صفحة 1 من 1
راجل المره حلو حلا .....!!!!
مرسل: الأحد 2007.6.24 8:20 pm
بواسطة حزن السنين
الأغنيه تعتبر من أحدث الأغنيات السودانية الهابطه والتي تحكي في طياتها عن معانات الشابات السودانيات وخوفهم من شبح العنوسه والتي اخترن الارتباط برجال أكبر منهم سنا ولهم زوجات وأبناء عن الارتباط بشباب في أعمارهم والمستقبل أمامهم ولم يقف التغير عند هذا الحد بل أصبح بعض النسوة يغنين له أغنية ((راجل المرة)) –أي الرجل المتزوج- بعد أن كانت النساء تتمنى أن يكون فتاة أحلامها شاب عضواً في هيئة التدريس أو خريج جامعة الخرطوم أو صاحب عماره وغيرها من المواصفات
نسلط الأضواء من خلال هذا التحقيق على هذه الظاهره . والمرجو إبداء الرأى بإختصار
لماذا تختار وتفضل الفتاة السودانية راجل المره عن الشاب الغير متزوج؟
الموضوع منقوووووول للفائدة العامة
رد: راجل المره حلو حلا .....!!!!
مرسل: الاثنين 2007.7.16 10:36 pm
بواسطة احلى دلع
لان اللي حيتزوج مرتين اكيد حيكون مقتدر وعنده فلوس كتير ده تفكير بعضهم اللي يهمهم بس المال لكن هي ماعندها الصبر علشان تحب واحد وتوقف جنبه ويبدوا مع بعض منا الصفر
رد: راجل المره حلو حلا .....!!!!
مرسل: الثلاثاء 2007.7.17 8:56 am
بواسطة حزن السنين
[grade="00008B FF6347 008000 4B0082"]الغالية / احلى دلع
الحياة مادة و دا اعتقاد خاطئ بالنسبة مية في المية لكن بنات اليوم يركضنا و راء الماديات
ربنا يكون في عون الجميع [/grade]
رد: راجل المره حلو حلا .....!!!!
مرسل: الثلاثاء 2007.7.17 10:07 am
بواسطة MiSs PlAnEt
والله مش لو عنست..
لو حياة او موت... ما باخد راجل مره
الله يقطعهم حريم على رجال
اللي بفكروا بالشكل ده
رد: راجل المره حلو حلا .....!!!!
مرسل: الثلاثاء 2007.7.17 2:52 pm
بواسطة سيراف
لانو لو فكرنا بى صراحه بنات السودان كتار و الرجال إنقرضو من حرب الجنوب و عشان كده بدل الواحده ما تقعد ساى أخير ليها تعرس المهم تعرس و بس و خاصه البنات اللى من أسر فقيره اللى بتشوف نفسها عاله على اسرتها
وشكرا يا فتوتنا على زوقك الحلو
رد: راجل المره حلو حلا .....!!!!
مرسل: الثلاثاء 2007.7.17 5:41 pm
بواسطة سودانى معذب
المبدع حزن السنين
كتر خيرك على طرح المواضيع الهادفة والمهمة كما عودتنا دائما
بالنسبة للزواج من رجل متزوج فعلا اصبحت ظاهرة خطيرة والاسباب كتيرة واهمها
هجرة الشباب السودانى باعداد كبيرة جدا جدا بالتالى الزواج باجنبيات وعدم التفكير فى العودة للسودان لانه مطالب الزواج مرهقة بالنسبة ليهم اما الموجودين بالداخل من زوى الجاه والسلطان والمال استغلو الحكاية لمجرد اشباع غرائز والضحية فى النهاية الفتاة السودانية
ولى عودة لانه الموضوع كبير
تخريمة:
بمناسبة الغناء الهابط والحديث على لسان عمنا الشاعر السر قدور
قال مره بسمع فى الكاشف عليه رحمة الله جاء ولده الصغير قال ليهو الحق يابابا الكاشف قاعد يغنى اغنية فرفور
رد: راجل المره حلو حلا .....!!!!
مرسل: الثلاثاء 2007.7.17 6:39 pm
بواسطة asool22
مشكور حزن السنين على الموضوع
مع تحياتي
رد: راجل المره حلو حلا .....!!!!
