منتدى أنا سوداني

تحية طيبة لك يا ماستي العزيزة

وموضوعك ما بنختلف فيه اكيد وضع البنت صورتها في النت عوما وفي الفيس خصوصا مشكلة كبيرة لان زي ما سبقوني الاعضاء الكرام لايمكن انها تتراجع عن حاجة زي دي لو اتاخدت الصورة كدا ولا كدا واولاد الحرام عموما كتير (ولد _ بت) يعني في ناس كتير ما بتخاف الله وممكن تعمل اي بلوه بالصورة دي ومشكلة الفيس خصوصا انه عامل زي الشبكة دا بعريف دا وديل بعرفوا دا وكدا وماتعرفي البعرفوهم كلهم كيف وخصوصا ناس العندهم فوق 4000 صديق يعني صداقات لامه فالاحسن صور لا اكيييد

اما بالنسبة لموضوع دخول الفيس بحد ذاته دي فيها وجهات نظر كتيره يعني لو الانسان حريص ما يخت صوره ما لازم معلوماته طالعة لي بره الايميل واين يعمل وبشتغل وين وكل السيرة الذاتيه لان بما ان البضيفهم اهلو واصحابوا اكيييد بعرفوا المعلومات دي ما في داعي اذكرهم بيها دي من ناحية حماية المعلومات الشخصية وكمان انه ما يضيف اي زول كدا وخصوصا الكلام للبنات لان الواحد ما بيعرف النواية الفيس فيه ميزه حلوة لان بقى على الاغلب كل الناس عندها حسابات فالتواصل بقى اسهل بيه خصوصا لما الواحد يكون عنده معارف واصدقاء من اماكن متفرقة وعايز يشاركه فرحته في موضوع معين او يشاركهم واكيييد زيه زي اي حاجة جديده ودخيله علينا فيه مساوء واضرار وفيه مميزات وحسنات بعتمد على الوعي واولا واخيرا الوارزع والحرص

وشكرا لاتاحتك الفرصة لينا عشان نتحاور على موضوع زي دا غاليتي

تحياتي لك ولك المشاركين

السودانى الاصيل كتب:

الماسه الخماسيه
احييك ان السلام عليك ورحمة الله تعالى وبركاته

ليست تقليديه ان اقول لك موضوعك متفرد وهام وكم راودنى كيبوردى بان ابحر فى هذا المجال
وها انت تبادرين مشكورة

اندهش حينما ارى شباب يتهافتون نحو عضوه
تضع صوره جميله لفتاه ليست هى !!! ولو كتبت ابيخ عبارات الارض
خلال دقيقه تجدين مئات الرود !!!

وهنالك صنف لديهم احقاد مع شخص اخر فيسجلون باسمه وعنوانه وصورته ورقم جواله
او جوالها باعلان انها او انه فاسق مجاهر بذلك ويطلب التعارف لذوى الميول المشابه !!!!


الكلام لن ينتهى فى الموضوع وبارك الله فيك وشكرا



انا زمان ساعتى الجديد ختيت صورتى توقيع طبعا ظبطوها بالفوتوشوب انا زاتى ما عرفتها

** ياسودانى يا أصيل :

** عليك سلام من الله تعالى ورحمة وبركات ..

** أولا" كمشارك اول لك تحية خاصة .. ومرحبتين أخوى ( أبو تسنيم )

** وكلامك عديل مافوقوا عوجة تب .. وتهافت الشباب على التعارف عموما" شىء ملفت للإنتباه كأنهم يكملون نقصا" بهم فلا تكاد تفهم هل يخدعون الناس ام يخدعون أنفسهم .. يكاد التميزّ يكون مستحيلا" فى زماننا هذا بين الصالح والطالح ..

** وناس الاحقاد ديل .. " قصص " يابا .. ربنا يكفينا شرهم .. ويستر وليداتنا وبنياتنا ..


** أها قلت لى : (( صورتك . . ما لها . . يا أبو قرون ..


** بالله تعال صادى لينا تانى .. محتاجين للكام عن أشياء .. وأشياء ..
وكل ما يحضرك ويجول بفكرك ويخطه كيبوردك يهمنا . .

لمسة جمال كتب:

يسلمووو ياماسة ياغالية موضوع في قمة الاهمية لانو سبب البلاوي في الزمن الحاضر لان غالبية ناسو ضعيفين ايمان ولابهمهم سمعة او شرف حد اهم شي يقضوا وقت وحكاية انو واحد يدخل باسم واحد تاني ويحط صورتو ورقمو دي انتشرت كتير ومن اقرب اللي اضرروا بيها واحدة من اعز صديقاتي فالله يحمينا منهم ويكفينا شرهم ويبعدهم عننا ......وجد مشكووووورة والله لايحرمنا من طلتك الجميلة ....ودمتي في حفظ الله ورعايته

** لمسة جمال :

** آه انا من الناس الما عندها ضمير .. ربنا يستر علينا وعلى كل البريئين .. ويغفر للمسيئين .. ويهدى الجميع للخيرين ..

** حقيقى فى بنات شباب وشابات كتيرين بيتعرضوا لمواقف محرجة نتيجة حسن النية .. والثقة فى ناس ماتستحق الثقة ، وحمد لله حتى الآن كل من نعرفه محل ثقة ، وإحترام وتقدير ..

