منتدى أنا سوداني

مجاديف الامل كتب:
واخيرا
لكل زوجة مغترب ........
شيلي الصبر
الى كل مغترب .......
كان شفت البلد بي وراك تبكي مثل طفل ضائع
تعال راجع .

[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أخيتى / مجاديف الأمل..............................=
لك التحيه................................................=
آسف لدخولى هذا السايد وهو خاص بهموم النساء=
ولكنك طرقت وترا حساسا هيج أشعارى فكتبت لك هذه الأبيات=
أتمنى أن لا أكون قد حملت على زوجك ولكنه واقع الحال=[/poem]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أرجع للبلد ياخوى=
عشان نغزر ونبقى كتار=
طارنك كبار وصغار=
طارنك حريم ورجال=
طارنك مع المسدار=
وطاريك المديح والطار=
أرجع للبلد ياخوى سألين منك الأخوال=
أرجع للبلد ياخوى سألين منك الأطفال=

أدفن المات مع الحيين=
وأفرح بالمجرتق سار=
وشوف الريله تتمايل =
مع البنوت يمين وشمال=
ترضى على العروس الزينه بالشبال=
لكن باله كلومعاك =
شلته منامه شلت البال=
اريتو اليوم يجيب مرسال=
ويجى المرسال..............=
تقوم الريله شايله الفال=
تفتح فيهو بالبينسه..............=
عشان ماتحرف الأقوال=
وينزل دمعها الهطال=
وكت تلقى الكلام سطرين=
مجاديف الأمل ليكى تحياتى ..كيف الحال !=
مرسل ليك كم دولار.........!!!!!=
تقوم الريله موروده جسمها نار=
حليل الريله شن دايرابو ده الدولار=
تقول أصبر.....................=
تشيل وتصر.........................=
تحاسب البنى والبقال.......=
ويفضل حاله ياهو الحال=
ليه ياخوانا طولتو.........=
زمان الغربه سيف بتار=
صباحو مسا وليلو نهار=
ولابنعد ولابنحد ولابنكال=
أرجع للبلد ياخوى=
مالك أنت مابى الدار=
أنت بلدنا طالباك تار=
كلامى أنا عارفو مر بالحيل=
وأهلك قالوا ماتسمع كلام يرضيك=
أسمع للكلام الحار=
لأنو خيرو كلو بجيك=
بقر وحبال.....................=
مجاديف الأمل قالت تعال أرجع=
تعال لينا تعال وتعال=[/poem]