منتدى أنا سوداني

[frame="2 80"]السلام عليكم ورحمة الله وبركاته
حسه يا جماعة عليكم الله دايرة رايكم بالجد
ما لينا حق ما نشوف التلفزيون السوداني
وروني فيهو شنو جديد
ليالي النغم كل مرة بعيدو الفنانين
مراسي الشوق .... اوكي
والبرنامج بتاع وليد زاكي الدين ؟؟؟ والله نسيت اسمه
فيهوو حاجات حلوة لكن المقدم مرات شوية بعمل حركات
ما لايقه معاه
الرحيق المختوم .... والخ ؟؟
بجيبوها لينا بعد المغرب ؟!؟!؟!؟! احنا المغتربين نعمل
شنو عليكم الله ؟!؟!؟! احنا بنفضه بعد المغرب نتفرج
شنو عليكم الله دايرين نتفرج السودان
يمسكوا ليك البرامج الدينية من بعد المغرب لحدي النشرة
صح انها برامج دينية لكن وقتها ما صح
الرجاء كن اي زول يزعل من كلامي يوريني سبب الزعل
لكن انا ما شايفة انه التلفزيزن فيه حاجة حاجة كده الزول يتفرجه
مشكوووووور والله يعطيكم الف عافيه[/frame]

العبرة ليست فى نوعية البرامج او توقيتها او نوعية المذعيين او الديكور.................
بصراحة انا لمن اتفرج على التلفزيون السودانى بشعر انو كل مذيع واقف فوق راسو رجل امن وجنب رجل الكاميرا واحد من ناس النظام العام خاتت مسدسه على راس المصور............. اخبار مرتعشة ومفصلة حسب الطلب ...............مافى مصدقية..............اعذروا تلفزيونا..............

هندوية
تلفزيونا صحي بعاني وبحضر
لكن على الاقل محافظ على الصورة الطيبة
لو شفتي باقي القنوات الزول بخجل مرات عديل كدا
اسه انا ما بقدر احضر لي فلم عربي مع امي وابوي
يازولة الواحد مرات يدخل في اضافريهو
وكمان الاغاني حدث ولا حرج
وللاسف معظم القنوات أغاني وافلام
انا لا أنكر وجود بعض القنوات الرائعات
ولا انكر حالة تلفزيونا
لكن برضو بنعتزا بيهو
الله يديكي العافية

السلام عليكم
بالمناسبه ده حال اي تلفزيون قومي موجه
دي كلها تلفزيونات سياسيه مسيطره عليها اجهزة الدوله العليا
موجه لتعكس وجه نظرهم هم ويا مشاهد انت ليك الرحمن
اشكي وابكي .
ما في حل الا بالمحطات الخاصه

[size=8]°ˆ~*¤®§(*§*)§®¤*~ˆ°لكل بلد قناة تلفزيونية تعكس حضارتها
وانا حابة من خلال هذا الموضوع اني اشوف أرائكم في قناة السودان
وكيف حابيين تطوروها ؟؟؟؟؟°ˆ~*¤®§(*§*)§®¤*~ˆ°[/size]

دون المستوى دون المستوى دون المستوى

ده بي اختصار ،،،

ضعف في البرامج والمذيعين وادوات التصوير والماكريفونات

و اي اخبارم كلو يوم فيها فضيحة ده يقول النشرة الاقتصاديه والتاني يقول ننهي النشرة وتذكير باهم ما ورد فيها

نشرتم لي مده ساعة والاخبار نفسها من الصباح لحدي بليل تقول العالم ما بتحصل ففيه حاجات

اهااااا تاني شنوووو امممم اممممم امممم
اي الفلم الاجنبي الليجيبوهفلم من سنة اسكت ،، برنامج شوارد فايدته شنو الله عالم ،، وهلم جرى

اي اي اتذكرته حاجة كمان لالا ولا اقول ليك نسيته ههههه

هي عليك الله السودان عملت قناه؟؟



انا مابسميها قناه السودان

تقول عملوها مجامله نظام عندنا قناه زي باقي الدول!!!

فيها يمكن برنامج او اتنين ما بطالين
لانو البقدموهو ناس ليهم اسمهم في السودان

لكن القناه نفسها ما مجتهده خالص وما مبشره بالخير


في واحد كان بيتفرج (ال بي سي ) يوميا مشى لشيخ قال ليهو عاوز اكفر عن ذبني

قال ليهو الشيخ اتفرج قناه(السودان)60يوم !!!!

