منتدى أنا سوداني

الغاليهـ بنت الغالي كتب:

هلاااااا
كيف يعني البنت تتزوج من 15 على قولة جاسمينا دي طفلة
بعدين اصلاا ما وصلت السن القانوني وبتكون تربيتها تربية غير صحيحة وطفولية شديد
اسي معانا هنا واحدة عمرها 17 وعندها اطفال والله بشوف اطفالها اعقل منها لانها لسسسه بدري عليها.. ما قدر المسؤلية

ولو الواحدة اهلها زوجوها من 15 انا بسميو انو عايزين يتفكفكو منها ساي ..
يمكن زمان اهلناكانو بيزوجو البنات من بدري دة لعدم الوعي وكدة
بس اسي مع التطور مافي بنت اهلها بيزوجوها من بدري خالص
في العشرينات بتخيل الزواج مناسب .

الفرح المهاجر كتب:

دى اسمها مرحلة التمنى يا كبوشية
اما المرحلة الثانية من 25 الى 30 اسمها راضيانة باى شى
اما المرحلة الثالثة من 30الى......... تعال بس انا عندى كل حاجة
اذا عايز قروش موجودة وبرضو كمان عندى بيت وعربية انت كيف تجى
وبس

ارضو بالقليلة عشان ماتخشو فى المعمعة دى

الثلج الدافئ كتب:من 15 ال20 دي مرحلة مراااهقه
ومفهوم المراهقة في علم النفس يعني : الاقتراب من النضج الجسمي والعقلي والنفسي والاجتماعي ، ولكنه ليس النضج نفسه، لأنه في مرحلة المراهقة يبدأ الفرد في النضج العقلي والجسمي والنفسي والاجتماعي ولكنه لا يصل إلى اكتمال النضج إلا بعد سنوات عديدة قد تصل إلى 9 سنوات .

وانا بسميها مرحلة الاوعي والمغامرات والاحلام والطموحات
يعني في الفتره دي كل بت ليها طموحها وحلمها الخاااص وحابه تجرب وتدخل في مغامرات كتيره
يعني بختصااار شديد لسه ماوصلت مرحله انقول غليها عاااقله وست بيت خاصة في الزمن دا
وكل زمن يختلف عن غيرو

^ـــــ^

بحر الاشواق كتب:[align=center]علي قول(( الغاليه بت الغالي وجاسمينا))

15سنه دي شافعه


وانا شخصيا ضد الزواج المبكر


ناس امي وامك دي زمان يالامير
انا امي اتزوجت عمرها 11سنه

بس هسه غير هسه الزمن اتطور بقت في تكنولوجيا يا بابا

والدراسه هسه بقت مهمة وما في راجل بعرس ليهو بت ما دارسه علي الاقل جامعه

وبعد البت الصغيرة ما بتكون فاهمه الحياة الزوجيه وما قدر المسؤوليه

تكون هي لي روحا عايزة البربيها
كيف تقدر تمسك ليها بيت وتربي ليها اطفال

ما ممكن

انا شخصيا شفته البنات الاتزوجي صغار كتير

كلهم من السنه الاولي اتطلقو

وبعدين الراجل زاتو بقي عايز ليهو مرة فاهمه ومتعلمه عشان تجيب ليهو بعدين اطفال فاهمين متعلمين

مش شافعه

حتي ما بتقدر تتفاهم معاهو

حاليا بتشوف البنا ماليين البلد كلهم عمر 15_16_19-مطلقات

والله حاله تقطع القلب

عشان كده انا بشوف البنت مفروض تتزوج من 22_26سنه دي بتكون فاهمه وواعيه[/align][/color]

الأميرالحب كتب:

ثلجو طيب انتي كلامك دا كلام ناس كبار يعني
والاعرفو انا لسه في مرحلة الثانويه
يعني مدركه لكل شئ ولا انا غلطان
وبعدين ناس زمان بعرسو من عمر 13 سنه
والسيده عائشه رضي الله عنها اتزوجت وعمرها 9 سنين
يعني صغيره بالمره بالنسبه لبنات اليوم
المشكله انو البتن تكون مدركه لكل شئ وعاوزه تتمني وكده دا السعال بتاعي
واشكر مروك الذي نور المتصفح وازاده نورآ بعد نور كوني بود ثلجو ماعدمناك يالغلا

صح انو السيده عائشه تزوجت وهي صغيره دا من 12 قروون فتره جدا طويله
وبنات زمان ماكان عندهم التزامات او اشغال زينا احنى
وسبق وقلتليك كل زمن يختلف عن زمنو
ولبعدين الزواج البت من هي صغيره صعب عليها خاصة الحمل والولاده وفي عدد كبير ماتو عشان السبب دا






لك ودي واحترامي

الثلج الدافئ كتب:
صح انو السيده عائشه تزوجت وهي صغيره دا من 12 قروون فتره جدا طويله
وبنات زمان ماكان عندهم التزامات او اشغال زينا احنى
وسبق وقلتليك كل زمن يختلف عن زمنو
ولبعدين الزواج البت من هي صغيره صعب عليها خاصة الحمل والولاده وفي عدد كبير ماتو عشان السبب دا






