الحنكـــــــــــوشة

[المونت]

وصاني جدا لي وانا كنت صغير وشافع
قلي يا ولدى خليك واعي وسامع
الببرا البنات انا عندي زول مانافع
وان بقيت حبيت ماتحب ليك حنكوشة
بي مص الاسكريم باكر تمسكك دوشه
حب بت البلد حب مسكه حب فطومة
تديك الامان بي كسرته المرشوشه
قلت ليهو ياجدي
عيني انا في مرام وعيني في شروق وعيني انا في اشتياق ارجع واحب فطومة
انا ماحا احب الى وتكون حنكوش ماداير كسر مبلوله او مرشوشه
والببره الجداد حتما ...... بودي الكوشه
اهة يوم يومين تلاته اوقعت في الحنكوشه
ريد وغرام وحب
وايام جميله بشوشه
نطلع في القمروانزل مع الحنكوشه
بيرقر والعصير بي قروشي مابي قروشه
راجل طول عرض تصرف علي حنكوشه
جعلي ود بلد وكرامتي مي مهبوشه
اصرف بي التقيل عشان تبقى لي تمبوشه
بارد في حشاه خلت حياتي بشوشه
لامن يوم لؤي تلب دخل في حوشه
بي كلامات حنان كلمات غزل مغشوشه
وكم مشوار معاها بي الكامري جابلها دوشه
ولع فوقي نار ماظن مطافي تحوشه
خلى قليبي دار خاويات عليها عروشه
ماراعى الجوار لاحالتي انا المخروشه
والعجب العجيب محبوبتي انا الحنكوشه
باعتني ورخيص غلت علي قروشه
قلت اذكره رفعت علي برطوشه
اديته الحنان ادتني بي شاكوشه
رسمت لي حروف حاتظل جواي منقوشه
جمال الناس دوام في روحه ما في وشوشه
وجدي معاه حق احسن احب فطومة
وجدي معاه حق انا ماشي لي فطومة

[بت السرف]

حنكوشة السجم والرماد ..ال باعتك مغشوشة ..
اصلا دى ماحنكوشة ..متحنكشة تودى الكوشة ..
عشان كامرى وسجم بالديانا مسوحها..
باعت رخيص ..لا اسفا عليها مسوخا ..
خليها تولى ..باكر تجيك مجروحة ..
اوع قلبك يحن ..ترجع وتانى تلومها ..

[المونت]

[quote="بت السرف"][align=center]
حنكوشة السجم والرماد ..ال باعتك مغشوشة ..
اصلا دى ماحنكوشة ..متحنكشة تودى الكوشة ..
عشان كامرى وسجم بالديانا مسوحها..
باعت رخيص ..لا اسفا عليها مسوخا ..
خليها تولى ..باكر تجيك مجروحة ..
اوع قلبك يحن ..ترجع وتانى تلومها ..

[/u][/quote]


سطورك بحق مدهشة

رائعة في انتقااائكـ للأحرف

يعطيك العافيه بت السرف


حنكوشة ومغرورة ليها يوم الممسوخا

إنشاء الله مايختو ليها حنة فى إيديها منقوشة








[/color][/font][/size][/align]

[الأميرالحب]

حنكوشه ولامحنكشه
مهترشه ولا بترششه
ماليك حق في حب الحنكوشه
بت البلد اصيله ومأصله
بي مويه بتستر حالا
لا اسكريم لا لبن بالعصير
عصيده وبملاح الروب غرقانه لي اضنيه
ما تقولي حبيت حنكوشه
لا بتسكن في البلد ولا البيت الارض
حنكوشه عاوزه العمارات وبالموكيت مفروشه
حنكوشه ما تبراه بتسكن الاخره بي رموشه

[من الحله جيت]

اداك النصيحه جدك قبل ما تدوش
قال ليك ابقي راجل وما تبقي لي حنكوش
وتبراها البنيه وتصرف عليها قروش
بكره بتكشحك وتديك كمان شاكوش
ماسمعت النصيحه وفكيت زي المهبوش
تأكلها في المطاعم وعشاك صحن البوش
يوم جاها صاحبك لابس قميص منقوش
شافت الكامري تلمع وما قدرت ليها تحوش
مشيت عكس الهواء وحايم بلا برطوش

[المونت]

[quote="من الحله جيت"]اداك النصيحه جدك قبل ما تدوش
قال ليك ابقي راجل وما تبقي لي حنكوش
وتبراها البنيه وتصرف عليها قروش
بكره بتكشحك وتديك كمان شاكوش
ماسمعت النصيحه وفكيت زي المهبوش
تأكلها في المطاعم وعشاك صحن البوش
يوم جاها صاحبك لابس قميص منقوش
شافت الكامري تلمع وما قدرت ليها تحوش
مشيت عكس الهواء وحايم بلا برطوش[/quote]

والله الرجالة ماسكة وما أظن منها أدوش

بس البنية بريتة وياما كملت فيها قروش

دى كشحتنى خلاص ومسكتة منها الشاكوش

عندك حق النصيحة غالية والليلة بقيت مقشوش

حاشاها المطاعم أكلتها فى لزيز ودريم وكريشتى مليتة من البوش

جاها خلاص وخلانى ألف حولية وأدوش

وعندك حق ياجدى خلتنى ألف حولية وبقيت درويش

[بعد الزمن]

كلمات رائعة

تسلم