صفحة 1 من 17
كواليس " حسب الحالة "
مرسل: الثلاثاء 2012.10.16 5:32 pm
بواسطة waya
فترت جموع أشواقي
من وقفة رجاك ,,
وإنهد حيل كل الكلام
المستطاب ..
جفلت خيول أفكاري منك
ومن بعيد ,,
أحلامي خاطت ,,
ثوب جديد ..
كست السحاب
طليت على شرفة أمل
بنيان هواك ..
زي الرمل ,,
في موج هوان انساب
مكتوب علي ..
عينيك سفر..
شديت حبي على الرهاب
سابقت ريح غضبك علي
وحتيت معاك ,,
صفق العتاب ..
وريني ليه عشم اللقاء
مقطوعة من جته هزال
كفرانه باللوعه وعذاب
وأنا بالغرام شارع حنين
وفتحت لي صبر السنين
لهفة نوافذ والف باب
وسط الاهل
جاني الخبر
ضوقني طعم الاغتراب
دنيا المعايش والظروف
حكم القدر
البينا كان ,,
فقط انجذاب !!
رد: كواليس " حسب الحالة "
مرسل: الثلاثاء 2012.10.16 8:16 pm
بواسطة إشراقه
وايا
كواليس ولكنها رائعه جدا
وأنا بالغرام شارع حنين
وفتحت لي صبر السنين
لهفة نوافذ والف باب
وسط الاهل
جاني الخبر
ضوقني طعم الاغتراب
دنيا المعايش والظروف
حكم القدر
البينا كان ,,
فقط انجذاب !!
رد: كواليس " حسب الحالة "
مرسل: الأربعاء 2012.10.17 1:56 am
بواسطة waya
إتوهطت ضل ريدك ,,
محكر في البرش حزني ..
ورقراق خوفك المجهول ,,
بسرب إنو تخزلني ..
وشديت قهوة الذكرى ,,
خيال طيفك بعيد عني ..
وتنيت بالوجع جواي
تفتش للخروج مني !
إشراقة ..
تشكراتي لإطلالتك الجميلة على المكان
رد: كواليس " حسب الحالة "
مرسل: الاثنين 2012.10.22 10:41 pm
بواسطة waya
أرويك بالمودة سحاب
هطلت سهول أحباب
بالريدهـ كاسيه شعاب
في المرمى صيد نشاب
كحل المهــا الجذاب
لآدن قوام موفور
ميع شجرة اللبلاب
بدن الجمال والروح
دهـ المنظر الخلاب
وجه البدر نّور
يا ساحر الألباب
رد: كواليس " حسب الحالة "
مرسل: الاثنين 2012.10.22 10:49 pm
بواسطة dream-lady
ارويك ضي العين شباب
ترويني صنوف الشقى والعذاب
ارويك قطر المطر بين الضباب
ترويني وهج العطش وسط السراب
احكيك نجوم الليل احكيك شهاب
تحكيني ظل الهجير وركام خراب
اسجيك خضر البساتين وسط الصحاب
ترميني رمض الخلا وسط اليباب
وايا.....كواليس حسب الحالة 
رد: كواليس " حسب الحالة "
مرسل: الجمعة 2012.11.2 5:33 pm
بواسطة waya
يا شوشو .. لا
شوقاً يشق درب الخلا ..
وقلباً سلا ..
وخبراً ملا ..
جوف الملأ ..
والجابو قال : صابنا البلا
وبعدك أمورنا مبهدلة ..
يرضيك ده !؟
المره من بعد الحلا ؟؟؟
وتعبر دروبنا .. وتجهلا
أحكام قدر .. مستعجلا ..
سمعت كلام الغازلا ..
وضربت طناش من أولا ..
إيه يعني قولك في خصر
هفهف ضميرها وأنحلا !
ولا العيون سحبت
نواعس النوم عليها
تجاملا ..!
وديك الشفاهـ ..
القالو ليها .. مكملا
وياهو الشعر ..
فات الكتوف , مسترسلا
يبرز وجيها زي بدر
في ليل تمامه الأكملا ..
