منتدى أنا سوداني

سلام عليكم و رحمة الله تعالى و بركاته

دي اول مشاركة لي...أتمنى تكونو حنان علي هيهيهيهيهيهيهي

الموضوع و ما فيه...اني اتعرفت على انسان محترم جدا...و فاتحني ف موضوع الزواج...و انا وافقت عليه...
اتكلمت مع خواته و اتعرفت على اهله و كدة.

يلا انا عايزة افاتح اهلي ف الموضوع ده ...وما عارفة ابدى كيف بالزبط...خاصة اني اتعرفت عليه عبر منتدى و كدة.

عايزة آراءكم ف الموضوع ده و شكرا مقدما

الدهمشي كتب:

بما انك جديدة هنا اول شى مرحب بيك معانا ف المنتدى السودانى



تانيا ليه انت تكلمى اهلك انا من وجهة نظرى هو يتعرف عليكم و يطلبك من اهلك حتى تكون الامور وااااااااااضحة بالنسه ليهو وبالنسبة لى اهلك والا

تشكرات أخوي الدهمشي
يلا هو الزول ما عندو أي مانع انو يطلبني...بس ع اللأقل انا المفروض أدي أهلي فكرة عن الموضوع ...مش تلوبوك تعالي أخطبني ولا شنو!!

jasmina كتب:

[glow=ffccff]

اعملي جس نبض اول شوفي رايهم شنو في علاقات النت ...وعلى الاساس ده ابدي مهدي للموضوع

يعني اذا كانو موافقين على المبدأ كده الموضوع بقى ساهل وممكن تتكلمي عادي بالعلاقة وابدي بالشخص

الاقرب ليكي فيهم زي اختك اخوكي او خالتك عمتك الخ .....عشان يكون ليكي عون في انو يساعدك في

فتح الموضوع للباقين ومافي عوجة انشاء الله

اما اذا كان عندهم ممانعة حاولي اتناقشي معاهم في الموضوع واقنعيهم بطريقة غير مباشره بس ماتبقى

واضحة وتخليهم يفهمو انك بتلمحي ليكي انتي اتكلمي بشكل عام وبرضو هنا مساعده قريب ليكي مفيده

طبعا انا قصدي بقريب مش من ناحية صلة القربى قصدي اقرب شخص ليكي ويكون في نفس الوقت

محل ثقة عند اهلك ...وبالتوفيق
[/glow]

تسلمي لي ان شاء الله Jasmina
و ان شاء الله بحاول اجس نبضهم ... و نوريكم الحصل

اهلا بيك في اسرتنا واهلا بيك وسط اهلك ياحبيبتي مافي داعي للخوف بما انك متاكده وواثقه منه ومن نفسك اللامور بتكون تمام كل العليك الصبر والمضى خطوة خطوة وتتفاهمي مع اهلك برواقه واوعى تعملي شى من وراهم صحيح قد تكوني اصبحتي تمتلكي قرارك بس هم ربوك وعليكهم حق عليك وشكرا ولو احتجتيني انا في الخدمه

angel100 كتب:سلام عليكم و رحمة الله تعالى و بركاته

دي اول مشاركة لي...أتمنى تكونو حنان علي هيهيهيهيهيهيهي

الموضوع و ما فيه...اني اتعرفت على انسان محترم جدا...و فاتحني ف موضوع الزواج...و انا وافقت عليه...
اتكلمت مع خواته و اتعرفت على اهله و كدة.

يلا انا عايزة افاتح اهلي ف الموضوع ده ...وما عارفة ابدى كيف بالزبط...خاصة اني اتعرفت عليه عبر منتدى و كدة.

عايزة آراءكم ف الموضوع ده و شكرا مقدما

اهلين ومرحبا فيك /بالنسبه لعلاقة النت اقسم بالله كلها كذب حتى لو اتكلمتي مع اهله يمكن يكونو ما اهله ولا ديل اخواته والله لو عايزك خليو يجيك في بيتكم ويطلب ايدك ما بالنت يقول ليك كده شنو ضمانك ليو
لوجابيبيتكم مافيها اي مشكله مالازم تفاتحي اهلك لانو هو جاي معزز مكرم وان شاء الله ما يرفضوه ازا كان كويس(انتبهي لنفسك ياحلوه )

الحلاوية كتب:اهلا بيك في اسرتنا واهلا بيك وسط اهلك ياحبيبتي مافي داعي للخوف بما انك متاكده وواثقه منه ومن نفسك اللامور بتكون تمام كل العليك الصبر والمضى خطوة خطوة وتتفاهمي مع اهلك برواقه واوعى تعملي شى من وراهم صحيح قد تكوني اصبحتي تمتلكي قرارك بس هم ربوك وعليكهم حق عليك وشكرا ولو احتجتيني انا في الخدمه

تسلمي لي اختي .. والله اتو ما بتقصرو تب

بعد الزمن كتب:[align=center]مرحبا

ومبروك مقدما

برمه :
انتى عرفتى اخواتو واهلو وبنفس الطريقة العرفك بيها على ناس بيتهم استخدمها معاهو وعرفيه ع ناس
بيتكم (تكرار ل الطريقة وبث) ............