** وصديقتنا المتضررة .. والله قلبى معاها وأكيد ده إمتحان من رب العالمين قولى ليها _ نيابة عنىّ : (( لاتحزن ، وربنا بيمتحن المؤمن اللى بيحبه )) وتصبر ، وتتعلم من المحنه دى .. وتنصح أخواتها وصديقاتها .. ربنا معاها واكيد ح يعوضها خير

** قال حبيبنا ( صلّ الله عليه وسلم : "عجباً لأمر المؤمن إن أمره كله له خيرٌ، إن أصابته سراء شكر فكان خيراً له، وإن أصابته ضراء صبر فكان خيراً له".

** تسلمى على التواجد الجميل .. ياريت تنورينا دائما" ..

** تعالى راجعة .. وضعى لمستك المميزة مرة أخرى ومرات ..

ود الزوحي كتب:
شوفي يالماسة .. حكاية وضع الصورة في المنتديات أو حتى الفيس بوك سلاح ذو حدين

ناخد جانب من الناس البكون عندها شوية حنك على قولنا نحن السوادنيين !!

البنات (لاعذر لأي فتاة لوضع صورتها في أي مكان داخل الشبكة العنكبوتية) دا شي مفروغ منو !!

سألت كم بت عن سبب وضع صورتها في الفيس فكان الرد كالاتي :

وليه ما أختها المشكلة وين ..

طيب عشان نحن نقدر نقنع المجموعة دي .. قمنا أنا وشباب معاي الله يديهم العافية بعمل مشروع فكري بتكلم عن مدى خطورة وضع الصورة في الفيس أو النت بصورة عامة فلقينا إنو البت البتكون طالعة من أسرة متحفظة ومتدينة بالقدر الكافي هم أكتر البنات البكونو واعيات لمدى خطورة الشي دا ..

لأنو دي بتخت في راسها إنو صورتها لو اتشافت في حتة حتكون مشكلة بالنسبة ليها قدام أهلها ..

حصل موقف لبت تقريبا بعرفا خسرت رجل ربما كان حيكون زوجها لو ما الفيس بوك دا ..

المهم ..

الزول فك خطوبته لما عزم صاحبو في عيد ميلاد خطيبتو وكان بحضور أهلها كلهم صاحبو لما طلع من البيت معاهو قاليهو البت دي بتعرفا من وين فداك قاليهو .. لي فترة كدا بت ماشا الله عليها محترمة وبت ناس ومافيها كلام .. فصاحبو قاليهو انت زول صاحبي البت دي أنا بعرفا من قبلك ومجكسة فلان في النت .. داك ماصدق طبعا إلا لما مشى شاف الحساب حقها .. وفعلا كان سبب رئيسي في فسخ الخطوبة !!

احتمال البت مافاهمة أصلا هي كانت بتسوي في شنو .. لكن الشي العارفو كويس إنها مازالت مواصلة في الفيس بس الشي الوحيد العملتو شالت صورتا ..

أعتقد إنو المشاركة ما مشكلة يا الماسة لافي فيس بوك ولا في منتديات .. المشكلة في كيفية الاستخدام السليم ..

ومعليش طولت عليكم .. بس حبيت أونس شوية وصراحة نوم مافي !!

تحياااااااااتي

** ود الزوحى .. يا شاعر :


** بالضبط دى نقطة مهمة جدا" من النقاط و الكلام المفروض يتم طرحه ونقاشه ولأجله نزلت الموضوع

** بعض البنات تقول ليك مافى مشكلة .. وده من وجهة نظرها هى كلام منطقى ليه الشباب يختوا صورهم ويتعرفوا على ناس ويتعلموا من تجاربهم على إختلافها والبنات لا !!

** طبعا اكيد طبيعة المراة بتختلف ، وحرصنا نحن كمسلمين على المراة بوازع دينى أكيد صحيح لأن ديننا كرم المرأة وحفظ لها حقوقها ، وطلب تكريمها وحديثه واضح صلّ الله عليه وسلم : (( ما أهان المراة إلا لئيم ، وما أكرمها إلاّ كريم )) أكبر دليل على تكريم ديننا الحنيف للمرأة مافى خلاف ..

** طيب ما التربية ليها دور ذى ما تفضلت ، وظروف اخرى محيطة كالتعليم ، والمحيط الدراسى ، والمجتمع الذى نشأ فيه الشاب أو الشابة ، ولا ننسى أثر الاصدقاء والصديقات .. وأنا هنا أقصد فهم البت ، وتصرفات الشاب تجاهها وفهمه وتفسيره لرأيها ووضعها صورة وبالله لاحظ إنى من الرافضين الفيس بوك خلى وضع صورة هناك ..


