منتدى أنا سوداني

شباب صبايا
اتمني ان تشاركوني الحوار بمنطق
يعني الان بقول العنوسه كترت
وما بحثو عن السبب الرئيسي شنو
يعني مع احترامي لكل البنات بقت ف حريه شخصيه
واي حد تتكلم معاهو يقول ليك انت مالك دخل بي
يعني حيجي زمن ف السودان الناس كلها بنات والاود بمشو بالبرمودات
يعني بصراحه كده اعرس كيف والشارع 90 في المائه منحل
والاختيار بقي صعب طيب يا جماعة الله الحل شنو
تحياتي

صلاح محجوب عبداللطيف كتب:

اذا أردت البحث عن زوجة صالحة تقر بها عيناك
وخصوصا في هذا الزمن والذي قد كثرت فيه الفتن
ابحث أولاً عن ذات الدين ,ابحث عن الودود الولود
التي ان نظرت اليها سرتك , وان أمرتها أطاعتك
وان غبت عنها حفظتك فلا تيأس إبننا الأميرالحب
لسه الدنيا بخير وأكيد هتلاقي بنت الحلال بس انت أنوي

الاستاذ الرائع العم صلا ح
طابت اوقاتك بكل خير
بالنسبه لذات الدين الان بقت برضو صعبه تعرف من المتدينه ومن الغير متدينه
اعرف كثير من البنات لابسات خيمه عديل كده
ولابسه الحجاب من بره مشاء الله ومن جوه الله لا وراك
هنا اردت ان الفت النظر الي كل بناتنا وربنا يهدينا جميعآ
في هذا الزمان الا من رحم ربي يا عم صلاح
ودي حقيقه والكل يعرفها فلماذا لا نعالج هذه الظاهره
في زمننا الواحدي لو قالت عندي صديق بقطعو راسه
هسع ماشه لي صديقي وجايه من صديقي
دا نسميهو شنو يا عم صلاح ؟

اميرة الورد2 كتب:اولا اسعد بمشاركتكم ..في هدي المواضيع كوني انثى..
من رأيي الشخصي السبب الاول والرئيسي هو عدم الرغبه فالمسؤليه والتخوف منها..
لاسباب كثيره في غير صالح الانثى..
والتخووف من الطرف الاخر كون اغلب الرجال يتميزون في اغلب الاحيان بالانانيه..
والبعض لا يحترم صبر المرأه عليه وتحملها مسؤليته ومسؤلية ابنائه الذين هم ابنائها ايضا..
بعضهم لايعطيها حقها وبعضهم يهينها ويضربها ويشتمها اما ابنائها..
ولكن فالنتكلم بمنطلق الصراحه..
نحن في زمن على ورق مكشوووف..نرا دائما المشاكل الزوجيه..والتفرقه بينهم ..
وضياااع حق اولادهم وتشتتهم فالام تحمل اولادها وتتحمل مسؤليتهم كونهم جزء منها وكون العاطفه اصلها.. والاب يتخلى <<هنا ليس كلهم ..اتكلم عن الاغلب (اي الاكثر) ولا يريد الصرف عليهم فيذهب ليشبع رغبته بزوجه ثانيه...
اما الجانب الاخـــر..
الرجااال الصالحون..هما الاكثر سعاااده في حياتهم الزوجيه ووفقوا ولله الحمد...
هذا لايعني ان جميع النساء صالحات ولكن هناك القله منهم غير الصالحات ..
فكلنا نرا الحقيقه اللتي ذكرتها ولكن الكثيرررر والكثير لا ينطقون بها..
اما جانب الفتنه فهوا موجود كما ذكر الاخ ولكن ليس السبب الاول الذي يرتكز عليه الاغلب من النساء!!

اميرة الورد :
لك التحيه ع المداخله الجميله
هنالك كثير ليس قله يا اميرة من البنات غير صالحات
70 ف المائه من البنات في السودان غير مسؤولات
يعني لو حد فتح خشمو معاها يابت انستري اكيد بتحرج وقدام الملا
طيب نفترض انو في صالحات ما هو دور الشارع العام السوداني
والله اللبس البلبسن فيهو بناتنا يخجل مع الاحترام
لك التحيه اميرة

ناجي عثمان عبد الرازق كتب:

