منتدى أنا سوداني

قديمك نديمك

الملاحظ للبيمشي للدكان والسوبر ماركت الحاجات واللغاويز القديمة كلها رجعت زي

كت كات غندور رجع لكن بقى من تلاتة أصابع لأصبعين

فش فاش بفك اللي لونو أخضر وبمبي رجعو وبنفس القيمة نص ريال

بسكويت ريكو والبسكويت المرسوم عليهو زول لابس بدلة فضائية برضو رجع و بنص ريال

حلاوة جيلي والحلاوة الفيها بودرة تغطس الحلاوة في البودرة برضو رجعت

الحلاوة البتختها في خشمك و تقعد تطرطع برضو رجعت يعني تاني تمشي الدكان شايل عشرة ريال تملا كيسك دا لغاويز وتجي

dreem-lady كتب:

بشرى سارة والنسى قديمو تآآآآه

مش كدا بالله
لما تمشي تشتري اللغاويز وتملى الكيس وياحبذا لو تشتري بيبسي القزاز أبو نص وتعبيو في كيس وتقعد تخج تخج لمن الكيس يقرب يطرشق وتقوم تقدو قده صغيرة وتفاجأك الغازات الفيو تخش ليك في نخرتك لمن راسك يصدع مساافة وتشتري بلونتين من البلونات حقت الحظ البتختاره بالأرقام وتنفخه تنفخه

تحس نفسك لسة صغير وإنو الدنيا دي لسة بخير