** وياريت برضو نتناول جانب تانى و عشان نكون أمينين نتكلم برضو عن الشخص البيقتنع بواحدة ومتاكد انها بت ناس ، ويجى بمجرد ما صديق يقول ليهو دى بتعرف واحد وكذا كذا يفتش ليها على أصغر خطأ عشان يتخلى عنها ، هل أداها فرصة توضح السبب فى هذا التناقض بين ما ظهرت به معه ، وبين وجود حساب ليها وتعرفها على شخص آخر ، أليس لكل منا ماضى ، وهل يحاسبها على ماض أم على علاقة موجودة أثناء معرفتها به ، وما مدى علاقتها بذلك الشاب ، وأصدقاءنا أكيد يقصدوا مصلحتنا

** بس الاصدقاء الحقيقيين ، وهم عملة نادرة فى هذا الزمان ، انا طبعا" لا اتحدث عن البت البتعرفا _ تقريبا" ولا عن خطيبها وصديقه بس بسأل هل كل واحد لما يفكر يرتبط بواحدة بيفكر إنو ممكن تكون أخته أو قريبته ، وتكون بكل صدق حبت إنسان ووثقت فيه ، أو عندها ظروف معينة خلتها تتصرف تصرف معين قصدى هل يحدث نقاش وحوار مفيد ام يتم رفض والتخلى عن الفتاة هكذا بعد معرفة شىء مباشرة ، او بمجرد سؤال وجواب سريعين دون فرصة كافية للشرح والفهم ..

** أليس لها قلب .. والشاب هل يحب على كيفه ويمشى مع كل الأنواع البطالة ، والجريئة ، وقليلة الخبرة ، والعفوية ، والساذجة ، وذات الخبرة ن والمثقفة ، والسطحية ، ووو .. ولما يجى يتزوج يفتش واحدة اصغر سنا مثلا " إعتقادا منه أنه لا تفقه شيئا" وانه سيشكلها على هواه .. وما أدراه بأنها ليست خبيثة لا قدر الله وقادرة على إخفاء أمورها جيدا" .. وربما تكون تلك التى رفضها أفضل منها مائة مرة ( سبحان الله ) ..


** ياخ ماطولت علينا .. ونس .. منك نستفيد ونفيد ..

الحلم السوداني كتب:تحية طيبة لك يا ماستي العزيزة

وموضوعك ما بنختلف فيه اكيد وضع البنت صورتها في النت عوما وفي الفيس خصوصا مشكلة كبيرة لان زي ما سبقوني الاعضاء الكرام لايمكن انها تتراجع عن حاجة زي دي لو اتاخدت الصورة كدا ولا كدا واولاد الحرام عموما كتير (ولد _ بت) يعني في ناس كتير ما بتخاف الله وممكن تعمل اي بلوه بالصورة دي ومشكلة الفيس خصوصا انه عامل زي الشبكة دا بعريف دا وديل بعرفوا دا وكدا وماتعرفي البعرفوهم كلهم كيف وخصوصا ناس العندهم فوق 4000 صديق يعني صداقات لامه فالاحسن صور لا اكيييد

اما بالنسبة لموضوع دخول الفيس بحد ذاته دي فيها وجهات نظر كتيره يعني لو الانسان حريص ما يخت صوره ما لازم معلوماته طالعة لي بره الايميل واين يعمل وبشتغل وين وكل السيرة الذاتيه لان بما ان البضيفهم اهلو واصحابوا اكيييد بعرفوا المعلومات دي ما في داعي اذكرهم بيها دي من ناحية حماية المعلومات الشخصية وكمان انه ما يضيف اي زول كدا وخصوصا الكلام للبنات لان الواحد ما بيعرف النواية الفيس فيه ميزه حلوة لان بقى على الاغلب كل الناس عندها حسابات فالتواصل بقى اسهل بيه خصوصا لما الواحد يكون عنده معارف واصدقاء من اماكن متفرقة وعايز يشاركه فرحته في موضوع معين او يشاركهم واكيييد زيه زي اي حاجة جديده ودخيله علينا فيه مساوء واضرار وفيه مميزات وحسنات بعتمد على الوعي واولا واخيرا الوارزع والحرص

وشكرا لاتاحتك الفرصة لينا عشان نتحاور على موضوع زي دا غاليتي

تحياتي لك ولك المشاركين

** تسلمى يا أروع حلم

** كلامك كلو عجبنى شدييييييييييد

** كالمعتاد طبعا ..

** وتناولك لحكاية الصداقات اللامة دى


** وعدم الصور متفقين عليها

** أما انو ليهو منافع ومضار ياريت تجى تورينا المنافع شنو لأنى بجد ماعارفة وما بقتنع إلاّ من أشخاص بثق فيهم مثلك ، ومثل الأخوه الأعزاء المحترمين هنا والأخوات الفاضلات والصديقات الحميمات .