كن جميلا ترى الوجود جميلا
أخي الفاضل الأمير الحب ، كل زمن له بصمة يضعها تختلف من جيل لآخر ، زمان الواحد يكون شعرو خنفس وخاتي ليهو خلال وفاكي الزراير القميص ن، كثير من القصص التي نسمعها عن الاجيال الماضية والشباب الذي يسعى جاهداً في الخروج عن المألوف ، خليهم بكرة إكبروا !! الزواج في هذا الزمن (من الناحية التي ذكرتها )لا أعتقد أن به صعوبة لأنه وكما ذكرت لك أنه تداعيات مرحلة وستزول ، أما ماهو أصعب هو المفاهيم وطرق ممارسة الحياة ، أشعر أن تحمل أعباء الزواج لجيل مثل هذا عبئ كبير وحمل لا يقوى عليه ذكر أو أنثى ، لم يجدوا المعينات الممكنة ولا التدريبات التي تكون لهم دليل لحياة مستقبلية أساسها الأول هو المسئولية والالتزام وإحترام الآخر ، نلتمس الفرق واضحا فيما نراه في بيوت عريقة بها الخالات والحبوبات وكيف يقوم النسيج الاسري وكيف يكون التقديس لهذه العلاقة الانسانية الممتدة ، عزيزى قد يكون لك نصيب أجمل إذا إجتهدت فليس كل من تراه كما يبدو لك ، ،، أمنياتي لك

حبيبنا الغالي ناجي :
لك التحيه ع المداخله الجميله
فهنا اردت ان اتكلم عن العاميه وليس انسان بعينه او تجربه او او او ؟
فمن منظور الشارع العام السوداني بصراحه كده القيم راحت واندثرت
ونسال الله السلامه
وكل هذا بسبب الثقافه الغربيه فنحن في النهايه مسلمون
تشكر عزيزي ناجي ع الكلام الجميل

الماسة الخماسية كتب:

** أخى العزيز : أمير

الزواج قسمة ونصيب

** يعنى ما تتعب روحك بالاختيار فإن الله قد إختار لك مسبقا"

**فقط أحسن عملك وأدع الله أن يتقبل منك ويجزيك طيبا مثله

** وستجد أنك بالفعل حصلت على إمرأة من أطيب نساء الأرض


*قال تعالى: (( الطيبات للطيبون ، والطيبون للطيبات )) .

لا قول ولا اختيار بعد خالق الكون
اردت ان اوضح يا ماسه عن سلبيات سوداننا
بالرغم من انو متثقفين ولكن برضو يوجد جهل ف الامور
تشكري ع المرور

مهاجر في البلد كتب:

فقط انظر بعين التفاؤل وانظر الى المجتمع في نصفه الطيب
ولو كنت تبحث عن الشريكة الصالة لتنجب جيلا طيبا قد يغير ما عليه المجتمع

سوف تجدها من تبحث عنها وقد تكون الى جوارك وانت لا تدري

والاختيار اسهل شيء

فقط كن جميلا ترى الوجود جميلا كما قال استاذنا ناجي

الأميرالحب كتب:

اتمني يكون الاختيار اسهل شئ مشكور مهاجر
واتمني ان تكون بجواري كما قلت
ولكن في نفسيتي عقده بقت كيف الحل
مريت بتجارب وكانت فاشله وما كنت اتوقع يوم من الايام ان تكون بهذا الشكل والمضمون
لك التحيه مهاجر

مهاجر في البلد كتب:

حاول يا امير ولا تيأس فامير الحب لا ييأس
وانظر اليها بعين التفائل ولا تركن الى واقع قد لا يكون حقيقيا

مهاجر :
لك التحيه علي الكلام الجميل دا
وربنا يقدم الفيهو الخير
تجاربي ثلاثه والثلاثه فاشله
اثنين بالسودان وواحدي ها هنا في بلاد المهجر
وكلها باتت بالفشل وربنا يدينا العافيه والعمل الصلاح

الأميرالحب كتب:
يعني بصراحه كده اعرس كيف والشارع 90 في المائه منحل

فتش في العشرة % الباقين
كل يرى بمنظور دواخله

الأميرالحب كتب:مهاجر :
لك التحيه علي الكلام الجميل دا
وربنا يقدم الفيهو الخير
تجاربي ثلاثه والثلاثه فاشله
اثنين بالسودان وواحدي ها هنا في بلاد المهجر
وكلها باتت بالفشل وربنا يدينا العافيه والعمل الصلاح

اذا تعلم ان تختار صح

رندويه كتب:فتش في العشرة % الباقين
كل يرى بمنظور دواخله

والله ممكن لكن صعب يا رندويه
نسال الله السلامه

مسلمة وافتخر كتب:اذا تعلم ان تختار صح

عاوز لي مسلمه عشان افتخر بيها قدام الخلق
وما لاقي دليني يا مسلمه