منتدى أنا سوداني

insan كتب:

.

.
.
.
.
.
.
.
.
.
.
تاريخ اشتراكي بالمنتدى
مميز كيف

12/12/2012

ما تجو داخلين يديكم فاضية
جيبو لي باقة ورد | رُبطة زهور وبالعدم جرجير | باقة فاضية برضو مقبولة
والما عندو شي: يقول خير او يقعد لينا ساكت

رايكم شنو في الدخلة القوية دي ؟

فعلاً تاريخ مميز

ذي

رقم المطافي

والشرطة

يعني انت قوات نظامية

يديك العافية

امال الناس كتب:

فعلاً تاريخ مميز

ذي

رقم المطافي

والشرطة

يعني انت قوات نظامية

يديك العافية

حصل شفتا رقم مطافي مكوّن من تمنية أرقام وشرطتين مائلتين قليلا جهة اليمين ؟؟
على بال ما اتصل اكون حرقتا
حسي وينا ردودك الجبتها ؟ اقصد ورودك
جايب لي دبدوب اعمى واحوص
غايتو سمّيناها رضينا
وما نجيك في شينة

الفردوس المفقود كتب:

كدي يا اخوي اول حاجة انت مسجل 12/12/2012
والليلة 20/01/2013
يعني شهر وثمانية يوم
ممكن نعرف كنت وين الفترة دي كلها
مخصوم عليك 38 مشاركة مقدما

وبرضك مرحب بيك وانتظر الورود بتجي مع الجكس

insan كتب:

سجّلتا ومشيت جيت قبل كم ظبطتا لوحة تحكمي في الاول
استعدادا للدرش معاكم
اها وانا في اثناء ما منهمك في رؤيتي العامة للموقع قلتا النشوف ملفي الشخصي في زول هبشو
وإذا بي ألقى ليك تاريخ ميلادي المميّز دا
لامن سجّلتا ما اخدتا بالي
لكن انا محظوظ في الحاجات الزي دي
حاليا اقامو صلاة العشاء
بصلي واجي اكمّل باقي كلامي

قبيل اخدتا جولة تفقدية في الأقسام المختلفة
الصراحة جاتني خوفة من المشاركة تاني قلتا يا زول دق سدرك وخش مع العالم دي
اساسا كدا كدا قاعد براك ووقتك الفاضي تقوم تتواصل مع ناس بلدك
وقد كان
بس
ورود الجكس لو ما فيها عبير ما يتعبو رقبتم ساي
ورود الصور دي فترنا منها

صلاح يحيى سليمان كتب:

العضو الكريم insan ...!

اولا الف مرحب بيك ..وحبابك عشرة فى منتديات أنا سودانى.
نشكرك جزيل الشكر لقرارك الانضمام الى المنتدى،،
ونحن فى انتظار مشاركاتك،
ثانيا الف مبروك قبول تسجيلك من قبل الادارة..وهذه شهادة على مدى
ثقة الادارة فى شخصك الكريم.
نتمنى لك اقامة ممتعة جميلة بين اخوانك واخواتك....تستفيد فيها
ونستفيد منك ان شاء الله.

غايتو يا صلاح لو مشاركتك دي كانت قالب جاهز عوجة كبيرة
تلقاك تشيل وتليّس للبرالمة
أيّ واحد جديد تجي تجدعو بالقالب دا وتفوت
تاني احتمال ما نشوفك ذاتو


وعليكم السلام اخي الكريم

control 4 كتب:

حسي كنترول دا حرف واحد ما كتبو لي !!!!!!!
جا زرع اقصد رزع ليو صورة وكسح
موش قالو لينا لا ابداع في سماء المنقول ؟؟
وتيّب
حسي عليك الله مستكتر فيني فرِد حرف مالك ؟؟
كان قلتا السلام عليكم سااااي فيها شنو ؟؟
لكن برضو مقبولة منك لكن تاني حركتك دي ما تعملا معاي

معتبر كتب:انسان

الف الف مرحب بيك

تاريخ التسجيل متميز

وبيننا ان شاء الله متميز


كل الود

يا زول انا متميّز غصبا عني
كان بى تاريخ اشتراك او تاريخ ميلادي الحقيقي
والحمدلله ما تسنين
موش العارف نفسو ما قصّر
بس دا انا
لكن حتّة مشاركات ومواضيع دي ماااا بضمنا ليك
مرات بتصدق معاي ومرات بكون في وادي غير ذي زرع
اشكر حضورك يا جميل

بعد الزمن كتب:هااااااااااااااي انا بعد الزمن

اسمك غريب شديد يا بعد الزمن
اوعا تكون بعد الزمن انتهى ؟؟
هاااااي حقّتك دي تابعة لـ هووي ول هاي بتاعة الحناكيش
عشان اعرف بس

بانه كتب:

يا هلاا ومرحبا

حياك الله بيننا ونتمنى انه يسعدك منتدانا..

اهلاا وسهلاا بك بيننا ..

اضفت نورا جديدا على منتدانا

كلنا لهفة وشوق لرؤية مواضيعك المفيدة..

وكلنا امل بأن يحوز منتدانا على رضاك واعجابك ..

بانتظار ابداعاتك على صفحاته ..

فاهلا بك مرة اخرى

طبعا مواضيع العضو بتوريك بعض اهتمامو
من شفتا المريخ يعكسر في مروي قلتا دربنا ما واحد
غايتو انا هلالابي - جناح سيدا
حاليا مشجّع فكيت تسجيلي لأنو مسألة الانتماء الرياضي ما لقيت منها غير المغسة ومصائب أخرى شينة جدا
فاهلا بك من خارج الاستاد
وسيدا دا - ان شاء الله يضوي ليكم

صلاح محجوب عبداللطيف كتب:

تخزي العين
شرفت ونورت الدار ياغالى insan
ومليون مرحب بيك فى بيتك وبين اهلك وناسك

بطريقتك مع امل الناس غايتو
من القى الزول خطو كبير طوّالي بعرفو لابس نظارة تقيلة
مرات بجيني احساس انو المنتدى دا حق المؤتمر الوطني
من خدارو دا والله اعلم
كنت داير اكتب ليك بالنوبي لكن الشمالية دي حدي معاها خور مرزوق
تسلم كتير يا عمو