** ونطمع فى كرمك كمان تكلمينا ياريت بالتفصيل شوية .

** شكرا كتير ليك إنتى ياعسل .

السنبلاية كتب:ممتاز يا ماسة ممتاز

كما عهدتك .. تزدادى كل يوم بريق ..!!

** مرحبتين ياسنبلاية ياعسل

** لكن : زعلانة منك

** كده برضو تجى وتمرقى ساااااااااااااااااى

** وأنا الموضوع ما منزلاهو عشان الناس الحواريين والفاهمين والبيعرفوا يتناقشوا زيك يجوا يتوهطوا فى نص السرير ( الموضوع ) ويدلوا بدلوهم ويفيدونا

** أه وإنتى تجى تمد لينا بث طرف يدك

** سفنجتك ما ملصتيها

** سمعتى ليه على وزن : ( شفتى .. كيف )

يديك الف عافية يا ماستي الحبيبة على تفنيدك لي ردي بكل شفافية ووضوح للجميع .....





وشكرا لدعوتك لي بالعوده والرد مرة اخرى والمشاركة في الموضوع الي اكييد في احد حيستفيد منه من

تجربة غيره الشخصية او من رأي غيره وكذا ودي اهمية المواضيع الحوارية مع تقبل وجهة نظر ورأي

الاخر بسعة صدر عشان الكل يستفيد واي رأي يحتمل الخطاء والصواب واي وجهة نظر تحترم وما تتكلم

الا عن صاحبها واكييد في النهاية هي ما مسألة اقنعني واقنعك انا بخت العندي لو عجبك اخد بيه لو اقتنعت

ولو لا تبقى وجهة نظر اولا واخيرا.





انا حاليا حتكلم بصورة عامة وليس ردا على احدى المشاركات





وجهة نظري في الفيس بشكل عمومي شي جيد للتواصل الاجتماعي وفكرة جديده او حتى لو ما كانت جديده

ففي زيه الشات العام والمنتديات والمسنجر وحتى التويتر والبي بي وخلافه لكن دا يمكن طلع بشكل جديد

وحتى اخذ منحى جديد في انه رقعته الغطاها اكبر من شرائح المجتمع ولو ان الاغلب ما تحت 18 كما ذكر

اخي الكريم ود العاصمة حتى اذكر في الموضوع ان احدى قريباتي وممن يكبروني سنا وخبرة في الحياة

اطلقت عليه فيس ال(شفع)



العايزة اقوله عشان ما اطول على الجميع ان الفيس زيه زي اي حاجة جات دخيلة علينا ليها مساوء وليها

ايجابيات عند البعض والفيصل في ذلك طريقة الاستخدام ونية الاستخدام قبل كل شي مع الحرص في

الاستخدام


بمعنى ان لو الواحد كان نيته داخله عشان تعارف ورقمك ورقمي وكلمني واكلمك دي ممكن يعملها بالفيس

بالمنتدى بالشات في مختلف المواقع وحتى الشات اللي وصل لقنوات التفزيون الفضائية فهنا القاسم

المشترك نيته في التعارف الا محدود وعديم الفائده من وجهة نظري لانها حتى ما بترقى لي نوع التجربة

في العلاقات وتكون تمضية وقت وبس



نقطة تانية لو الواحد ما نيته كدا ودخل مثلا عشان التعارف الجاد برضوا الكلام ينعاد زي ما دايما ما

بنقول عن الشبكة العنكبوتيه بوجه عام ان الحقائق دايما او غالبا بتكون معكوسة او حتى غير البنذكر في

النت بوجه عام بغض النظر عن الطريقة المستخدمة فيس بوك او غيرة من المواقع التواصل الاجتماعي

باختصار يعني لو انت اخلصت ما حتكون ان البالمقابل اخلص برضوا ف يكون الشك وغيرة من الكلام


اللي احنا حافظينوا يكاد يكون عن ظهر غيب عن الموضوع دافالحذر الحذر للجميع اولاد وبنات لان كل

واحد نفسه عزيزة عليه وقلبه دا حاجة غاليه ما بسهولة يعرضه لجرح ولا حتى خداع





الشي التاني واللي حابة اوضحه اكتر الفائده اللي انا شفتها في الفيس وعن تجربة ودا اكييد من وجهة

نظري مع احترامي لكل الاراء بس لان الغالية ماسة حبت تعرف رأي



ان الفيس لو استخدم بالطريقة الصحيحة على حد علمي بان تضيف فقط من تعرف من اصدقاء (مدرسة_

جامعة _عمل _وغيرة مثلا ناس قابلتهم في رحلة او حج او او وكثير اعتبرتهم اصدقاء والتواصل مهم

بالنسبة لك معهم وصعوبة ذلك مع مشاغل الحياة وعدم توفر الارقام والاتصالات في كل وقت فياما اتصلنا

