منتدى أنا سوداني

أبو صديق كتب:[overline]شاعرنا المرهف كيفنك ومبارك علينا وجودك بيننا
ومبروك الأوسمه والتكريم..
وصاحبك عصام ده لازم تفرق معاو عشان
بكاكي ( كاااااك) بره ومثله كُثر
وهذا الرجل الشرقي بموروثاته المغلوطة
وحواء كائن ضعيف مخلوقة من ضُلع أعوج ( مااا ضلع الشمّالي )
تغلب عليها عواطفها بمعدل 90 % وهذا أكتر من سبب يجعلها لعبة مسلية
لمعدومي الضمير... وتسلم علي الأطروحات المُعبّره...[/overline]

داليه كتب:سبحانك يا ربي
حرام على خطيبتو وحلال على بنات الناس !
مابنفع عشان دي خطيبتو وديلك بنفع عشان بنات ناس !
مابرضى عليها عشان دي خطيبتو لكين برضى على ديلك عشان بنات ناس !



المابرضى الشينة في روحو ما يرضاها لي غيرو
وكان رضاها لي غيرو
يبقى هو زاتو ما نافع !



ويديك العافية

سمارا كتب:

الرائع والمميز دائما ودالزوحى


انا بتفق معاه وبأيده ولو كان رد فعله غير كده


يبقى ما ..............


وبعدين هى مخطوبه ما فى
داعى تجيب اللبش لى روحا خاته صوره ليه ؟؟؟؟؟؟؟؟؟

بس ما مفروض يسيبا يتكلم معاها تمسحا طوالى

لو ما مسحتا خليه يجينى بخطب ليه بنات حوا بالكوم والردوم

محسية كتب:

والله الكلام ده عجيب
يعنى هسه هو زعلان لانى خطبيته بتعرض صورها فى الفيس بوك طيب ما هو كل يوم بيتعرف على البنت وبتعرض له صورها
شنو الفرق بين خطبيته وبنت الناس الثانية

انت عارف المشكلة شنو هنا ان الشخص بيحلها لنفسه وبيحرمها على غيره
اللى ما بيرضى على نفسه وما بيرضه على غيره
تحياااااااااااااااااااتى

ود الزوحي كتب:أبو صديق سيد الوعي .. نورت البورد يا ملك !!

بالجد أنا حاسي إنو في شي مافي محلو اشمعنا الواحد لما يكون بتكلم مع وحدة بنسى إنو في يوم ممكن تكون أختو في نفس الموقف ده أو بنت خالتو .. إلخ !!

ماهي الحكاية ما حكاية ختت صورتها أو ما ختتها .. الحكاية أكبر من كده بكتير .. يعني مثلا شاف صورتها وعجبتو وبدا بيناتهم تعارف ليه ما يكون في حدود المعروف دون الغوص في أمور لو انقلبت على واحدة من ناس بيتهم الواحد يقوم الدنيا ويقعدها ..

أبو صديق كتب:[overline]
تسلم يا غااالي منّور بيك والله ومجمل القول وإختصارا أن الشغله دين
وكما تُدين تدان وما لا ترضاه علي نفسك لا تفعله مع غيرك..
ده فهم ومنهاج يسير عليه من به نخُوة ورجولة وغيرة علي أهله،، أما زماننا هذا فحدث
ولا حرج، حيث تسّرب الحابل وأصبح نكرة في تلابيب النابل..
ود الزوحي ياراقي
بالجد القصة حقيقة ماثلة أمامنا وبيد كل منّا أن يعكس الصورة ويقارنها وعليها يقيس
ويُغيرها للأحســـن..
ولا يُغيّر الله ما بقوم حتي يُغيّروا ما بأنفسهم..[/overline]

jasmina كتب:

نحنا مجتمع شرقي ولسة حكاية الصورة في النت دي مامقبوله غالبا عندنا ومافي داعي ليها

اصلا..ماي حاجة بيعملها الغرب بتكون صالحة اننا نعملها ..لاختلاف الدين والمجتمع ده من ناحية