خليت التعليق ليكم



تحياتي

اجمل مافيها هو اقبح مافيها
كيف؟
القناة والى زمن قريب كانت محافظة يعنى حتى الافلام الاجنبية كانت بتمر بالفلتر بعكس القنوات الآخرى
وطبعا ده شئ جميل يتماشى مع قيمنا واخلاقياتنا وبتقدم الاروع والاجمل
لكن تغير النهج تدريجيا بقت نقة فى نقة اخبار قديمة ومعادة برنامج ملى زمن وبس وحتى الافلام بقت ماليها اى رقابة

هوي هوي هوي يا شينه وبس

قناه السودان والله ما فيها اي حاجه

بصراحه

غير ساحات الفدا وقطووووووووف

وعاااااااااااااااااااااااااااااااااااااااااااضه خالص

مافيها اي حاجه تزكر وبعدين هي بخوفو بيها الشفع

بتاعين دول الخليج وحتات زي دي

الولد تاصغير كن بكا بقولو ليهو بنفتح ليك قناه السودان هسي

طوالي بقطم ساااااي

وعلي العموم موضوع هادف الناس لازم تاخد وقفه هنا

مشكوره يا شينه بس

شينة في عنيك (بعد اذنك طبعا ) أنا حرة في اختيار اسمي يا كيمو
وبالنسبة لقناة السودان هي ما تجيب الا المناطق المقرفة والمشاهد المقززة وهي البتخلي العالم يفتكر اننا بلد فقيروغير متحضر أبد وبرامجا مملة اخر درجة ومواضيع برامجها مقتبسة من برامج أخرى
بس شوفو قناة النيل الأزرق استوديوهات في القمة ما استودوهات قناة السودان المزبلة
ها ادورنا ارائكم في الموضوع ؟

والله ياشينه وبس كلامك في محلو

ومشكوره يا عسل علي الطرح الجميل

وسوري يعني انا اسف عشان قلت ليك شينه

طيب انتي متاكده انك عسوله وبس

يسلمو يا عسل ولقدم انشاء الله

مشكور واسفك مقبول
وأنا ما مسمية نفسي عسوله انا مسمني عسولة عشان انا عسل عندك اعتراض يا كيمو ؟؟؟
ولو عندك اسامي مقترحة قولها ما في مشكلة

تغمد الله الفقيد بواسع رحته واسكنه فسيح جناته وألهم ذوية الصبر والسلوان 0

ياجماعة شوفوا لينا موضوع كدة ليهو بريق ولمعان مش قناة كلها ضبان مع الاسف الشديد 0
بعدين الإعلام السوداني ما صادق ابداً مع المشاهدين والمستمعين
ومن البرامج الجميلة :-
برنامج اسماء في حياتنا صراحة استفدنا منه الكثير بوجود متألق قدير (يعني الواحد بعرف الناس البموتوا قريب )

أول شيء
القناة صراحة تفرررررررررس وتققرف وتلوع الكبد
خلي القناة المذيعين تلقي الكلام بارد والواحد يعطس وما يقوول عفوا وتلفي حتي الكلام يغلط فيهووو
خلينا من المذعين
الافلام الاجنبية لون أترجمة أصفر تخيلو أصفر أصفر
وتلقي الكلام يجيك قبل الفقرةوذي ما قالو الافلام من قبل ما تتولد ستي
والاخبارأقرف شي مقززة بمعني الكلمة
وكمان ولا ايام رمضان الواحد زاتو تطم نفسو من الفطور
وانكات باااايخة من البياخف لمن توجع القلب
والاغاني السودانية البيعرضوها من سنة .......... يخي اقوليك متين قبل المعلقات السبع
من القرف الي انا شايفاها فيهو ما بقدر أوصف
يا رب يشفروها ونفتك و الفر الانفضصام ما بقدر حتي
امر بها حتيهي الصراحة قناة تعكس صورة السودان بشكل مقرف
انا بقدر ما اوصف قرقي منا ما بقدر
وشكرا علي الموضوع

عفوا وانا بصراحة طرحت الموضوع عشان اعرف ارائكم في القناة وارائكم انا متفقة معاها ونفس الكلام الي انا بقولو ولمن نقول القناة مقرفة وتطمم البطن يقولوا لينا ما عندكم وطنية صح ولا ما غلط يا جماعة؟