على اصدقاء تكون مرت بهم مناسبات ولانشغال التلفون او عدم تفحص البريد ما قدرنا نتواصل معاهم في

مناسبتهم سواء حزن او فرح فالفيس ممكن تعرف لو هو خت المناسبة دي او احد اصدقاءه او اهله ذكر

الحاجة دي فلو كنت تتفحص اخر اخباره حتعرف وحتتواصل معاه بالفيس او التلفون لو كان شخص عزيز

وبعيد عنك وكذا


وكمان الاهل وخصوصا زي حالاتنا احنا السودانين تكاد لا تخلوا عائلة او اسره من مغترب لها سواء من

قريب او بعيد فضلا عن لو كان هناك اكثر من مغترب في اماكن متفرقة وكمان اختلاف الوقت يلعب دور

حاجي على ذكره لاحقا غير انه ممكن المغترب دا ما شفته في حياتك او شفته وانت صغير او حتى بس

كلمته في التلفون

فبالحكم ان طريقة الفيس والحاجة المبتكره الفيه انه عامل زي الشبكة ففمكن تعرف اقارب ليك من بعيد

والدنيا صغيرة زي ما يقولوا ودي فايده انا عرفتها شخصيا بحكم تباعد اطراف عائلتي الكبيرة جدا جدا في

اماكن متفرقة من العالم فحسيت الفيس قربنا اكثر مع العلم ان حركة الشبكة دي فيها خطورة لو اسيء

استخدامها بس شوية حذر وما في اي مشكلة زيه زي التعامل بحذر مع الايميل عدم فتح ايقونات او

ايميلات غريبة الزول ما يوزع ايميله الاللي يضمنه ما رسل صور ومعلومات خاصة كتير بالايميل يغير

الباسورد والمعلومات الكتيرة اللي عارفينة عشان الحماية المعلوماتيه وكدا وانتوا ادرى اكييد


***ومسألة الوقت حلوة لان ممكن تكون ارسلت ليه كلام في وقت وهو لما يجي حيلاقي كلامك وممكن قريب

تاني يجي ويلاقي كلامكم واتوقع حتكون ونسة ظريفة دا اكيييد لو كان الشخص محدود المعارف مثلا

ضايف اقاربه بس او اصدقاء القريبين بس فكدا ما في ونسه عند الغربة يعني في حدودك وبسوفي اوامر

كتيرة تقدر تزيد من مستوا خصوصية اي كلام تكتبه او حاجة تعملها او حتى معلومة عنك واللي مشتركين

يقدروا يوضحوا الحاجة دي او حتى يفهموني



كمان ممكن تضيف زملاء العمل لو كنت تحب تتبادل خبرات او تعرف معلومات جديده في حاجة معينة او

صفحات قروبات في مجال معين ويا ما اكثر صفحات القروبات العلمية والثقافية اليومتين ديل مع الملاحظة

ليس كلها ممكن الجزم انها تكون مفيده اللي بتلقى منها فائده خذ فائدتك منها وليس ضروري انك تسجل

معاهم فقط ادخل على الول او الحائط بتاعهم وخذالمعلومة اللي تهمك لوما حاب تتعرف على اناس اغراب

بالنسبة لك خوفا من اتساع رقعة معارفك وبالتالي اي ضرر ممكن يقع عليك يعني الراي رايك حاب ت

ضيف ضيف لا لا والكلام خصوصا للذكور لا ن البنات او المرأه بشكل عام ما انصحها تدخل على

قروبات وتضيف لان بمجرد اضافتك حتتهافت الاسماء عليك وطلب القبول للاضافة لو كنتي اسأتي


اختيار القروب فالباب البجيك منه الريح سده واستريح زي ما بقولوا .....



يعني مثلا اقوليكم مثال الحلو ممكن تخت صورة ومالبضرورة انت فيها لو كنت بنت بس لمكتن او رحلة

مشيتيها وتوريها لصحباتك واقاربك دا نوع من التواصل البصري معاهم وتشوفي رايهم ورايك وحتكون

ونسة ظريفة لو كانت اكييد المسافات بتبعدكم عن بعض صح حتقولوا ان المهم نشوف بعض بس دا

برضوا بعمل جو حلو والصورة ما اتختتقصدي على الصورة الشخصية خوفا من المنتلاعبين مع وجود

برضوا زي ما قلت خيارات الخصوصية العالية فالفيس ان ممكن تختار من يشاهد صورتك بس انا عن

نفسي لا اضمن المتلاعبين ولا الهكر وما اضمن وضع اي صورة ولا احذ شي زي دا في الفيس او اي

مكان غيره في النت وفي امثلة تانيه بس لشعوري اني اطلت جدا جدا عليكم في الرد ويا بخت من زار

وخفف وانشالله ارضيت فضولك في معرفت ردي اختي الغالية وفضول من احب ان يسمع مني الرد


وتحياتي للجميع لكم ولارائكم ومشاركاتكم

محسية كتب:

بتفق معك ان الفيس بوك ممكن يسبب كوارث عندما تضع البنت صورتها فيه

بس المشكلة ما فى الفيس بوك بس المشكلة كمان بنات بتضع صورها فى المنتديات والاميلات
وطبعا انا ما اتفق مع اى بنت تضع صورها او تعرضها لاى شخص فى الشبكة العنكبوتية


تحيااااااااااااااااااااتى

ود الشرفه كتب:اولاً تحيه بروعة كاتب الموضوع ... والاسلوب السلس في الكتابه ... اهنئك علي حسن ترويدك للكلمات ...

