حليلي انا المضحي بعلبة ساردين
مرسل: الاثنين 2011.11.7 3:34 pm
باي حال اقبلت ياعيد
مستنين حضور العيد بفارق الصبر عشان شويه نتزكر الفرحة الكانت غايبة ولكن جانا العيد ونحن تحت البطاطين ونعضي في المخدات ونزرف الدموع علي الفرح الما دق بابنا ولا زارنا نعمل شنو دا حظنا كدا لكن برضو قلت لازم اكون انسان فرائحي والحزن دا علي الجزيم مايجي ماري بعندنا اتوكلت ومشيت البقالة وجبت لي علبة ساردين نوع مستورد وقلت ماله عيبوها لي الساردين دا الصيادين قبضوهو بالساهل ماطول اليوم هم في البحر عشان يصطادهو وبعدين للمصانع يودوهو وفي العلب يعلبوهو ولي المرسال يبيعوهو ضبحت ليك علبة الساردين ولسان حالي يقول في النهاية كلو لحم وغمضت عيوني واوهمت نفسي علبة الساردين دي صينية كبيرة مليانة مرارة وشية وشطة تخلي الزول يجري علي كوز الموية عشان يبرد لهيب نار الشطة الحارقة الجوف واللسان وفي الاخر لقيت ليك في قاسم مشترك بيني وبين اللذين لهطوا لحم الخراف الا وهي كلهم بعد الاكل بيغسلوا ايديهم حتي المرفقين بالصابون وانا طبعا اتشطفت عديل ولكن ابليس حظي مابيخليني في حالي وقال لي يامرسال عليك الله الصابونة الغسلت بيها ايديك دي ماغالي من علبة الساردين شلت الصابونة جدعتها عشان ما اقلل من قيمة علبة الساردين ورجعت اتوسدت لحافي ويدي خليتها برة عارفين ليه عشان لو دخلتها معاي جوة البطانية الريحة مابتخليني انوم وتبقي علي موته وخراب ديار لاضحيت ولانومت
مستنين حضور العيد بفارق الصبر عشان شويه نتزكر الفرحة الكانت غايبة ولكن جانا العيد ونحن تحت البطاطين ونعضي في المخدات ونزرف الدموع علي الفرح الما دق بابنا ولا زارنا نعمل شنو دا حظنا كدا لكن برضو قلت لازم اكون انسان فرائحي والحزن دا علي الجزيم مايجي ماري بعندنا اتوكلت ومشيت البقالة وجبت لي علبة ساردين نوع مستورد وقلت ماله عيبوها لي الساردين دا الصيادين قبضوهو بالساهل ماطول اليوم هم في البحر عشان يصطادهو وبعدين للمصانع يودوهو وفي العلب يعلبوهو ولي المرسال يبيعوهو ضبحت ليك علبة الساردين ولسان حالي يقول في النهاية كلو لحم وغمضت عيوني واوهمت نفسي علبة الساردين دي صينية كبيرة مليانة مرارة وشية وشطة تخلي الزول يجري علي كوز الموية عشان يبرد لهيب نار الشطة الحارقة الجوف واللسان وفي الاخر لقيت ليك في قاسم مشترك بيني وبين اللذين لهطوا لحم الخراف الا وهي كلهم بعد الاكل بيغسلوا ايديهم حتي المرفقين بالصابون وانا طبعا اتشطفت عديل ولكن ابليس حظي مابيخليني في حالي وقال لي يامرسال عليك الله الصابونة الغسلت بيها ايديك دي ماغالي من علبة الساردين شلت الصابونة جدعتها عشان ما اقلل من قيمة علبة الساردين ورجعت اتوسدت لحافي ويدي خليتها برة عارفين ليه عشان لو دخلتها معاي جوة البطانية الريحة مابتخليني انوم وتبقي علي موته وخراب ديار لاضحيت ولانومت