مرسل: الخميس 2009.4.16 4:01 pm
بواسطة ام منذر
[مع الاسف الشديد QUOTE=حزن السنين;58962]
الأغنيه تعتبر من أحدث الأغنيات السودانية الهابطه والتي تحكي في طياتها عن معانات الشابات السودانيات وخوفهم من شبح العنوسه والتي اخترن الارتباط برجال أكبر منهم سنا ولهم زوجات وأبناء عن الارتباط بشباب في أعمارهم والمستقبل أمامهم ولم يقف التغير عند هذا الحد بل أصبح بعض النسوة يغنين له أغنية ((راجل المرة)) –أي الرجل المتزوج- بعد أن كانت النساء تتمنى أن يكون فتاة أحلامها شاب عضواً في هيئة التدريس أو خريج جامعة الخرطوم أو صاحب عماره وغيرها من المواصفات
نسلط الأضواء من خلال هذا التحقيق على هذه الظاهره . والمرجو إبداء الرأى بإختصار
لماذا تختار وتفضل الفتاة السودانية راجل المره عن الشاب الغير متزوج؟
الموضوع منقوووووول للفائدة العامة
[/QUOTE]
بتشوف الفتاة السودانية راجل المرة عندو امكانية للعرس يعنى جاهز ماديا
رد: راجل المره حلو حلا .....!!!!
مرسل: الخميس 2009.4.16 4:05 pm
بواسطة ام منذر
مع الاسف اغلبية البنات بيفكرو فى المال وراجل البيتزوج مرتين اكيد عندو المال ودة همها الاكبر
رد: راجل المره حلو حلا .....!!!!
مرسل: الخميس 2009.4.16 4:50 pm
بواسطة الأمير حسن مختار
برغم أنني كنت أغني بحفلات الرياض والآن توقفت نظراً لانشغالي بالعمل وتدريب التسويق الشبكي إلا أن الغناء السوداني بالوقت الحالي نجده ليس له طعم باللحن والكلمات بعكس مطربي الزمن القديم فهم كانوا يملكون الحس الفني وكذلك كانوا شعراء وملحنين وليس كجيل اليوم الذي يأخذ كل شيء على الجاهز ومع ذلك فتجد معظم الغناء خاوي ومتبلد من الذوق الفني..
أين زمن عائشة الفلاتية وعبدالعزيز أبو داؤد وملوك الحقيبة أمثال سرور وكرومة فنجد جمال الكلمات وعذوبة اللحن لتظل الأغنية موروثة جيلاً بعد جيل..
رد: راجل المره حلو حلا .....!!!!
مرسل: الخميس 2009.4.16 11:17 pm
بواسطة bet-handasa
والله الموضوع يستحق النقاش لانو بقى كتير بس لي كل زول ظروف محيطه بيه يعني ما بنقدر نحكم على كل البنات بي الفهم الفي راسنا انو البنت تفكيرها بقى مادي ولي كل زول راي
عموما مفروض البنت الما بترضاهو لي نفسها ما ترضاهو لي غيرها يعني ما في اي بت بترضى انو يعرسو عليها عشان كده بلاش من العريس لو كان راجل مره
لك ودي وتقديري
رد: راجل المره حلو حلا .....!!!!
مرسل: السبت 2009.4.18 12:37 am
بواسطة ضياء الروووح
السلام عليكم اخي الضوء خلينا نحنا البنات هو الراجل المره دا زي ما بقولو كان معرس تاني في داعي عينو تزوغ على العرس ما في داعي يعرس مرتين قال راجل مره قال والله نبور من ما نعرس لينا راجل مره هو زاتو كان عرسني انا التانيه اكيييد حيعرس وحده فوقي فما في داعي اصلا وتقبل مروري
رد: راجل المره حلو حلا .....!!!!
مرسل: السبت 2009.4.18 1:50 am
بواسطة شجون
شئ مؤكد انو ده تفكير خاطئ لكن الفئة اللي بتفكر بالطريقة دي همها الوحيد هو المادة ه وهنا بتبتكون المشكلة لان المال ما بيدوم وبالتالي الحياة بعدين تتحول لجحيم لما الامال يضيع وبعدين يقعدوا يقولو (اخدنا القرد على مالا راح المال وفضل القرد على حالوا)