تجربـــــه شخصيه داخل ازقة ما يعرف بالفيس بوك :

............................................

عزراً فليس هذا محور الحديث لكن احببت ان اوضح ان هناك اشياء اخطر من وضع الصور علي الفيس بوك ... واتمني من كل مستخدمي هذا المارد ان يتوخوا الحزر في لتعامل معه ....

ومهما بلغ تطور هذا الموقع فسوف تظل المنتديات هي الافضل والسباقه في اكتساب الثقافه والتعرف علي رفقاء جدد ...


تحيـــــــــــــــــــــــــــاتي وعزراً لي الاطاله :::

** ود الشرفة :

** لك أفضل سلام .. وأغلى تحية ..

** أشكرك أولا" على كلماتك الطيبات فى حقىّ جزاك الله عنىّ خير الجزاء ..

** وتسعدنا مشاركتك لنا تجربتك الشخصية التى لابد ان تفيد الكثيرين .. وقلبى معك .. على ما حدث .. الصبر والحكمة يعالجان كثير من الأمور ..

** لم تطيل علينا على العكس أحسسنا بصداقة وقرب حقيقى حين اشركتنا بعض من همومك .. وعساها عدت بلا رجعة ..

** لك كل التقدير والإعزاز على الرأى المعتبر الأكيد عن أن المنتديات هى السباقة والأفضل على نشر الثقافة وحلاوة التعارف ..

** يكفى أنها عرفتنا على أمثالك .. وكل أصدقائنا الذين نحبهم ونحترمهم هنا .

ودالعاصمة كتب:سلامات للاهل والاحباب

وتحيه ليك الاخت الغاليه الماسه الخماسيه

طبعا عشان نكون اكتروضوح انا ماجى ارد من اجل الرد ولا جاى ارد عشان انتى طلبتى مننا الافاده لكن حقيقى الموضوع يحتاج الرد لاهميه الموضع نفسه ده فى المقام الاول وثانيا الموضوع بمسنى شديد جدا ويوميا فى جدل دائم مع الاصحاب انو الفيس فيو فوائد وانا اجزم با العكس وتصل احيانا الى انو (( انته قايل منتداك ده اسى نافع )) وانا بقول انو اى انسان لايستطيع التعامل مع المجتمع الحقيقى من تقيراتو وتكوين صداقات وعلاقات تعارف هذا يعنى ان الانسان به خلل نفسى فيلجئ الى المواقع الاجتماعيه زات التعارف السهل والذى للاسف يتكون من مجتمع مبهم وغير صادق والعلاقات فيه تكون غير شفافه لان المتعارف عليها او المتعارف عليه لايخلو من متعارفين آخرين اكثر لايقلو عن المتعارفين الاخرين فى شئ الا صور جزابه ..
طبعا ده كلو كوم والكوم التانى انو انا انا بتخيل انو الفيس بوك ده بتاع الاعمار اقل من 18 مع الاحترام للاخرين
اضف الى ذلك ان التعاليق والاشعارات كلها بتتكون من عبارات وجمل خفيفه وماذات معنى مفيد الا الموضوع المهم وحاجات للونسه والدردشه السريعه جدا والاستفاده منها رساله ورقم تلفون وحب وكدا وكدا
مانطول عشان مايجو ناس الفيس يعلنو الحرب
وجهه نظرتحتمل الاجابه والخطاء
وشكرا

** ود العاصمة :

لك أفضل سلام .. وأغلى تحية ..

** حضورك أيماّ كان السبب .. أسعدنا حقا" ..

** وأهمية الموضوع حقيقة أساسية .. وجوانبه شائكة ومتعددة حقيقة ..

** وتناولك لوجهة نظرك .. أهم شىء لأنها قد تتفق مع الكثيرين ومنهم أنا على وجه الخصوص وبنفس الفهم .. وقد تختلف مع كثيرين أيضا" .. لامانع لدبنا من حضورهم وسماع وجهات نظرهم المعتبرة .. علهم يقنعوننا او نقنعهم .. وقد يظل رأىّ كل منا على ثبات .

** فقط يبقى الإتفاق بيننا جميعا على قيمة أساسية فتح باب الحوار لمعرفة كل وجهات النظر .. وكل الجوانب .. بكل إحترام .. ووعىّ ..

