منتدى أنا سوداني

بسم الله الرحمن الرحيم
اولا ارحب بكل الاعضاء
وده اول موضوع لي
وإنشاء الله يعجبكم
الموضوع
اجمل بيت شعر حب وغزل او وصف لي المحبوبه شايقي
كل عضو يكتب اجمل بيت شعر عندوا
وارجوا التثبيت
البداية:-
‏(اهواك قدر مكتوب علي كيفن من القدر إحترس اهواك)

ابدااااااااااااااااااااااااااااع والله

لا بعدي من عينك جفي لا كت وعودك بخلفة

كان ظني يا ست الجمال يجمعني يفرقنا الوفة

غراكي اني جريت وراك وفوق دربك اعدته الحفة

غنيتة خلدتك خلود وقصص الغرام السالفة

شان انتي من دون الحسان اختارك القلب اصطفة

واخر جزاهو وقع صريع بس حقو منك ما عفة

ماني البراي صريع هواك كم زي مطعون ما شفة

اعدته امال الهموم تهدم قصورة وتنسفة

انا زول مجرح من زمان دنياي داجي مصيفة

معتاد علي النوح والبكي وفيض الدموع الزارفة

سايقاني ليه وانا زول كسيح قصت جناحي العاصفة

خليتي قلبي قريب يصل ولا الجنان الوارفة

سبتيني في نص الدرب ليه قلتيلي ازنك آسفة

لا قادر اتقدم براي لا قادر ارجع بالقفة

عمر المحبة البينا كان لحظاتو مرت خاتفة

اتمني دنياكي الامان يبراها ديمة يحالفة

بقدر وحاتك في السنين اتناسة ايام الصفة

واكبر خيول اشواقي ليك اكبح جماحة واخالفة

مظلوم من الزمن العلي احكاموا جايري ومجحفة

انا في غنواي الريد شموع وانا في حكاويهم رفة

انا عنتر المات والشجن دم عبلة لكن ما دفة

انا ريدة في اعماق ملاز الا القدر ما انصفة

صح ماني قدرك وريدي ليك في حد زاتو مجازفة

اقطع احساسي وادوم كل المشاعر المرهفة

انا زول نبيل ما برضي يوم تجرح كرامتي العاصفة

بدفع ثمن مبداي دموع مهما عيوني يكلفة

يا كذبة ابريل الخلاص لحظاتو مرت خاتفة

يا نسمة بهوي شزاها موت يسكرني لم اتكرفة

يا درة عزبني الزمن لمن لقيتة مزيفة

انا تاني ما اصبح مناي دانيات سمارك اقطفة

خليه تطويها الرياح وردة غرامنا الناشفة

واحزر تحاول يوم تعود بالماضي روحي تحلفة

خليني للوحدة الزمان من بدري اصلي موالفة

خليني فيها اعيش عزاب الزكري لا يوم الوفة

ميرو

وانا اوعدك تفضل جواى وتفضل فينى نظراتك يراودنى الحنين مرات انت بى زاتك بتدخل فى معالم الجوف وترسم ضحكه وحياتك وتتوهط ضلوع الروح ونعشق يااااخى ضحكااااتك نشيلك من الفرح كيمان نرشو على مساحاتك نخت البسمه معلم ليك وانت البسمه بى زاتك نشيد حبل الوداد فى الروح ما دام طاله نسماتك نصون الريد مع الاخلاص نشربو لون غنيواتك نخت الريد فى الاعماق ولا تطراها اهااااااااتك ونمسح بالحنين احزان قبيل الكان قدر فااااتك نفتح بى شذى الايام نعاين فيها لوحاتك مجمله بى زهور الريد مسطره بى مساماتك ملونه بى دعااااااااش الشوق بهرتنا بيها وحياااااااااااااتك .....!!!

هلا بيك
شعر ممتع يهز القلب
يموت الهوى عنى اذا ما لقيتها
ويحيا اذا ما فارقتها فيعود

ياااااهلا مدد

ع قول الفنان مدد مدد مدد اديني من ريدك مدد ابداااع يافنان