغردن

بتذكرك يا يمة في ساعة الهجير
صالاكي نار الدوكي عست لنا الفطير
رشيتي قلتي بجوهو خير
بتذكرك يا بسمة الطفل الغدير
وقت الخلوق ترقد تنوم أسهر براي أرعى النجوم
والشوق يلف جنحينو بي فوق لي يحوم
وأحلف بي اسمك في الخيال
طيفك كمان بي فوقو جال
اتمنى لو لحظات يدوم
لكني فجأة ألقاهو زال

يا يمة يا بحر المودة وكت يفيض
يا يمة يا شعلة أمل زادت وميض
يا يمة يا عنقود كلام منضوم غليد
بتذكرك يا يمة وقت الناس يجونا من البلد
ناعم ترابها على بسيماتكم رقد
ريحة التمر فوق الهدوم دول الخضار خالص لبد
والشوق أوانو بيشتعل كان ظني فيهو يكون خمد
بتذكرك يا يمة عند ناس قالوا قايمين البلد
رصو الهديمات عدلو ركبو اللواري وقبلوا
خلوني وحدي بلا أنيس كيف انفرادي اتحملو
شالوا السلام انا مني ليك
يا يمة ساعة يوصلوا ويقولو ليك شفناهو في بلد الأمان
يا يمة رسلي لي عفوك ينجيني من جور الزمان

مرسل: **الأحد 2013.4.14 8:08 am**

أمي .. الله يسلمك
ويديكي لي طول العمر..
وفي الدنيا يوم ما يألمك ..
أمي .. الله يسلمك ..
* * *
أمي يا دار السلام
يا حصني لو جار الزمان ،
ختيتي فى قلبي اليقين
يا مطمناني .. بطمّنك
أمي .. الله يسلّمك
***
خيرك عليّ بالحيل كتير ،
يا مرضعاني الطيبة بالصبر الجميل ،
يا سعد أيامي وهناي
لو درتي قلبي ، أسلمك.
أمي .. الله يسلمك
***
أنا مهما أفصح عن مشاعري
برضو بيخونّي الكلام
وقولة ( بحبك )
ما بتكفّي وكلّ كلمات الغرام
يا منتهى الريد ومبتداه ..
يا الليّا .. الله يسلمك ..
ويديكي لي طول العمر
وفى الدنيا يوم ما يألمك ..
أمى .. الله يسلمك

مرسل: **الأحد 2013.4.14 8:09 am**

امى ثم امى لحدى اخر يوم فى عمرى حضن من اول حياتى وهموا همى
بعد الام فى ايه دعوى حلوه فاتحه سكه مقفله
اعمل لها تمثال اللي طيبت قلبها فوق الاحتمال
اعمل لها تمثال اللي تعبت واللي سهرت واللي شالت حمل جبال.

مرسل: **الأحد 2013.4.14 8:12 am**

يمة الحنينة الشوق غلب..
ليك ياجميله وللبلد..
لكل زول فى الدار هناك..
للخاله للاخت الولد..
يمة الشوق.
اشتقت لى لقمة ايديك واشتقت ليك.
.يايمة طال انا شوقى ليك
اشتقت ليك..
اشتقت لام ..القلب الرايقة.لخطوة مشيك.
يايمة يانور العيون..
يايمة يا الزول الحنون..
يايمة يا عشق القلب يالفيك عرفنا الطيبة لون..
يمه الشوق
زمنا قسى واصبح حزين..
خلى الدمع سائب سخين..
اشتقت لعيون يابلد ..
واشتقت ليك ياام الحسين..
فى زكرة الاحباب وتر يعزف علي اللحن المرير..
يعذب النفس البقت مشتاقة للحبان كتير..
يمه الشوق
يمة البريدا..الشوق غلب..
ليك ياحنينة وللبلد...

مرسل: **الأحد 2013.4.14 8:15 am**

أمي يـا حـبـاً ::

أمي يا حباً أهواه يا قلباً أعشق دنياه

يا شمساً تشرق في أفقي يا ورداً في العمر شذاه

يا كل الدنيا يا أملي أنت الإخلاص ومعناه

فلأنت عطاء من ربي فبماذا أحيا لولاه

ماذا أهديك من الدنيا قلبي أم عيني أماه

روحي أنفاسي أم عمري والكل قليل أواه

أمي يا حباً أهواه يا قلباً أعشق دنياه

يا شمساً تشرق في أفقي يا ورداً في العمر شذاه

ماذا أتذكر يا أمي لا يوجد شيء أنساه

فالماضي يحمل أزهاراً والحاضر تبسم شفتاه

ما زال حنانك في خلدي يعطيه سروراً يرعاه

يعطيه سروراً يرعاه

أمي يا حباً أهواه يا قلباً أعشق دنياه

يا شمساً تشرق في أفقي يا ورداً في العمر شذاه

كم ليل سهرت في مرضي تبكي وتنادي رباه

طفلي وحبيبي يا ربي إملأ بالصحة دنياه

كم ليل سهرت في مرضي تبكي وتنادي رباه

طفلي وحبيبي يا ربي إملأ بالصحة دنياه

الأم تذوب لكي نحيا ونذوق من العمر هناه

الأم بحار من خير والبحر تدوم عطاياه

أماه أحبك يا عمري يا بهجة قلبي ومناه

ضميني و اسقيني .. ضميني واسقيني

حــــــبـــاً

ودعيني .. ودعيني .. ودعيني أحلم أماه

مرسل: **الأحد 2013.4.14 8:27 am**

انتي فـــي خاطري كلمة ...كــلمة مابقدر اقولا ...
وانتي فـي اعماقي حتة ..حــــتة لا يمكن وصولا ..
وانتي ياأمي ليــــك مكانة في قلبي ..مكانة مافي زول يقدر يطولا ..

