منتدى أنا سوداني

[وقت أنوي الرحيل يايمه بتألم ومابقدر أقولك أي حاجة
وفكري يتبهدل ويتشتت ماهو مرض يمشولوا العيادة
إن شافني الطبيب بيقولي كترت في حبوب الشوق زيادة
دواك تمسك في الصبر وتكتر في العبادة
أرجع أدور في ضليل البيت تراني مسلوب الإرادة
كيف أقدر أقولك يمه مع السلامة وجعي زايد زيادة
آه يمه وقت أقلدك والدموع إدفقت قولوا لي كيف بالله أقدر علي بعاده
والعبرة تخنقني ما قادر أقولك وين يمه غيرك معاكي بلقاها السعادة
أخليك زي زولا جريح خاتي تحت جرحو الوسادة
واذكرك يايمه في دربي قبل ما أفارقك ملعونة دي الغربة ذاته
أقول ياربي برجع ليكي تاني والقعدة جنبك واحلاته