منتدى أنا سوداني

مرسل: **الأحد 2009.8.23 3:38 am**

اليـــــــــــــــــك

انا وانت بس صورة خيال يادوب عهودنا على الغنا
لو درت بس اهوى العيون وعينيك مداها الامكنه
كاتب عهود الريد مريد وغناك فيه الدند نه

مرسل: **الأحد 2009.8.23 7:40 pm**

دندت براي عايد للذكرى .. أيام ما كنا صغار
لحظة وهلتنا الأولى .. وكتابة الحب البدري
من أول كلمة فهمناها .. وأنا من دون الناس اخترتك
إنت براك تحتلي المسكن .. تملي معاي الدنيا سعادة
ولسه بعاين لكتابتنا .. من لحظة انت تركتيها ..

دمت بود

مرسل: **الأحد 2009.8.23 7:51 pm**

عيونك زاد شجن الحان
ورحلة ريد سفر صدفه
اقاسمك فى الهوى التبريح
تشابى مشاعرى فى لهفه
ضحكة ريد على الخدين
وبسمه وديعه فى عفه

مرسل: **الأحد 2009.8.23 8:03 pm**

ولما ألاقي البسمة تترجل .. تباري السكة لشفاهك
اقول لنفسي .. يا بختك .. حبيبك شايل الفرحة
محل ما يفوت .. بوديها .. هناك وسط النجمة والقمرة
عشان لما الصباح يصبح .. تلاقي الدنيا فرحانة
وتبقى الدنيا حالا زين .. ونسعد نحنا باللمة

مرسل: **الأحد 2009.8.23 8:24 pm**

تعال ناس البلد دايرنك
تبقالم هميم ودليل
اصلا للفرح داخرنك
انت فى الحوبه جمل الشيل
تعال يااخى الجروف فى حنك
تعال ود البلد يا اصيل
تعال ارحم عميرك وسنك
سنين الغربه هدت حيل

مرسل: **الأحد 2009.8.23 8:42 pm**

حلاة الرجعة لما تكون
وسط ناسا حنان قلبن
تلاقي الفرحة في عينيهم
بتقولك كفاك أرجع
ولما أجيك وشايل ليك
حروف قلبي المعاك فترت
وانادي الليل عشان يشهد
وجع قلمي البلاك بدبل
وبرضي أجيك وشايل ليك
دفاتر ريد محال تخلص

مرسل: **الأحد 2009.8.23 8:55 pm**

يا مراة خيالى الصافيه
شوفتك زى صباح العافيه
اشراق بسمتك اغرانى
اما حديثك الرنان
صوت مزمار ونغمة عود
ياهازم جيوش احزانى
لى رؤياك طرب هزانى

مرسل: **الاثنين 2009.8.24 12:01 pm**

انا الولهان على جيتك
وقت ألقاك هايم بي
تدور تنجما بي حبي
وقت دنياك ليك تقسى
ولما تجيني راجع لي
أقول ياربي ارعاه
حبيبي الكنت راجيه

مرسل: **الاثنين 2009.8.24 7:59 pm**

وفاءُ .. والحزن موقوفٌ على قلمـي
واليأس أرخى على الأوراقِ أهدابـا

أنا وأنت هنا .. والموتُ ثالثنـا
فلتسمحي أن يكون الجمعُ أصحابـا

تقدمي .. عمّديني بالوفاءِ فقـد
تكالب الغدر في دنياي أحزابـا

تفضّلي .. نتحاور عن مصائبنا
ونحتسي الألم العذريَّ أكوابـا

مرسل: **الاثنين 2009.8.24 9:34 pm**

كيف اسوق طول المسافه
فى ذمن مجروح وبنزف
لى حجايا الليل مودر
ولى بكايا دموعى تزرف

مرسل: **الثلاثاء 2009.8.25 12:13 am**

بس تقول مكتوب مقدر
إني ابقى وراك ساهي
ومن هواك أفضل بهاتي
ولقلبك انت اجيك تاني
لسه كايس لي حنانك

مرسل: **الثلاثاء 2009.8.25 11:27 am**

مرسل: **الخميس 2009.8.27 10:33 am**

لا غيمه فوقك لا سقف.......
وما في غير ضلك مقيل ...........
نقعد علي كل الظلال ........
الا ضلك مستحيل.............

مرسل: **الخميس 2009.8.27 11:12 am**

وانا برضو حالف إلا اصبر
لما يقتلني الصبر
أو أمشي في درب الجمر
أصلي في بعدك أنا
نيراني جواي تستعر

مرسل: **الخميس 2009.8.27 11:25 am**

لو ختيت فى ملاذك ذاتى
من مدار الحب انا وين ........... اتهرب

قرب لى مسافاتك
ما تطوينى فى ذمن الجيه
ماتخليها تهيم تترامى
فى احضان الشوق عينيه

مرسل: **الخميس 2009.8.27 2:00 pm**

وعشان عيونك يا بنية
بحكليك احوالي العليا
أصلي وحياتك متيم
من غير كلام ولا اي وصية
وانا من شفتو قلبك مال عليا
كل احلامي بقت عليا

مرسل: **الخميس 2009.8.27 2:36 pm**

زاد الحب اوتار السكه
داير يتفجر نغمك ناى
مامعقول انا تانى اسيبك
وفى اشواقى الحلم الجاى
فيك احساس الريد الجارف
انت هواى ................ انت مناى

مرسل: **الخميس 2009.8.27 3:04 pm**

انا لو كنت عارف اني بهوى
كنت بدري جريت عليك
وريتك احلامي المعايا
لحظة انت بقيتا ليا
حسي جاي بتدورني أرحل
أرحل اختاك انا امشي كيف
اصلي مابقدر وحاتك
حتى لو امالي غشاها صيف

مرسل: **الخميس 2009.8.27 3:17 pm**

اسرع تعال خلى الخطاوى تجينا ريد
ازحم معاك سفر العيون
وافراحنا ترجع من جديد
اطياف من الشعر انهمر
وحلم الليالى بقالنا عيد
انا فى رجاك الليل كمل
واشوافى ليك دائما تزيد

مرسل: **الخميس 2009.8.27 3:26 pm**

برضي خايف من خطايا
ليك تمشي تجيك تهاتي
وألقى صدك هو البداية
تاني أرجع للبداية
افتح أوراقي القديمة
أرجع أكتب ليك تاني
و ألقى حسك في الكتابة

منتدى أنا سوداني

اجمل ماقرأت

اجمل ماقرأت

رد: اجمل ماقرأت

رد: اجمل ماقرأت

رد: اجمل ماقرأت

رد: اجمل ماقرأت

رد: اجمل ماقرأت

رد: اجمل ماقرأت

رد: اجمل ماقرأت

رد: اجمل ماقرأت

رد: اجمل ماقرأت

رد: اجمل ماقرأت

رد: اجمل ماقرأت

رد: اجمل ماقرأت

رد: اجمل ماقرأت

رد: اجمل ماقرأت

رد: اجمل ماقرأت

رد: اجمل ماقرأت

رد: اجمل ماقرأت

رد: اجمل ماقرأت

رد: اجمل ماقرأت