من ناحية تانية ذكرتني بالقصة دي قصة حصلت وهي واحد قريبنا عندو علاقات "واسعة "

بالنت ومن زميلات والخ المهم لما اتوفر عندو مبلغ وقرر يتزوج مشى فتش واتقدم لواحده

قريبتو وعلى حسب وصفو في البيت ومحترمة وطرحتها مابتنزل من راسها وهي دي البت

طيب يافلان والبت فلانة الجات بيتنا وعرفتنا بيها وجات لامك المستشفى وقامت بالواجب مالها

قال لا دي مابتنفع معاي عارفه اي شي وبتاعة نت وكده انا عايز واحده "مغمضة " اربيها على

مزاجي !! وتم العرس ....البت غيرت جوالها ...يوم في بيت اهلها وقع في يدو جوالها القديم لقى

كم من الرسائل والاسماء الكتييير لما راسو لف ... وعرف انو عندها ايميل!! رغم ادعائها انها

جاهله بالنت وبعد ضغوطات واعتراف عرف حاجات خلتو طلقها ....وفكر وعرف الحكمة الحصلت

وقال الحمد لله انها ماجات في اخواتي ...لما رجع للبت القديمة واعتذر وقال احسن البعرفها من

الماعارف عنها حاجة ....لقى القطر فات والبت عقدو عليها ... وحتى لما جا يشوفها خلت "راجلها "

يسلم عليه وهو بيعرف قريبنا ده لانو مرتو حكت ليه اي شي عن علاقتها السابقة قبل يرتبطو ...

هنا هو ضيع على نفسو بت كانت صادقة وواضحة معاه ...واخد درس معتبر من البت " المغمضة "

ود الزوحي كتب:طيب يا ياسيمن رايك شنو في البت البتخت صورتا في النت !!

بصراحة كده انا رايي الشخصي انو عادي ... بس اذا قلت ليك راي على حسب مجتمعنا وكده

ماعادي انها تخت صورتها في النت لانو غالبا بتتفهم غلط ..وكأضعف الايمان بتصنف على انها

ختتها عشان تعمل علاقات وكده ...فعشان كده بلاها خالص ... انا عن نفسي مابخت صوري

ومابنصح صديقه لي تختها رغم اقتناعي انو الصورة لو عاديه مافيها شي ...بس نحنا عايشين

في مجتمع بيحكم تصرفاتك ومابتقدر تعمل حاجة وتقول انا شايف انها صحيح والباقي ....في ستين !!

jasmina كتب:

بصراحة كده انا رايي الشخصي انو عادي ... بس اذا قلت ليك راي على حسب مجتمعنا وكده

ماعادي انها تخت صورتها في النت لانو غالبا بتتفهم غلط ..وكأضعف الايمان بتصنف على انها

ختتها عشان تعمل علاقات وكده ...فعشان كده بلاها خالص ... انا عن نفسي مابخت صوري

ومابنصح صديقه لي تختها رغم اقتناعي انو الصورة لو عاديه مافيها شي ...بس نحنا عايشين

في مجتمع بيحكم تصرفاتك ومابتقدر تعمل حاجة وتقول انا شايف انها صحيح والباقي ....في ستين !!

بسمة الحياة كتب:

الاخ المبدع دائما ود الزوحي
فعلا موضوع مهم و منتشر
و زي ما قالو الاعضاء قبلي انو الواحد برضاها على بنات الناس و بتكون غير مقبولة من من اختو او خطيبتو ..الخ

انا في رايي انو الوحدة تخت صورة في الفيس امام ملايين من الناس شي غير لائق و غير مقبول شرعا
واي وحدة خاتا صورة في الفيس ما اتوقع تكون بتعرف الخطورة المترتبة على الفعل ده

لكن لو كانت خاتا صورة في مسنجر او اي مكان يضمن انو ما يشوفها الا احد واثقة منو في دي مافي مشكلة مع انو برضو مافي ضمان لكن برضو احسن من الفيس و على شرط تكون الصورة محترمة طبعا