لك ودي واحترامي

الأميرالحب كتب:

يا فتيات الغير متزوجات سلام عليكم

انتو لم يكون عمركم من 15 الي 25 بتتدلعن كتير
ولمن يجيك واحد يخطبك
تعملي فيها البت اميره وشايفه نفسك ليه ؟
الشي التاني ليه لمن عمرك يصل فوق ال25 تقولي انشاء الله راجل مره راضيه
دا نسميهو شنو وجنسو شنو يابنات يا فتيات هوي ارعن بالقيد
ولو جاك راجل وانتي عمرك 15 سنه وافقي
دا راي الشخصي بعدين طموحاتك كلها بتبقي سراب ساي
وتعالن جاوبن علي الاسئله دي
بدون زعـــــــل ..؟

بحلم كتب:

كبوشه انت تحرض الشفع على الجواز ولا شنو 15 سنه وعايزها تتجوز
انا من وجهة نظرى انى السن ما ليه دخل فى الرفض او القبول الشخصية هى اللى بتجعل البنت تفكر وتقول ايو او لا وبعدين سن ال 15 دا سن مراهقة شديد ما اعتقد تعرف بنت فى السن دا تقرر قرر زى الزواج ويكون مناسب وتعرف معنى الزواج وتقدر تشيل المسؤليه
والشى التانى ليه بتسميهو دلال ليه ما تقول عايزة تختار شريك العمر على مهلها
وبعدين انا واحدة من البنات لو حتى ربنا ما كتب لى الزاج نهائى ما هفكر انى اكون زوجة ثانية
ولو مجرد تفكير وبس
وعارفه انى برخم عليك فى مواضيعك واطول وارغى

الأميرالحب كتب:

هووووي يا بحرو انت اتزوجتي وضمنتي خلاث عاوزه تخربي للبنات ولا شنو

وبعدين 15 سنه ما صغيره ولا شئ بث البنات تطلعهم اكبر من واقعهم
وتاني شئ البنت بتتطلع في اوائل العمر مثلا من 15 الي 23 بتكون عاوزه وعاوزه اييك
بس لمن تصل مراحل القطار الفات بتقول راجل مره ما مشكله دا سؤالي ليه من البدايه ما ترضي وخلاث
بجيكم راجع لو بقينا حيين

[align=center]قلنا ليك شافعة ما ممكن تتزوج


وبعدين لو عنست معناه مافي رجال عايزين عرس ولا شنو يا بنات


هسه انته لي لحدي هسه ما اتزوجته

منتظرالقطر يفوتك ولا شنو

انا الحمد لله دربي مرق

لكن مابزوج بتي الا بعد 20سنه حتي لو اتقدم ليها راجل

وانا ضد زواج الشفع

لان نسبه الاستمراريه فيهو 10% [/align][/color]

بحر الاشواق كتب:[align=center]قلنا ليك شافعة ما ممكن تتزوج


وبعدين لو عنست معناه مافي رجال عايزين عرس ولا شنو يا بنات


هسه انته لي لحدي هسه ما اتزوجته

منتظرالقطر يفوتك ولا شنو

انا الحمد لله دربي مرق

لكن مابزوج بتي الا بعد 20سنه حتي لو اتقدم ليها راجل

وانا ضد زواج الشفع

لان نسبه الاستمراريه فيهو 10% [/align][/color]

الأميرالحب كتب:

اول شئ انا عمر الزهور لسه وعاوز اقرأ

وبعدين منو القال ليك ما عاوز اتزوج بث بنت الحلال لسه ما عترت فيها وكايس
وراسي دايخ والاختيار صعب صاح ولا انا غلطان

وتاني بقول ليك العمر ماهو الاساس
يصادف تلقي واحدي عمرها35 سنه ومافاهمه عن الحياة الزوجيه اي شئ
وتلقي واحدي عمرها 14 سنه وفاهمه الحياة الزوجيه ولا ما كده يا فتيات

الأميرالحب كتب:

يا فتيات الغير متزوجات سلام عليكم

انتو لم يكون عمركم من 15 الي 25 بتتدلعن كتير
ولمن يجيك واحد يخطبك
تعملي فيها البت اميره وشايفه نفسك ليه ؟
الشي التاني ليه لمن عمرك يصل فوق ال25 تقولي انشاء الله راجل مره راضيه
دا نسميهو شنو وجنسو شنو يابنات يا فتيات هوي ارعن بالقيد
ولو جاك راجل وانتي عمرك 15 سنه وافقي
دا راي الشخصي بعدين طموحاتك كلها بتبقي سراب ساي
وتعالن جاوبن علي الاسئله دي
بدون زعـــــــل ..؟

بس الدلع لايق علينا

اتزوج من خمشتاشر ليه جنيت

سلام ياامير
عمر 15 دا عمر الزهور والروشنه والمغامرات الغراميه وبعد لسه في فتره مراهقه وماادراك مالمراهقه لاكن في 20دي معقوله بتكون عقلت وبقت قدر المسؤليه
اما بالنسبه لسوالك بعد 30بتكون القطر فات وبوره حاره عشان كدا دايره راجل وسلام
وبيني وبين البوره حــــــــــــــاره