ما هو معروف .. كل ده
حتى البنات شافوها
" جاية من السما "
وبي إنبهار فات الحدود تتأملا
كائن بديع .. ما شافو شيتن يماثلا
ويتمنو بس لو مرة لمسو أناملا
وتسمع يقولن قول كتير
وآخر المطاف .. ما أجملا
دريموز ,,
أسعدني تواجدك هنا
تشكراتي ,,
رد: كواليس " حسب الحالة "
مرسل: الجمعة 2012.11.16 11:24 pm
بواسطة waya
دغش الزيفه والبوخه المقابلة الصاج
وبت القرشي والسعن الحلوبو نعاج
وقولة الأم : مـ تنده للوليد يا حاج !
وتسمع حسو بالكوراك : تعال ابو عاج
ويجيك مارق من التكل القريب نفاج
وليد اشرق يشق العتمه زي سراج
نعم يا ابوي .. صباحك يا كريم فراج
بدور ابريق .. عشان امرق بدون احراج
سمح أأبوي ... وينتر خوفو من كرباج
يفر يقضي في الاغراض سرى ومعراج
ويتلقم جبنة المهلة زي حلقة طقوس مهراج
درع مخلايتو والمنجل يسابق في الشمس وهاج
زرع ارضو ورجع وكت الطيور افواج
ينم في غناهو للبلود سلام اهل الكرم والتاج
رد: كواليس " حسب الحالة "
مرسل: الأحد 2012.11.25 4:10 am
بواسطة waya
قول لي من متين بتنفع " لــــو "
الصوت إن قطع شن بفيدك " الو "
هذا المتصل .. خارج نطاق الجو !!
رد: كواليس " حسب الحالة "
مرسل: الأحد 2012.11.25 8:03 am
بواسطة ميسم
بدونك كيف يكون إشراق
تزور دنيا البشر فرحةْ
وكيف في الروض يقوقي الريد
وأشواقي المولهة بيك
تصوغ الشوق عقود ياسمين
وترسم بالشعر لوحةْ
استاذ وايا ...... كواليس جميله جدا .....
رد: كواليس " حسب الحالة "
مرسل: السبت 2013.1.5 6:06 am
بواسطة waya
ميسم الخير ...
طلتك ..تسعد
تشكراتي ,,
رد: كواليس " حسب الحالة "
مرسل: السبت 2013.1.5 6:08 am
بواسطة waya
استجمعت كل ذخيرتي اللغوية وإجتهادات المطالعة
وذخر المعاني المستفاضة من أمهات الكتب
وأشعار المستهامين منذ الجاهلية والفلتات النجب
كي أوصف هذا الشعور الذي لا يحتجب
أحبك .. بهذا الكم من العنف والغضب !
في قمة سخافتي .. نكون بمنتهى الأدب
فالذي بيننا .. يؤتى , ولا يكتسب
يا للعجب ..!
كان الأمر أصعب من الصعب
وكنــــــا
نزرع الحب أزماناً لنحصد التعب
ونبيع دمى القلوب كاللعب
حتى أضحى الإحساس فينا
شئ كعب
ثم عانقت عيناي وجهاً كالشهب
جمال لا جمال بعده
سبحان من وهب
قلب عذري .. قبل حبنا
قد رهب
وشعر من الليل
يلف جسد من الدهب
أتدرون من صاحبة هذا الصخب !؟
"مزيج من الماء واللهب "
رد: كواليس " حسب الحالة "
مرسل: الثلاثاء 2013.1.8 11:31 am
بواسطة الفرح المهاجر
كم هو مؤلم ان نتلقى الطعنات ممن أسكنته تجاويف قلبك..إنسان أحببته بإخلاص ووثقت به
ووهبته الحب والمشاعر الصادقه ..بنيت معه أحلاما
جميله ووعودا متواضعه ..نعم حبيبي المخادع جعلتك فوق كل شي دون البشر
. حلقت بك عاليا .. بحثت في داخلك عما يسعدك وقدمته لك .
اخلصت لك وافنيت زهرة عمري من أجللك .. صبرت على الألم لأهبك الراحة أسكنت
جنة فؤادي وسجنت نفسي بين نيران الحيرة ..فرشت لك
الأرض ورودا وعلقت على جدار قلبي لوحة حبك للأبد ثم ماذا؟!
