منتدى أنا سوداني

برأيكم لي المصريين بكرهو السودانيين ودائما بحقدوا عليهم وكمان بعايروهم بي لونهم اللي المصريين ما عارفيين أنو أفضل الالوان؟؟؟؟؟؟؟؟؟؟؟؟؟
ما تقولوا انو الكلام ده ما بيحصل لأنو احنا هنا في قطر جيراننا مصريين في الفيللا الجمب الفيللا بتاعتنا
دائما بيعملوا لنا كده وهم تماما عكس جيراننا القطريين اللي في الفيللا اللي في الجهة التانية من الشارع.
ممكن تدوني رأيكم؟؟؟؟؟؟؟

شكرا على الرد بس انا فعلا صغيرة وعمري 12 والمصؤيين جيراننا اللي سمعت منهم الكلام في نفس عمري يعني صغار بس الصغار من وين بجيبوا هذا الكلام وهذه الأفكار؟؟؟؟؟؟؟؟
أكيد من أهلهم الكبار بيعلموهم أنو السودانيين .......زبالة
ده اللي انا فهمتوا منهم.
وشكرا مرة تانية

احب أقول ليكي يا بت سدن دن انو ما كل الناس واحد..
واصابع يدك ما زي بعض..
وتصرفات الشخص تنسب له وليس لعرقه أو بلده.. وبعدين جيرانكم المصريين مغتربين زيكم.. يعني ما عايشين في مصر عشان ننسب تصرفاتهم للمصريين كافة..
ونحنا اكيد لازم نمثل بلدنا بشكل مشرف وين ما كنا.. يعني ما نرد الاساءة بالاساءة ...
ووالله المصريين ديل حبايبنا وأنا شخصيا عاشرت كمية من المصريين وكانو من احسن الناس وما شفت منهم إلا كل خير..

والله انا اول مره اسمع الكلام ده

بالعكس المصرين ظراف

صح مستهبلين حبه :) مع احترامي ليهم


لكن ما اعتقد انهم ناس بشيلي في قلبهم او بيحقدوا على زول او بيعايرو زول



يمكن الكلام ده في قطر

او في فئه بسيطه من المصرين

الله اعلم

تحياتي

والله أنكم ما عارفين حاجة أنا بقول لكم بس وجهة نظري واللي شفتوا انا .

[/align][/b]

كلهم مستهبلييييييييييين


اله اسلام








ا
ك
ب
ر


مستهبل :)



اسلام انا جايلك مصر يوم 5/7انشاءالله

لازم اشوفك




تحياتي

والله يا سدندن

كلامك مليييييييييون في الميه صح


وانا من المدرسه الابتدائيه كانو اساتذتي مصريين والكل بيكرهم

حتي لما تكون الحصه لواحد فيهم في طلبه بشردوا من الحصه

بس ما كل المصريين كدا فيهم ناس مكملين الطيبه والاخلاق والحق يقال
انتي ابعدي عن الشر وغنيلو ;)

شكرا على الرد الحلو يا جذاب وما كذاب.

ما بس المصرين كتير من العرب بيعاينو لينا بى نظره تكبر
وده على حسب تجاربى

صح الكلام اللي قلته يا سيراف.

ما مشكلة شد شعرك حيقع وحينمو تاني .خخخخخخخخخخخخخخ
بس المهم تقدر الموقف اللي أنا حاطه الموضوع عشانو.

يا جماعة أنتو لي زعلانين كده أنا وضعت الموضوع عشان نتناقش في سبب المشكلة مش عشان نقول أذا كانت واقعية او لأ و خلاص اعتبروا الموضوع ده ما كان موجود خلاص وأنا من اليوم المصريين حبايبي .
ok.
أنا أسفة جدا جدا جدا.

المتداخلين سلام
في الحقيقة انا عايشت المصريين في بلادهم وانا اسمي هذه التجربة هي التجربة الحقيقية التي يمكن من خلالها القياس الحقيقي عن ما هية او مدي حقيقة رؤية صاحبة البوست وانا في رأي الشخصي اتفق مع صاحبة البوست في رؤيتها .. عاشرت المصريين كثيرا فوجدت هنالك ارضية يلتقي فيها المصريين وهي ( المصلحة الذاتية ) فان لم توجد مصلحة لاتوجد اي علاقة .. ففي مصر وجدت اسوأ معاملة تجاه السودانيين من قبل المصريين علي مستوي الشارع العام وعلي مستوي الاعلام بكل انواعه ( صحف - اذاعة - تلفزيون ) وعلي المستوي السياسي كذلك ..
ومن خلال هذه التجربة توصلت لقناعة بأن من المستحيل ان نلتقي معهم في اي شي وان كلمة اشقاء هي اكبر اكذوبة في التاريخ فكيف يكون الشقيق ان لم يتحمل شقيقه في محنته والدليل علي هذا ماذا نسمي ما حدث في ميدان مصطفي محمود تجاه السودانيين العزل والاطفال والنساء والشيوخ ؟ ماذا رد فعل الشارع المصري غير الاساءة والقزع بأقبح الالفاظ .. اي علاقات ازلية هذه تبيح مثل هذه الافعال .. وكثير وكثير من النظرات الاحتقارية في الشارع العام والاسئلة التي نتلقاها من شبابهم ومع كل اسف هم خريجي جامعات . اسئلة توضح مدي الجهل والفقر الثقافي الذي يغرقون فيه ..
واحي صاحبة رغم صغر سنها الا انها ادركت الحقيقة قبل الكبار بعقليتها التي تكبر سنها ..