والله دي العندي[/align][/size]

هاهاهاهاها...تسلم

الهادئه كتب:اهلين ومرحبا فيك /بالنسبه لعلاقة النت اقسم بالله كلها كذب حتى لو اتكلمتي مع اهله يمكن يكونو ما اهله ولا ديل اخواته والله لو عايزك خليو يجيك في بيتكم ويطلب ايدك ما بالنت يقول ليك كده شنو ضمانك ليو
لوجابيبيتكم مافيها اي مشكله مالازم تفاتحي اهلك لانو هو جاي معزز مكرم وان شاء الله ما يرفضوه ازا كان كويس(انتبهي لنفسك ياحلوه )

شكرا ع المشاركة...يلا انا فهمي شنو انو لو هو جة كدة طوالي(توووووشك)...اكيد أول سؤال هيكون بتعرفها من وين!!!!
فطبعا الاجابة هتكون انو والله اتعرفت عليها ف منتدى و كدة...يلا اذا انا ما ناقشت اهلي ف النقطة دي قبل هيتكون صدمة ليهم ...خ خ خ خ
يلا انا كل فهمي انو انا عايزة اشرح الحتة دي لاهلي قبل الزول ده ما يجي عشان الموضوع يمشي ببساطة ليس الا...حكاية انو الزول ممكن ما يكون زي ما هو بقول وانو ديل زاتهم ما اهلو مقدور عليها...اكيد انو اهلي هيسالوا عليه.

و ان شاء الله خير

السلام بتى الفالحه

ازييك اوول شئ

طبعا انتى عارفه النت دا 99% علاقتو ما ناجحه بسبب ولا باخر
المهم اقول ليك اووول سؤال

شفتيهو على الطبيعه وشافك على الطبيعه وقعدتى معاهو ؟؟؟ ما بقول ليك اقعدى معاهو ولا لا
لكن صوره مسنجر ولا كام ما بتدى اى حقيقه

يلا اسالينى انا بسسس واسمعى كلامى

اووووعك تجيبى سيرة النت فى خشمك
ولا نهاائى اهلك ما بوافقو وحتخسريهو نهااائى

الموضوع بسيط
تقولى اخو صاحبتى
وفعلا تصاحبى اختو وتتونسى معاها بالتلفون

جاء مع اختو الجامعه وشافنى وعايزنى
وانا يا اهلى اسالوا منو تماااام واتحققوا ما اكون فيهو عرق كدا ولا كدا
ولا اكون بسكر ولا اكون عاطل ولا اكون بتاع بنقو ولا اكون شغال فى شغل حرام
وجااهز للزواج عندو بيت مؤثث
لو لقوهو كويس

خلاص مبرووووك
والغرض شريف
ما مشكله

السودانى الاصيل كتب:السلام بتى الفالحه

ازييك اوول شئ

طبعا انتى عارفه النت دا 99% علاقتو ما ناجحه بسبب ولا باخر
المهم اقول ليك اووول سؤال

شفتيهو على الطبيعه وشافك على الطبيعه وقعدتى معاهو ؟؟؟ ما بقول ليك اقعدى معاهو ولا لا
لكن صوره مسنجر ولا كام ما بتدى اى حقيقه

يلا اسالينى انا بسسس واسمعى كلامى

اووووعك تجيبى سيرة النت فى خشمك
ولا نهاائى اهلك ما بوافقو وحتخسريهو نهااائى

الموضوع بسيط
تقولى اخو صاحبتى
وفعلا تصاحبى اختو وتتونسى معاها بالتلفون

جاء مع اختو الجامعه وشافنى وعايزنى
وانا يا اهلى اسالوا منو تماااام واتحققوا ما اكون فيهو عرق كدا ولا كدا
ولا اكون بسكر ولا اكون عاطل ولا اكون بتاع بنقو ولا اكون شغال فى شغل حرام
وجااهز للزواج عندو بيت مؤثث
لو لقوهو كويس

خلاص مبرووووك
والغرض شريف
ما مشكله

هاهاهاهاها...قلت لي شنو مجرب
يلا انا ما دايرة ابدى الموضوع بكذبة...بعدين انا ف بلد و هو بلد تاااااني عشان كدة حكاية اشوفو ع الطبيعة دي ماف ليها طريقة خ خ خ خ خ

