منتدى أنا سوداني

صلاح محجوب عبداللطيف كتب:

التوب السوداني رمز المراة السودانية اينما حلت ولاغني عنه في الاناقة والشياكة
كما انه يلائم ذوق المراة السودانية وتدينها والتزامها ويضيف لها الحشمة والوقار فضلا
عن انه يوجد فيه رائحة الوطن والمقصود التوب ابو فدقتين وليس الربط .
وظهرت في الفترة الاخيرة العباية المخصرة ةالمحزقة . وخاصة في بنات المغتربين
والطالبات وبعض شرائح المجتمع الاخرى. وقبل كم سنة كانت غيرمعروفة
وظهرت في بادي الامر مقبولة وتستر المراة وبدات في التخصير شوية شوية حتى
وصلت الي ان تظهر كل جسم المراة وبها بعض الرسومات والزخاريف وعلامات
غير معروف المقصود بها
وهذا النوع لايباع على هذه الصورة بل يتم تفصيله حسب الطلب
حتى تظهر كل تفاصيل جسمها حتى الملابس الداخلية.
العباية عند اهلها ستر ووقار للمراة وهي انواع منها عباية الراس وعباية الكتف
وهي جلباب فضفاض من الراس الي الارض لا يظهر شئ من جسم المراة .
وهل التوب السوداني افضل للمراة السودانية ام العباية ؟
ومن اين جاءت هذه العباية المخصرة

الغالي عمنا صلاح :
لك التحيه ف البدأ
الشئ المهم اريد ذكره هنا
يا للاسف التوب السوداني بقي يخجل جدآ
يعني التوب السوداني كان زمان ساتر ولكن الان لا حولة ولا قوة الا بالله
المرآة السودانيه تكون لبسه توب كانو مالابسه اي شئ
خفيف لدرجة تشوف ما تحت التوب بكل وضوح والمشكله بقت عامه
المرآة تمرق من البت الزوج والاخ والاب والخال والعم شايفنها ومافي حد بقول بقم
نحن في زمن ربنا يسترنا فيه
العبايات فيها الساتر وفضفاض وغير مزركش وفيها الضيق
تدي ربك العجب لبسته كيف ما تعرف نسال الله السلامه بث
ميرو كان هنا

الاب الرائع

الثوب ليه جماليات اكتر من العباية وخاصة فى المناسبات



وقد دخلت العباية بصورة كبيرة نسبة لانها عملية ولا تعيق حركة المراة العاملة .



تسلم للموضوع الجمييل ودمت بخيير

لا العباية ولا التوب

ما بقدر اقول العباية بصورة عامة

العباية حاليا لها انواع ممكن مزركشة ولا عباية شهرة او ساترة

افضل حاجة طبعا العباية الساترة

كل له زمانه ومكانه فلا انصح واحده بتعمل في مشغل فى
جده ان ترتدى التوب ابو ضلفتين.. كما لا نصح التى ذهبت
فى اجازه لاهلها فى قريه مجهولة الهويه ان تلبس العبايه
وتربط عويناته ..حتى كلب الجيران ما يتعرف عليها ..

لك منى الف تحيه استاذ صلاح
فانت مبدع دائماً

لكل واحد من الاثنين وقته ومكانة

في السودان ما ممكن واحدة عروس في شهر العسل لو لبسوها عباية حتكون كيف

وجيبوا واحدة شايله شافعا في صفحتا ولبسوها توب في مكان عام خارج السودان

ومرات العبايات بتغطي جنس فضائح


بس الاصالة الثوب السوداني المحتشم

الاستاذ صلاح تحياتي

التوب بقى ماهو التوب
والعبايه بقت ياللله اخير منها الجلباب الواسع (خاصه المخصره بأمانه بتعمل حاجات ما كويسه فى النفس الضعيفه )
اللبس هو الستره
فأسترى نفسك اختى بما يرضى الله