منتدى أنا سوداني

عينيك شبابيك الهوى المفتوحه في شارع الأماني الراجيه قسمتا شان تصيب ..
عينيك هي عينيك ذاتا مهما تغيب وحاتك ما بتغيب ..
يا ريحة الطين و البيوت الفاتحه أحضان النسيم إحساس تمازج و إنصهار ..
يا لهفة القلب البكون شايلك مع الأحلام محبه و انبهار ..
يا دفقة الضو في العيون الزايده بي شوقا احتمالات النهار ..
بهواها عينيك و البحر ..
ببقالا مرفا و ضفتين ..
بتقاطر الإحساس مطر
بغسل من الروح الأنين ..
بنساها أيام الضجر
و أتهادى يسندني الحنين
بلقاها عينيك في البحر ..
تمسح هموم المتعبين ..
ملح المسافات و الشحوب البادي في وش الصدى ..
بتمحيهو عينيك في البحر
و تنهيهو زي الما بدا ..
عينيك عشم ورده بتغسل شوقا لي سرب الفراشات بالندى ..
و عينيك دي اجمل ما رأيت في الدنيا
و الكون و المدى ..