منتدى أنا سوداني

سعادة اللواء عوض احمد خليفة متعك الله بالصحة والعافية بقدر ما امتعتنا به من كلمات جميلة رائعة وخالدة. من منا لا يذكر افتنان الشعب وحبه الي عشرة الايام وزادها رونقا شدو الفنان عثمان حسين بها
ليه فجأة دون اسباب من غير عتاب او لوم
اخترت غيري صحاب وأصبحت قاسي ظلوم
هان ليك فراقي خلاص وانا برضي حولك احوم
كان عهدي بيك ترعاني واجمل صلاتنا تدوم
قمة الروعة في سرد اللوم علي الحبيب .
ثم يقول ما كان فراقنا المر في نيتى او بي ايدي
لكن صدودك ابي قست ظروفي علي
واتلاشت الاحلام وين حسن ظنك بي
هنا الحديث عن الاحلام والظرف القاسية والفراق المر
سعادة اللواء يمكن ان تكون هذه الرائعة(عشرة الايام) حبيبة كل الشعب السوداني المتذوق للغناء الرائع من الرائعين امثالك لكن انا لدي حبيبة اخري و علقت بحبها منذ ان سمعتها اذني وهي الرائعة(غاية الامال) واضاف اليها روعة اخري تغني ابراهيم عوض بها وحبيبتي هذه مظلومة حيث لم تجد حظها من النشر والاستماع الجيد وانا منحاز له اشد الانحياز ومتعصب لها .واسمح لي بنشر بعض منها.......
يا غاية الامال لو دعاك الشوق
ما كان جفيتني زمان وانت الحنان والزوق
في لحظة الاشواق لو مرة عشت معايا
أو في لهفة العشاق حسيت معاني هوايا
روعة وجمال ولكن اكثر ما يعجبني قوله
عارفك وديع ورقيق وأجمل ملاك في الكون
عارف عفافك فطرة... لكن حنانك وين
تامل معي العفاف الفطرة قمة الابداع..................
اناشدكم ان تستمتعوا ب ( عشرة الايام) وتتركو حبيبتي (غاية الامال) لي.................
فأنا من العاشقين لها
متعك الله بالصحة والعافية سعادة اللواء
ولنا لقاء اخر مع مبدع من مبدعيننا
حسن العربي

كتب عوض أحمد خليفة العديد من الأغنيات ذات الطابع الرومانسي والتي داعبت مفراداتها أعزب الألحان .. من الأغنيات التي كتب كلماتها

عشرة الايام – صدقيني – خاطرك الغالي – غاية الآمال – بالي مشغول – في بعدك يا غالي – يا أغلى من عيني – لو كنتا ناكر للهوى ذيك
صدقينى
كلمات : عوض أحمد خليفة
غناء : عثمان حسين
صدقيني وحياة غرامنا.. ما كذبت عليك في حبي
صدقيني ابدا ولا حولت عنك مرة....... قلبي
وانت في دنياي امالي واهلي ...... كل صحبي
كل زهرة ندية يانعه .. انت رياهاوعبيرها
كل فرحة في فؤادي .. اءنت لحظاتها المثيرة
كل لحظة عمقت في قلبي حبك واحترامك يا اميرة
كفكفت من عيني دمعات الليالي وقسوةالايام وجورها
من بعيد .. من بعيد تكفيني منك .. لفته او طيف ابتسامة
نظرة تفضح سر عيونك فيها نجواها وكلامها
فيها من معني المحبة رقتها وخيرها وسلامها
فيها ما يغنيني طول ايامي عن سور الندامة
كل من جهل الحقيقة .. سالني عن سرك معايا
لكني خايف .. لو ادل الناس عليك يا اغلي غاية
كل واحد في خيالو بكرة يتخيل حكاية
وانت ابعد ما تكوني عن الاقاويل والوشاية

ذكرتيني مها برائعة شاعرنا الرائع خاطرك الغالي

دائما اطيب خاطرك الغالي واسامحك لو نسيت
ودعدت من يهواك وقلبو في دربك مهما نأيت
كم مرة حاول يفرق بينا حاسد او عزول
كم مرة قالو جنيت علي بدلت ضو ايامي ليل
لكني يا نور العذاري انا ما ببدل حبي قول
تلقاني دائما في رجاك منايا في حبك رسول
اسال عليك الليل ونجمو وحتي انوار الصباح
وكل طائر في سماه في شريعتو الحب مباح
اسال مشاعرك عن هوانا ولي حنانك لي لاح
خليتني في غاية الالم اماني تزروها الرياح
حيران اسائل نفسي ايه كان السبب اصل الخصام
يمكن اكون فب حقك اتلومت في ساعة ملام
لكن دا ما معقول يكون انا قلبي ليك حفظ الغرام
مااظنو من عرف الهوي يعرف عداوة مع السلام.

روووووووووووووووووووووووعة الابداع
ومتعك الله بالصحة والعافية