أهديتني الكذب والخداع تركتني للحيرة والضياع.. وظللت تبحث عن حب جديد
اختلقت الأعذار وضحيت بقلب احتواك غير ابه بدموعي وعذاباتي ..ورغم ذلك
مازلت عند حبي وولعي بك.. أرحل ايها القلب المتحجر حيث شئت.. ولكن سيأتي الغد
وتبحث عني .. وحينها سأدعك تذرف الدموع ...وأنساااااااك
رد: كواليس " حسب الحالة "
مرسل: الثلاثاء 2013.1.8 11:43 am
بواسطة لبيب
[align=center]وايا
اسمح لي بمرور متواضع أمام هذه الحروف
صمتي يعبر عن دواخلي وما أكنه لك من روعة إحساس متفرد
فانت دوماً نبع لإلهام حروفي
[/align]
رد: كواليس " حسب الحالة "
مرسل: الثلاثاء 2013.1.8 1:53 pm
بواسطة احاسيس
ماعادت تعنينى خساراتى فى الحب ,,,كل ما يهمنى استعادة من خسرتهم فى اثناء ذلك السقوط المتهالك ,,,علهم يغفرون لنا سؤء اختياراتنا
رد: كواليس " حسب الحالة "
مرسل: الأربعاء 2013.1.16 8:37 pm
بواسطة طلال الحكيم
أرى نفسي أجلس خلف كواليس هذا المسرح ... أشعر ببعض الحزن وشيء من الترقب والإنتظار المقيت وإنقباض في النفس
أتردد في رفع الستار ... ليس لشيء سوى خوفي من الإنخذال في أشخاص يعنون لي الكثير
رد: كواليس " حسب الحالة "
مرسل: الجمعة 2013.1.18 1:35 am
بواسطة waya
الفرح المهاجر .. لبيب .. احاسيس .. طلال الحكيم
شرفتموني بمروركم العطر ,,
تشكراتي ,,
رد: كواليس " حسب الحالة "
مرسل: الجمعة 2013.1.18 6:56 pm
بواسطة معتبر
كنت حضور هنا
وقفت
جلست
ربنا يخليك ياغالي
رد: كواليس " حسب الحالة "
مرسل: الأربعاء 2013.2.13 7:32 pm
بواسطة waya
الغالي .. معتبر ,,
أسعدني وجودك هنا ...
كل الشعراء يتغنون بروعة الرومانسية التي يخلفها المساء
يصورونه بالخيال وينمقونه بالغزل في لحظات اللقاء
فكم من حبيب لبس الأمل وتعطر بالأحلام للأحباء
وأنا يا هؤلاء ..
أزيد في الحب " شوقاً " لحد الإمتلاء
رد: كواليس " حسب الحالة "
مرسل: الأربعاء 2013.3.6 6:25 pm
بواسطة waya
موووبالغة ,,,
ثائرة النفس , نفيسة الاحساس ,, احساسها شهيق الانفاس" دون موووبالغة "
جميلة يغالبها الاحتشام ,, وصوتها تحتشم في حضرته كل الأنغام " دون موووبالغة "
رقيقة كالرياش الفاخر ,, فاخرة بالحسن الباهر " دون موووبالغة "
بالغة بالتواضع السماء الظاهر ,, ظاهرة بالحياء كالضياء الجاهر " دون موووبالغة "
رد: كواليس " حسب الحالة "
مرسل: الأربعاء 2013.3.27 10:14 pm
بواسطة waya
يمكن ظرووووووف .. وتعدي
يمكن نفوووووووس , بتهدئ
لكن غيابك طال ..
" أجيب في الظنون وأودي "
يا ربي " ريدنا " الضاع
ولا الشغلة فيهـــا تحدي !!
لحظات جفاي الفات ..
شايلاها شان تتسدي !!؟
ما كنت شايفو الحال
لكن لقيتو .. يمدي
إنسان فقد إنسان ..
لحظة نساهو يعدي
جسر التواصل الكان
ما بين عيونك وعهدي
زايد بكاهو أنين ..
دمعاتو فوق لي خدي
والآن صبح مأسور
داير قليبك يفدي
دايرك تنسي الفات
وتعودي لي ودي
عشان يدوم الخير
ويدوم معاو سعدي