حاليا انا قاعدة اجس النبض حق موضوع النت و كدة...و نشووووف

تسلم ع المشاركة

angel100 كتب:هاهاهاهاها...قلت لي شنو مجرب
يلا انا ما دايرة ابدى الموضوع بكذبة...بعدين انا ف بلد و هو بلد تاااااني عشان كدة حكاية اشوفو ع الطبيعة دي ماف ليها طريقة خ خ خ خ خ

حاليا انا قاعدة اجس النبض حق موضوع النت و كدة...و نشووووف

تسلم ع المشاركة

لا لا انا اكبر منك
وبعتبرك بنتى ولا اختى الصغيره

الموضوع دا كدا ما ماشى لى قدام

صووورك ما ترسليها ليهو
وكام ما تشغليهو ليهو

امكن احفظ صورك وتختلفوا
كيف تضمنى حذفا ؟؟
والكام بررررضو بتسجل

لا يا بتى
الدنيا كبيييره ما واقفه على شخص واحد
دا موضوع نى

ولا لو رسل ليك صوره مظبطا بالفوتو شوب ؟؟؟؟
قبل 8 سنه

ولا عمروا

اساس الموضوع تتقابلوا على الطبيعه
وتفهميهو تمااام
دا عمر كامل واطفال
وعروووض
ماهو علاقه عابره

انا قلت ليك وانتى اكييييد حره
لو كلامى دا زعلك احسن من اغشك واجاملك
اسمعى كلام الببكيك ما تسمعى كلام البضحكك
نهاية كلامى
بالتوفيق

angel100 كتب:شكرا ع المشاركة...يلا انا فهمي شنو انو لو هو جة كدة طوالي(توووووشك)...اكيد أول سؤال هيكون بتعرفها من وين!!!!
فطبعا الاجابة هتكون انو والله اتعرفت عليها ف منتدى و كدة...يلا اذا انا ما ناقشت اهلي ف النقطة دي قبل هيتكون صدمة ليهم ...خ خ خ خ
يلا انا كل فهمي انو انا عايزة اشرح الحتة دي لاهلي قبل الزول ده ما يجي عشان الموضوع يمشي ببساطة ليس الا...حكاية انو الزول ممكن ما يكون زي ما هو بقول وانو ديل زاتهم ما اهلو مقدور عليها...اكيد انو اهلي هيسالوا عليه.

و ان شاء الله خير

لا لا مالو يعني يسالوه جايي من وين هسي الرجال اللي بيجو يخطبو ديل بيكونو عارفين البنت من اصحاب اصحاب اصحابهم يعني مابيعرفو البت معرفه شخصيه مافيها مشكله (لكن والله من النت جاييي يخطبك امممممممم والله قويه شويه )بس الفكره العايزه اوصلها ليك انو اهمشي يجي ويدق باب بيتكم ما تصدقيو ساي يمكن يكو بنقالي باكستاني صومالي هع هع وبكرر انتبهي على نفسك والله النت ده ما ليو ضمااااااان ابد

الموضوع بالرغم من طرحة فى واحتنا هذه وبالرغم من ان الاخت اختارت ان ترى راينا قبل راي الاهل
الاصل لكن انا شايف من ردود الاخوة والاخوات في المنتدى مدى خوفهم عليك من الفشل !!!!!!!
لكن انا شايف الموضوع ده نهايتو مابعيده
وثاني شيء امكن يكون جدعه من الاخت لمعرفة اراء الاخرين
برضو بقول ليك اعملي حسابك كثير ......
تسلمي من كل شر
وامنياتنا لكي بالتوفيق

ودمسكين

ياهلا ...... انا برضوا جديدة معاكم ومشكلتي زيها ماعايزة ابرر موقفي اتعرفت علي اهلوا وعرفتوا علي عمي واخواني وبقي صديق لي عمي وجاء السودان واتلاقينا مع العلم اني بعرفوا سنة ونص بالنت اتلاقينا كم مرة وماادس عليكم قبل ماالاقيهوا كنت متحمسة للموضوع ومافي زول عارف اني بعرفوا بالنت غير عمي وقلت لي ناس البيت ود عم زميلنا في الجامعة وهو فعلا كذلك صراحة بعد لاقيتوا ماعرفة الحصل شنو والخلاني اغير رائي ايمكن كنت في حلم وصحيت الله اعلم ونرجع ونقول القسمة مامعروفة بس الاكتشفتوا اننوا علاقات النت دي كلام فارغ لانها مابتبين الانسان علي حقيقتوا ابدا