مرسل: **الاثنين 2013.4.15 8:01 am**

أقوال في الأم

الجنة تحت اقدام الأمهات

(النبي محمد)

الأم مدرسة اذا اعددتها اعددت شعبا طيب الأعراق

الأم روضٌ إن تعده الحيا بالري اورق ايما إيراقِ

الأم استاذة الأساتذة الأُلَـى شغلت مآثرهم مدى الآفَـاقِ
( حافظ إبراهيم )

احن الى الكأس التي شربت بها و أهوى لمثواها التراب و ما ضَـمَّا
( المتنبـي )

الأُمُومَه أعظمُ هبةٍ خَصَّ الله بها النساء
( ماري هوبكنز )

ليس في العالم وِسَادَةٌ أنعم من حضن الأم
( شكسبير )

إني مدينٌ بكل ما وصلت اليه وما أرجو أن
أصل اليه من الرفعة إلى أمي الملاك
( لينكولن )

لن أسميكِ امرأة، سأسميك كل شيء

مرسل: **الاثنين 2013.4.15 12:15 pm**

[align=center]يسعدنى تواجدك معى يا ست الكل منووره السعوديه والدول المجاوره[/align]

مرسل: **الاثنين 2013.4.15 2:08 pm**

امال الناس كتب:
يمة الحنينة الشوق غلب..
ليك ياجميله وللبلد..
لكل زول فى الدار هناك..
للخاله للاخت الولد..
يمة الشوق.
اشتقت لى لقمة ايديك واشتقت ليك.
.يايمة طال انا شوقى ليك
اشتقت ليك..
اشتقت لام ..القلب الرايقة.لخطوة مشيك.
يايمة يانور العيون..
يايمة يا الزول الحنون..
يايمة يا عشق القلب يالفيك عرفنا الطيبة لون..
يمه الشوق
زمنا قسى واصبح حزين..
خلى الدمع سائب سخين..
اشتقت لعيون يابلد ..
واشتقت ليك ياام الحسين..
فى زكرة الاحباب وتر يعزف علي اللحن المرير..
يعذب النفس البقت مشتاقة للحبان كتير..
يمه الشوق
يمة البريدا..الشوق غلب..
ليك ياحنينة وللبلد...

مرسل: **الاثنين 2013.4.15 2:22 pm**

tuta كتب:

رثاء احدهم لوالدته الله ارحمها واغفر لها

يا نجم من دنيانا غاب
يا اغلى من تحت التراب
من خلف قضبان العذاب
ليك برسل اﻵهات خطاب
يا يمه يا اﻷمل الرحل قبال
يقول كلمة وداع
يمه يا النور الخفت قبال
يرسل خيط شعاع
يمه يا دمعة فطيم خلوهو
لى ليل الضياع
يمه يا مركب نجاة غرقت
تفرد شراع
يمه يا نجمات صباح مرن
سراع
مرن سراع
يا يمه من بعدك انا اصبحت
لﻶهات وطن

مرسل: **الثلاثاء 2013.4.16 8:13 am**

إلى من
علمتني العطف
علمتني التسامح
علمتني الصدق
علمتني الأمل
علمتني الحب
علمتني الحياة

إليك
يا بحر الحنان
يا منبع الحب
يا وهج العواطف
يا صدق الأحاسيس
يا مصنع الأفراح

إليك يا من
تكافحين وتعملين وتصبرين وتصمدين
ولما جار به الزمان علينا تهونين
وإلى الباري عز وجل تبتهلين
وإلى كل ما نطلبه منك تستجيبين

مرسل: **الثلاثاء 2013.4.16 8:15 am**

أمي
يالــحن الخلود
يا أجمل الورود
يا أغلى العهود

اشتقت
إلى صدرك ولمساتك
إلى حضنك وكلماتك
إلى صوتك ودعواتك
إلى كل ما يمدني منك بالقوة

إلى التي
تحترق لتنير الطريق
وتعلمنا معنى الصديق
وتنتشلنا من كل ضيق
وتكون لنا خير رفيق

أراك
مع شعاع الشمس
مع كل ضياء قمر
مع كل زقزقة طير
مع كل تفتح زهرة
مع كل مرور نسمة
مع كل صعود نفس

