منتدى أنا سوداني

الامير الحب كتب:

أم تكشو

تتكون من ورق الخضرة المجفف ويضاف له البصل والزيت وقليل من اللوبيا ( طبعا بالاضافة للملح والشطة)

ملاح الانقارا

يتكون من ورق نبات الكركدي بالاضافة للفول السوداني وعطرون ودقيق وهو ملاح لذيذ الطعم

ملاح الكمبو

تحرق سيقان الذرة وعندما تتحول لرماد يؤخذ رمادها ويضاف له لوبيا ولبن

العفوص

وهو عبارة عن سلطة مثل الجرجير يتكون من ورق أشجار التبلدي وتضاف له الدكوة والبصل


سناكيلو


وهو ملاح يتكون من دقيق وسمك جاف ( والله أول مرة أسمع بيهو )

ملاح مطيعينة

ويعمل من اللبن وتضاف له الويكة الجافة

أم دفان

وهو طعام يتكون من دقيق مخلوط باللبن ويدفن تحت النار حتى ينضج

أم شيشة


وهو عصيدة تتكون من دقيق الدخن ويضاف لها السمسم وزيت ولا تحتاج لنار نؤكل هكذا دون قلي (أممممم)


ضوّاك
عصيدة تتكون من ذرة تطحن وتضاف اليها دكوة


أنتقق


وهي وجبة تتكون من حشرات الصراصير نحمر بالزيت وتؤكل كالتسالي


ولدول


هو نبات يقوم في الترع والخيران ويؤخذ ورقه ويضاف له لحم جاف وبصل


قاسيا


نوع من الشجر في ورقه يضاف له الفول السوداني ويضاف أيضا اللحم الجاف

الكراد


نبات من فصيلة الفاصوليا يضاف له لحم وطماطم ويسمى أيضا دونيب



ويرتق



تعمل من بذور نبات الكركدي تبل وتخمر وتضاف لها الويكة وكمبو وبصل

أم حليبين

هي دقيق يخلط باللبن ويعمل قراصة تؤكل باللبن أيضا

سد الحنك

دقيق ذرة أو قمح يغلى في النار و يضاف له السكر

سمرونا

وهي تحلية بعد الوجبات تتكون من دقيق وسكر و سمن وهي مثل البسبوسة

بجبجي

وهو عبارة عن مديدة تصنع من لب حب البطيخ

أم جقوقة

تتكون من السمسم الذي يعصر في العصارة قبل أن يتحول لامباز

وكده حنكتشف حناكيش المنتدى

الغاليهـ بنت الغالي كتب:اولن شي ام تكشو دة ملاح الويكاب

تاني شي الاكلات دي ما سودانية لانو حبوبتي ما حتكون عارفاهن والله
غاااايتوووو
اسماء غريبة شديد
وماتقولو حنكووشة لاني ما حنكوووشة

بطوطة كتب:الله يقصنى اكان سمعت ولا عرفت ولا ضقتا واحدة منهم لكن برضو ما حنكوشة جرب في مجال تاني

أبو صديق كتب:

[overline]أم تكشو بث العرفنها مره واحد من كبوشية جاب لينا منها أيام كنّا عذاااااااااابه زي حلاتك
[/overline]

mon كتب:

والله انا كنتا قايله روحى نجيييييييضه
بس الليلا اتضح انى حنكوشه وحنكوشه شديد لانى ماعرفتا ولااااااااااوحده من القلتهم ديل
الكلام دا والله حبوبه ماعارفاهو
ام تكشو عرفتها

jasmina كتب:

[glow=ffccff]
هسي ياود كبوشية اتحداك اذا ضقت 4 من الاكلات دي

[/glow]

المسيرية كتب:هههههههههههههههههههههههههههههههههههه حناكيش الغرب بالغت انا غير وحدة ولااتنين الاكلتهم تاني لا اسامي زاتا في قاموس العربي مافي

الغاليهـ بنت الغالي كتب:اولن شي ام تكشو دة ملاح الويكاب

تاني شي الاكلات دي ما سودانية لانو حبوبتي ما حتكون عارفاهن والله
غاااايتوووو
اسماء غريبة شديد
وماتقولو حنكووشة لاني ما حنكوووشة

كع كضباً كاضب غاااااااااااغ
يااا حليل ملاح ام تكشو البقي ويكاااااب
قلتي لي حبوبتك مااا عارفاهن
كان كدة حبوبتك ذاتها حنكوشة كااااك

برمة

انت يااا سجم الرمااااد اقعد اكتب في البلاوي
دي لحدي ما توقف ليك قلب حنكووووش
وتعمل ليهو هاااارت في معدتو غاااااااغ

( ود البورت ) كتب:

في اكلات غلبني اقراء ناهيك عن اكلتها ولا لا

the sniper كتب:

ما عرفت غير ام تكشو

الامير الحب كتب:

ابو النسب :
علم بنت الحاجات دي لو ما علمتها مش حيحصل ........؟
وبعدين معاك قصتك شنو مع ناس كبوشيه ديل
اي شئ كبوشيه شنو الحاصل يا ابو النسب
بس ما تخاف عندي فلا في كبوشيه كاتبها بأسم الاموره
كاااااااااااك

[overline]كبوشية الأصالة والحضارة ومصنع الرجال ومهد الجدود ورجاله ما ليها حدود
ونحن ناس الجدزيرة مباشر من الدقش بتنا للتُكل تباشر

لكن لقيتك بُطيني [/overline]