** ولا ننسى القاعدة الماسية : إختلاف الرأى لايفسد للود قضية .

** تشرفنا بمعرفتك .. يا هلا .

الحلم السوداني كتب:يديك الف عافية يا ماستي الحبيبة على تفنيدك لي ردي بكل شفافية ووضوح للجميع .....





وشكرا لدعوتك لي بالعوده والرد مرة اخرى والمشاركة في الموضوع الي اكييد في احد حيستفيد منه من

تجربة غيره الشخصية او من رأي غيره وكذا ودي اهمية المواضيع الحوارية مع تقبل وجهة نظر ورأي

الاخر بسعة صدر عشان الكل يستفيد واي رأي يحتمل الخطاء والصواب واي وجهة نظر تحترم وما تتكلم

الا عن صاحبها واكييد في النهاية هي ما مسألة اقنعني واقنعك انا بخت العندي لو عجبك اخد بيه لو اقتنعت

ولو لا تبقى وجهة نظر اولا واخيرا.





انا حاليا حتكلم بصورة عامة وليس ردا على احدى المشاركات





وجهة نظري في الفيس بشكل عمومي شي جيد للتواصل الاجتماعي وفكرة جديده او حتى لو ما كانت جديده

ففي زيه الشات العام والمنتديات والمسنجر وحتى التويتر والبي بي وخلافه لكن دا يمكن طلع بشكل جديد

وحتى اخذ منحى جديد في انه رقعته الغطاها اكبر من شرائح المجتمع ولو ان الاغلب ما تحت 18 كما ذكر

اخي الكريم ود العاصمة حتى اذكر في الموضوع ان احدى قريباتي وممن يكبروني سنا وخبرة في الحياة

اطلقت عليه فيس ال(شفع)



العايزة اقوله عشان ما اطول على الجميع ان الفيس زيه زي اي حاجة جات دخيلة علينا ليها مساوء وليها

ايجابيات عند البعض والفيصل في ذلك طريقة الاستخدام ونية الاستخدام قبل كل شي مع الحرص في

الاستخدام


بمعنى ان لو الواحد كان نيته داخله عشان تعارف ورقمك ورقمي وكلمني واكلمك دي ممكن يعملها بالفيس

بالمنتدى بالشات في مختلف المواقع وحتى الشات اللي وصل لقنوات التفزيون الفضائية فهنا القاسم

المشترك نيته في التعارف الا محدود وعديم الفائده من وجهة نظري لانها حتى ما بترقى لي نوع التجربة

في العلاقات وتكون تمضية وقت وبس



نقطة تانية لو الواحد ما نيته كدا ودخل مثلا عشان التعارف الجاد برضوا الكلام ينعاد زي ما دايما ما

بنقول عن الشبكة العنكبوتيه بوجه عام ان الحقائق دايما او غالبا بتكون معكوسة او حتى غير البنذكر في

النت بوجه عام بغض النظر عن الطريقة المستخدمة فيس بوك او غيرة من المواقع التواصل الاجتماعي

باختصار يعني لو انت اخلصت ما حتكون ان البالمقابل اخلص برضوا ف يكون الشك وغيرة من الكلام


اللي احنا حافظينوا يكاد يكون عن ظهر غيب عن الموضوع دافالحذر الحذر للجميع اولاد وبنات لان كل

واحد نفسه عزيزة عليه وقلبه دا حاجة غاليه ما بسهولة يعرضه لجرح ولا حتى خداع





الشي التاني واللي حابة اوضحه اكتر الفائده اللي انا شفتها في الفيس وعن تجربة ودا اكييد من وجهة

نظري مع احترامي لكل الاراء بس لان الغالية ماسة حبت تعرف رأي



ان الفيس لو استخدم بالطريقة الصحيحة على حد علمي بان تضيف فقط من تعرف من اصدقاء (مدرسة_

جامعة _عمل _وغيرة مثلا ناس قابلتهم في رحلة او حج او او وكثير اعتبرتهم اصدقاء والتواصل مهم

بالنسبة لك معهم وصعوبة ذلك مع مشاغل الحياة وعدم توفر الارقام والاتصالات في كل وقت فياما اتصلنا

على اصدقاء تكون مرت بهم مناسبات ولانشغال التلفون او عدم تفحص البريد ما قدرنا نتواصل معاهم في

مناسبتهم سواء حزن او فرح فالفيس ممكن تعرف لو هو خت المناسبة دي او احد اصدقاءه او اهله ذكر

الحاجة دي فلو كنت تتفحص اخر اخباره حتعرف وحتتواصل معاه بالفيس او التلفون لو كان شخص عزيز

وبعيد عنك وكذا


وكمان الاهل وخصوصا زي حالاتنا احنا السودانين تكاد لا تخلوا عائلة او اسره من مغترب لها سواء من

