منتدى أنا سوداني

لبيب كتب:

نحن كلامنا لما نقولوا واضح وبين

نحن كبيرنا عندو القاسي بيصبح هين
نحن صغيرنا فرتاق للصفوف مو لين
نحن جيوبنا في وقت الفلس بتدين

waya كتب:

نحن الحلِق .. ونحن الساس

ونحن فوق من الرجال مقياس
ونحن الحاره ذاتا وكتين يفزعو الناس
ونحن نفوسنا أصلو ما بتنداس

لبيب كتب:[align=center]نحن الفرسة عندنا هيلنا كل موّالا[/align][/size]

نحن الحاشا مابتخدعنا أي قوالة
نحن الدنيا مابتغرينا بى أموالا
نحن كلامنا واضح مابيدور أوّالا

لبيب كتب:[align=center]مشتق للجدية بدور لقاها وحاري[/align][/size]

تب بايعاني وانا طوالي في الحب شاري
الخلاها تجري دموعي ليها أضاري
لهجاً حالي تب غير شك بكون هو وداري

فارماس كتب:

نحنا نستمتع ونشد من أذركم والي الامام يا مبدعين

لبيب كتب:

هووووووووووووووووووووووووي يا أستاذ وايا

كان باريتني حجرك بيغطس ساي
شعر شنو البعلمك ليهو انا
يازول انا زاتي كايس البعلمني
ماتكبر لي راسي ساي براهو كبير

لبيب كتب:

انا المربوع وشعر القافية في أوزانو

اكون الدهشة والدهب التقيل ميزانو
الوالاني بمسح بالفرح أحزانو
والعاداني بملا من الهموم خزانو

waya كتب:

أنا أخو البنات الديمه صاين عرضو
وأنا الفزعه وقت الناس يهابو يعرضو
أنا الشيخ " أبو وردة " المابيخلف فرضو
وأنا الباقي من رجال كرري الزمان إنقرضو

مهند العاص كتب:[color=# ba3]يالبيب ما انت
دخري الحوبة ات سند الضعيف العاز
وضربك في فقر كلامك حرم مميز وشاز
[/color]

امال الناس كتب:

أمك ولدتك ما ولدتهم إتنين

تسلم يا تلبي البكيل العين
حالف يمين ما يكون بين البين
دقيت الجسر لى متعة الحيين
****

لبيب كتب:

انا الاسد البخوي على القنايص واقع

انا االارقط دبيب الهم عدوي مواجع
اانا الجود والكرم من طبعي تب مو طالع
فراح للمظاليم لى الحزين الدامع

waya كتب:

سموني الفريد والمعنى ياهو الفذ
إسماً في النطق خلى القلوب تهتز
سنيد الضعاف وكتين يجيهم لز
العدو في الدواس قدامي قايم فز

لبيب كتب:

فارس ومابخاف شايل رويحتي هدية

في الحرب الضروس حرّم بساوي المية
ود عز الرجال عندي العروض محمية
حقي بجيبو من يد الأسد زندية

waya كتب:

الفارس النتر قالوهـا لي كتــــار
وفي الحرب الضروس خليت عدوي احتار
الليل البهيم في وجودي يبقى نهار
والأسد في عرينه بمشي وبلاعبو هظار