منتدى أنا سوداني

مني تاني رساله ليك ..
لو بالغلط ما برسلا
ولو جاتني رساله منك ..
بنساها ساي بتجاهلا
وأشواقي ليك انا ..
عادي بقدر اقتلا
عامله فيا البت تقيله ..
ومافي زول بس يسألا
سايقه في حركات دلال..
عايزاني اسكت أقبلا
......وبعد ما خلاص أزعل شديد ..
والزعله زاتها اكملا
تجيني كايسه الاعتزار ..
سايقه الدلال متسلله
تقعد .. وتتكللم كتير ..
اسباب جفاها تعللا
سامح خلاص انسي الحصل ..
حركات خصامك بطلا
وزعلان ضارب الطناش لا برد لا بسألا
فجأة تزعل مني هي ..
زي طفله نافره مدلله
ارجع انا واندم اقول ..
كيف يا سجم ليه تزعلا
ومن تاني اقعد احنسها
واحنكها ..
انتي الجمال ست الدلال
سمحه خصال .. سمحه وحلا
بس تاني رساله ليك
رديها لامن أرسلا