منتدى أنا سوداني

مرسل: **الثلاثاء 2011.12.20 1:03 am**

[align=center]مشيت ...

وباريني ألف سؤال!!؟

كيف وأنا عندك

كان ماليني السُكات

وأنا سيّد الكلام...

هو شنو الخلاني

أفكر فيـــــــــــــــك

وشنو اللّماني من أصلو

علــــــيك...

وبيني وبين نفسي

وإنت حضور

بديت أفتش عن

قاسم مشترك بيني وبينك...

ولقيتِك... من هذا الوطن

وشكراَ لأنِك

من هذا الوطن

وفيك... كبرياهو وعزتو

وفيك ...طيبة ناسو

ومن بين الناس البساط

طلعتي إنتِ

باشه زي أهلي الحُنان

طلعتي من دم عازه

زي النيــــل شموخ

وزي تاريخ هذا البــــلد

الجميل سيرتك...

ناديتك ...

يا سكناني...

وإنت هناك أنا

مذهُــــــــــــــول

منو الأداك إذن جواي

دخـــــــــــــول..

وشنو الخلاني غنيتِك...

يا دخلاني..

هذه الدهشه الفيني مِنّك

ومن عِيُونِك

ومن سُمرة لونِك

ومني أنا البقيت مجنُونِك

وطول السكه أحلم بيك

يا مدفوقه فيني...

أنأ إرتضيتِك شريك

ورسلت أوصافِك للمدن

الأمان ووصيتها علي

وعليك...

وواعدت الفرح البكره

نتقابل بين إيديك

يا مالكاني...

أنا واقف ليك

نكمِّل باقي الحلم البكره

وبيني وبينك خطوه

وبيني وبينك أكتر من

قاسم مشترك

وراجع ليك[/align][/size].

مرسل: **الثلاثاء 2011.12.20 7:34 am**

[align=center]مشكوووووور والله يعطيف الف عافيه[/align][/size]

مرسل: **الثلاثاء 2015.6.2 2:13 pm**

ولقينا ~ قاسم مشترك بيناتنا جدا" ظاهر

غيربساطة أهلنا غيرعازتو وطيب خلانو

لقينا إسمك _ هداااك _ قدامنا شامخ و باهر

ما المجد أصلا" للوطن راسو وأساس حيطانو

و لقيناك متمكنّ سلف وســيّد للكلام الماهــــــــر

عفة حرف _ معروف وصف _ متماسك كــيانو

وأزيدك كمان بيوت مسدار من ما بقول الشاطر

بيناتنا قاسم مشترك أعظم ~ شعــور فى زمانو

قسمتنا حب الوطن وترانا فى وجعـــو نشاطر

ياها القسمة الخلتنا مولودين من بنى ســـــودانو

نتجاذب ذى لقيا ساحبتين حتما" بجيبن ماطـــــر

إختلفن جهة الحضور ما إختلفن حين سُقـــيا حنانو

وطنّا نروى مشاريعو بعرقنا ونفديهو دمـــا" طاهـــر

* مجدى حياك الله *
حمدلله ع السلامة .

مرسل: **الثلاثاء 2015.6.9 10:24 am**

الأستاذة الماسية
لا أقول إلا إنني رفعت حاجب الدهشة حقيقة
لك ترليون تحية على هذا القاسم الجميل

مرسل: **الثلاثاء 2015.6.9 10:38 am**

يا هلا منور من جديد
كلمات جميلة واصل الابداع

مرسل: **الخميس 2015.6.11 9:35 am**

كل الشكر والامتنان على روعهـ بوحـكـ ..

وروعهـ مانــثرت .. وجماليهـ طرحكـ ..

دائما متميز في الانتقاء

سلمت يالغالي على روعه طرحك

نترقب المزيد من جديدك الرائع

دمت ودام لنا روعه مواضيعك

منتدى أنا سوداني

قاسم مشترك

قاسم مشترك

رد: قاسم مشترك

رد: قاسم مشترك

رد: قاسم مشترك

رد: قاسم مشترك

رد: قاسم مشترك