قريب او بعيد فضلا عن لو كان هناك اكثر من مغترب في اماكن متفرقة وكمان اختلاف الوقت يلعب دور

حاجي على ذكره لاحقا غير انه ممكن المغترب دا ما شفته في حياتك او شفته وانت صغير او حتى بس

كلمته في التلفون

فبالحكم ان طريقة الفيس والحاجة المبتكره الفيه انه عامل زي الشبكة ففمكن تعرف اقارب ليك من بعيد

والدنيا صغيرة زي ما يقولوا ودي فايده انا عرفتها شخصيا بحكم تباعد اطراف عائلتي الكبيرة جدا جدا في

اماكن متفرقة من العالم فحسيت الفيس قربنا اكثر مع العلم ان حركة الشبكة دي فيها خطورة لو اسيء

استخدامها بس شوية حذر وما في اي مشكلة زيه زي التعامل بحذر مع الايميل عدم فتح ايقونات او

ايميلات غريبة الزول ما يوزع ايميله الاللي يضمنه ما رسل صور ومعلومات خاصة كتير بالايميل يغير

الباسورد والمعلومات الكتيرة اللي عارفينة عشان الحماية المعلوماتيه وكدا وانتوا ادرى اكييد


***ومسألة الوقت حلوة لان ممكن تكون ارسلت ليه كلام في وقت وهو لما يجي حيلاقي كلامك وممكن قريب

تاني يجي ويلاقي كلامكم واتوقع حتكون ونسة ظريفة دا اكيييد لو كان الشخص محدود المعارف مثلا

ضايف اقاربه بس او اصدقاء القريبين بس فكدا ما في ونسه عند الغربة يعني في حدودك وبسوفي اوامر

كتيرة تقدر تزيد من مستوا خصوصية اي كلام تكتبه او حاجة تعملها او حتى معلومة عنك واللي مشتركين

يقدروا يوضحوا الحاجة دي او حتى يفهموني



كمان ممكن تضيف زملاء العمل لو كنت تحب تتبادل خبرات او تعرف معلومات جديده في حاجة معينة او

صفحات قروبات في مجال معين ويا ما اكثر صفحات القروبات العلمية والثقافية اليومتين ديل مع الملاحظة

ليس كلها ممكن الجزم انها تكون مفيده اللي بتلقى منها فائده خذ فائدتك منها وليس ضروري انك تسجل

معاهم فقط ادخل على الول او الحائط بتاعهم وخذالمعلومة اللي تهمك لوما حاب تتعرف على اناس اغراب

بالنسبة لك خوفا من اتساع رقعة معارفك وبالتالي اي ضرر ممكن يقع عليك يعني الراي رايك حاب ت

ضيف ضيف لا لا والكلام خصوصا للذكور لا ن البنات او المرأه بشكل عام ما انصحها تدخل على

قروبات وتضيف لان بمجرد اضافتك حتتهافت الاسماء عليك وطلب القبول للاضافة لو كنتي اسأتي


اختيار القروب فالباب البجيك منه الريح سده واستريح زي ما بقولوا .....



يعني مثلا اقوليكم مثال الحلو ممكن تخت صورة ومالبضرورة انت فيها لو كنت بنت بس لمكتن او رحلة

مشيتيها وتوريها لصحباتك واقاربك دا نوع من التواصل البصري معاهم وتشوفي رايهم ورايك وحتكون

ونسة ظريفة لو كانت اكييد المسافات بتبعدكم عن بعض صح حتقولوا ان المهم نشوف بعض بس دا

برضوا بعمل جو حلو والصورة ما اتختتقصدي على الصورة الشخصية خوفا من المنتلاعبين مع وجود

برضوا زي ما قلت خيارات الخصوصية العالية فالفيس ان ممكن تختار من يشاهد صورتك بس انا عن

نفسي لا اضمن المتلاعبين ولا الهكر وما اضمن وضع اي صورة ولا احذ شي زي دا في الفيس او اي

مكان غيره في النت وفي امثلة تانيه بس لشعوري اني اطلت جدا جدا عليكم في الرد ويا بخت من زار

وخفف وانشالله ارضيت فضولك في معرفت ردي اختي الغالية وفضول من احب ان يسمع مني الرد


وتحياتي للجميع لكم ولارائكم ومشاركاتكم

** يا أروع حلم : ( الحلم السودانى )

** كل ما قرأت أرآءك أكثر .. وكلما أصغيت إلى طريقتك فى الحديث وتناول جوانب أى موضوع يتبين لى مدى قربك من شخصيتى ..

** أحسك أقرب إنسان منىّ فى طريقة التعبير والكلام .. لذلك دوما" لا أجد ما أضيفه إلى كلامك ..

** أنت حقيقة قلت كل ما يمكن ان يقال فى هذا المجال ..

** أفضت فى الحديث .. لكن .. بكل أمانة أفدت .. ( بس إذا سمحتى كبرى خطك ده شوية )

** لك أنت .. هذة التحية ..