لتعيشين في قلبي
وتغفين على حبي

إلى صاحبة
الــروح النقية
النفس الزكية
الطلعة البهية

يا أجمل نساء العالم بعيني

أقول
اعذريني إن قصرت يوما
اعذريني إن حملتك هما
اعذريني إن زدتك غما

حالليني
وأهبيني

يا مخزن الحب والحنان
يا من تحت قدميها الجنان

سأقول لك ما لا يقولون
وأتوقف عندما يتحدثون
وأقرأ ماذا عنك سيكتبون
وأية هدية إليك سيقدمون

سيقولون
كل سنة وأنت بخير
لا

أريد أن أكتب شيئا
يفوق الوصف
لا يعرفه العرف

أحلى من الجمال
أسمى من الخيال
يعجز عن أن يخطه القلم

عنده
تتوقف الكلمات
وتزداد الآهات
وتختنق العبرات

فإليك يا صاحبة
القلب الكبير
والعقل المنير

لا أستطيع سوى أن أقول

كل لحظة وأنت بألف خير
كل نفس وأنت بألف خير
تنامين وتصبحين بكل خير
يا منبع كل الحب والخير

يا أم الخير
أمد الله لنا بعمرك
لنبقى نتظلل بظلك

مرسل: **الثلاثاء 2013.4.16 12:26 pm**

السودانى الاصيل كتب:رثاء احدهم لوالدته الله ارحمها واغفر لها

يا نجم من دنيانا غاب
يا اغلى من تحت التراب
من خلف قضبان العذاب
ليك برسل اﻵهات خطاب
يا يمه يا اﻷمل الرحل قبال
يقول كلمة وداع
يمه يا النور الخفت قبال
يرسل خيط شعاع
يمه يا دمعة فطيم خلوهو
لى ليل الضياع
يمه يا مركب نجاة غرقت
تفرد شراع
يمه يا نجمات صباح مرن
سراع
مرن سراع
يا يمه من بعدك انا اصبحت
لﻶهات وطن

والله الام دى زيها مافى واغلى حاجة فى الوجود
الله يخلى لينا امهاتنا ويديهم الصحة وطولة العمر

مرسل: **الأربعاء 2013.4.17 12:38 pm**

افتح عيني
اغمض جفني
اراكِ امامي
حقيقةً او في منامي
انت يا امي
انا اراكِ
حضنكي الدافي
و حبكي الكافي
حينما افرح تفرحين
حينما احزن تحزنين
من يرعاني ؟
من يحضنني؟
انها امي
قلبي وعيني
امي
انتِ اللولو وانتِ الزمرد
طائر الدودو باتَ يغرِدْ
اسيل نظمي ابو الهيجاء

مرسل: **الأحد 2013.4.28 9:41 pm**

يخليك رب العباد

يا اجمل ما في الوجود

مرسل: **الاثنين 2013.4.29 10:08 am**

امي يا ست الحبايب

يا الاغلي من روحي علي

مرسل: **الاثنين 2013.4.29 11:51 am**

أمي
أمي يا غالية
مكانتك لي عالية
يا نقية يا زاهية
يا طيبة يا باهية
بجودك وافية
يا رؤومة وحانية
صعب فرقاك ثانية
للأجيال مرشدة وبانية

مرسل: **الخميس 2013.5.2 10:14 am**

امي هي اجمل كلمة بقولها

يا احل نشيد يا نغمة جميلة

امي الجنة تحت اقدامها

مرسل: **السبت 2013.5.11 7:47 am**

يا اعلى من دمى يا حبيبتى يا امى
ربنا يديك الصحة والعافية وما يحرمنا منك

مرسل: **السبت 2013.5.11 10:29 am**

كلام مابعدو كلام
الام هى:

القلب الحنون الذي ظل يضعك بين حناياه
الحنان الذي ظل متدفقاً منذ قدومك إلى الدنيا،
أَحِـنُّ إِلَى الكَـأْسِ التِي شَـرِبَتْ بِهَـا
وأَهْـوَى لِمَثْـوَاهَا التُّـرَابَ وَمَا ضَـمَّا

منتدى أنا سوداني

الكل يكتب للحبيبة ست الكل

الكل يكتب للحبيبة ست الكل

رد: الكل يكتب للحبيبة ست الكل

رد: الكل يكتب للحبيبة ست الكل

رد: الكل يكتب للحبيبة ست الكل

رد: الكل يكتب للحبيبة ست الكل

رد: الكل يكتب للحبيبة ست الكل

رد: الكل يكتب للحبيبة ست الكل

رد: الكل يكتب للحبيبة ست الكل

رد: الكل يكتب للحبيبة ست الكل

رد: الكل يكتب للحبيبة ست الكل

رد: الكل يكتب للحبيبة ست الكل

رد: الكل يكتب للحبيبة ست الكل

رد: الكل يكتب للحبيبة ست الكل

رد: الكل يكتب للحبيبة ست الكل

رد: الكل يكتب للحبيبة ست الكل

رد: الكل يكتب للحبيبة ست الكل

رد: الكل يكتب للحبيبة ست الكل

رد: الكل يكتب للحبيبة ست الكل

رد: الكل يكتب للحبيبة ست الكل

رد: الكل يكتب للحبيبة ست الكل