نداء إستغاثه
مرسل: الخميس 2012.1.26 8:46 pm
لي الواقع هناك
في هوة البير العميق
ما تستسلم لي ظلمة الليل
الأرق
أديني يدك
قاوم شان تعيش
يا عايش غصباً عني وعنهم
وعن الرموك
وخلوك تصرخ وتستغيث
كايس الطلوع
كايس زي الفوق تفوت وتنطلق
قاوم عشان ديل الغبش
البحلمو بي بكره أجمل من هذا
الحريق
قاوم
حرقتك من هذا الأسف
قاوم
جرحك والنزيف
قاوم
مراراتك إذا ضاع الشرف
قاوم عشان راجينك
وجوانا ما بنقبل بي غيرك
يكون بديل
راجينك نبني معاك
الفاتو الزمن
الوقعو السيل
الضيعو سكاتنا
الإنشال بي الليل
الغلبو الوقوف
مهدود الحيل
أرفع صوتك
ونادي البعرفو قيمتك
الشالو الإبريق ووضوك من إبليس
ما يكفَرك
الباعو النفس في حضرتك
ما ساومو في السعر
الجواهم يقين بي كبرياك وعزتك
الماليهم شوق لي رفعتك
البتضايرو كل ما طلعت شمس
على بيوت القش
وينفجو إذا الضراء مستك
الكل ما الريح عصفت بي زرايب الشوك
شتت حيشان الصدق
لمو الضريسه والشوك من سكتك
الراجينك
تكون شاي الصباح
لي حلوقهم المره من كتر التعب
الختو الحجر ترياق الجوع
فكو بي لقمة الصبر الريق
راجينك
البين الجداول والترع
العرقهم سماد الأرض
الحارسين الزرع ما ينسرق
راجينك
الواقفين على طوب الكماين
والأتشردو لا أم لا أبو
راجينك
تكون الضل اذا حر النهار
تكون ضراهم في البرد الحار
يتلمو تحتك إذا نزل المطر
راجينك
الأتوسدو الأرض وأتلحفو الشمس
التعابه السارحين بي الغنم
الفاتو إذا جفت الأرض
ورجعو مع الخريف
ولا كانت في أرضك مطر
المطر ما بنزل من سكات
الرحمه معدومه بين البشر
صارقيله ما بتصيد السمك
كل السمك أصبح كبار
الصير لي الكبار وجبة أكل
صياد ولا لاقي ما يسد الرمق
والزيهم كتار
ما ليين زريبة الفقر
النفوس ما عادت مطايبه زي أول
البأكل عشره
ما عاد يملاء لي الواحد كرش
الكرش المليانه حد الإنفجار
لي الواقع هناك
بتطلع ما شايلني شك
حتى لو نضطر نجيك
في هوة البير العميق
ما بنسيبك زي الرموك وفاتو
خلوك تصرخ وتستغيث كايس الطلوع
زي الفوق تفوت وتنطلق
أديني يدك
في هوة البير العميق
ما تستسلم لي ظلمة الليل
الأرق
أديني يدك
قاوم شان تعيش
يا عايش غصباً عني وعنهم
وعن الرموك
وخلوك تصرخ وتستغيث
كايس الطلوع
كايس زي الفوق تفوت وتنطلق
قاوم عشان ديل الغبش
البحلمو بي بكره أجمل من هذا
الحريق
قاوم
حرقتك من هذا الأسف
قاوم
جرحك والنزيف
قاوم
مراراتك إذا ضاع الشرف
قاوم عشان راجينك
وجوانا ما بنقبل بي غيرك
يكون بديل
راجينك نبني معاك
الفاتو الزمن
الوقعو السيل
الضيعو سكاتنا
الإنشال بي الليل
الغلبو الوقوف
مهدود الحيل
أرفع صوتك
ونادي البعرفو قيمتك
الشالو الإبريق ووضوك من إبليس
ما يكفَرك
الباعو النفس في حضرتك
ما ساومو في السعر
الجواهم يقين بي كبرياك وعزتك
الماليهم شوق لي رفعتك
البتضايرو كل ما طلعت شمس
على بيوت القش
وينفجو إذا الضراء مستك
الكل ما الريح عصفت بي زرايب الشوك
شتت حيشان الصدق
لمو الضريسه والشوك من سكتك
الراجينك
تكون شاي الصباح
لي حلوقهم المره من كتر التعب
الختو الحجر ترياق الجوع
فكو بي لقمة الصبر الريق
راجينك
البين الجداول والترع
العرقهم سماد الأرض
الحارسين الزرع ما ينسرق
راجينك
الواقفين على طوب الكماين
والأتشردو لا أم لا أبو
راجينك
تكون الضل اذا حر النهار
تكون ضراهم في البرد الحار
يتلمو تحتك إذا نزل المطر
راجينك
الأتوسدو الأرض وأتلحفو الشمس
التعابه السارحين بي الغنم
الفاتو إذا جفت الأرض
ورجعو مع الخريف
ولا كانت في أرضك مطر
المطر ما بنزل من سكات
الرحمه معدومه بين البشر
صارقيله ما بتصيد السمك
كل السمك أصبح كبار
الصير لي الكبار وجبة أكل
صياد ولا لاقي ما يسد الرمق
والزيهم كتار
ما ليين زريبة الفقر
النفوس ما عادت مطايبه زي أول
البأكل عشره
ما عاد يملاء لي الواحد كرش
الكرش المليانه حد الإنفجار
لي الواقع هناك
بتطلع ما شايلني شك
حتى لو نضطر نجيك
في هوة البير العميق
ما بنسيبك زي الرموك وفاتو
خلوك تصرخ وتستغيث كايس الطلوع
زي الفوق تفوت وتنطلق
أديني يدك