منتدى أنا سوداني

السلام عليكم اخي


والله كلنا صابرييين -كل يوم نناقش ابو العيال على العودة بس يقول رح استخير


يعني الحل عندكم انتم الرجال اكيد لو بقت ثقافة الرجوع للوطن رح نرجع يلة زيعو الثقافة دي ونحن في الانتظار

لك التحية اخي

الدغري كتب:يا خوي الروب كا بتحل كان غنيناها ........


فايتنك بالصبر

وغلبتنا الحيلة


وما عارفين نسوي شنو

بس نحنا خايفنها طول العمر والعمر ما بجي مرتين ..! وداخلين في دوما

صبورة جدا كتب:السلام عليكم اخي


والله كلنا صابرييين -كل يوم نناقش ابو العيال على العودة بس يقول رح استخير


يعني الحل عندكم انتم الرجال اكيد لو بقت ثقافة الرجوع للوطن رح نرجع يلة زيعو الثقافة دي ونحن في الانتظار

لك التحية اخي

وعليكم السلام الاخت صبورة

بس المشكلة الاوضاع في السودان لسة ما مطمئنة وخصوصاً بعد الانفصال وبي صراحة ما ينعي ترجعو وبالذت في اليومين ديل ..
بس والله هنا الغربة حااااااااااار يعني بين نارين وربك اهون

الشمّالي كتب:امك كايدو فقد المنطق
وطش شبكة غاااااااااااغ

يا الشمالي لما تصبح تلغي بنغلي وش قدامك حدي اندهلك يا صديق تلقي هندي وراك تمشي تدقشلك نيبالي وللا تعفص ليك مصري وجنبك فلسطيني وفق ليك يمني وانتا كنتا متعود قوم من الصباح ملاقي الحجة مجهز ليك الشاي وانتا راجع مع ابوك من صلاة الصبح واخوك داير اهرج معاك وشاقلك في كرة امس والصباحي شباب الحلة مستنك عشان تجيب الجريد وتعد في ضل الضحي تتونسو تشربو القوة وووو الخ ..
دا ما شي بجنن ؟

والله يا اخوي الرووب وتاني الرووب

نحن لينا 12 سنه بنقول راجعيين السنه الجايه
والسنه الجايه دي حلفت ما تجي غايتو ربنا يسهل علينا وعليكم ويعدل حال بلدنا ونرجع كلنا

kaydoo كتب:

...
وروني اسوي شنو؟

ام المؤمنين كتب:والله يا اخوي الرووب وتاني الرووب

نحن لينا 12 سنه بنقول راجعيين السنه الجايه
والسنه الجايه دي حلفت ما تجي غايتو ربنا يسهل علينا وعليكم ويعدل حال بلدنا ونرجع كلنا

امييييييييييييين يا رب وارجعكم بالسلامة

فارماس كتب:

سوي ليك كرش واتفنقل علي حمير قفاك واقعد غني

جابوني ليه ليه ظلموني ليه عايزني اعمل ايه هنا

الاغنية دي لو غنيتها لي عمر البشير ورقص فيها بكرة ببقيك وزير

يا زول والله معاك حق وكلنا لمبتنا مولعة وفراملنا مفوتة وقاعدين نعضي بلا شغلة

بس الصبر ثمح

ربك يعين بس يا كايدو

عملنا الكرشة باقي نتفنقل علي الحمير واسي قاعد بحفظ في قبضوني لية

أم عسجد كتب:

الله يرجعكم للوطن سالميييييييين وغانمييييييييييين يارب
الصبر سمح وطالما انتو مسافرين لتحقيق هدف معين حتعودو لوطنكم وود الباديه عندو اغنيه بخصوص الموضوع دا وهى :-
الهدف

موناي ياهدفي تتحقق وارجع للوطن ظافر

كفاي غربة وفراق احباب وراك لي متين انا مسافر

سنين في الغربة متألم اعاني من العذاب الوان

اعيش في الليل بذكراهن وحيد بينن انا الانسان

اشيل الليل ضنى وتفكير وفي بحر اللهموم قرقان

اتوه في ظلمة شارد البال اسافر في الخيال سرحان

واحلم بالهدف مرة اكاد اصحى واطير فرحان

وتصبح شمس يوم باكر اعود لي مرارة الحرمان

صبرت على الهدف سنوات صبر ايوب علي قليل

اشيد في الخيال امال وابني قصور في مجرى السيل

وارجع تاني من اول ابني نفس البنيتو قبيل

وارجع من جديد السيل شديد بالحيل اهد واشيل

اظن يا دنيا بختي قليل وسؤ الحظ قصدني عديل

ومهما تعاكس الايام تجدني تملي جبل الشيل

مهما جنيت علي يا زمان وجارت قسوة الاقدار

عندي إرادة ما بتلين عزيمة قوية بي إصرار

خبرتك يا زمن عشتك عرفتك الي الضعيف قدار

يا ما بكرة تخضع الي وتزرع دربي فل وازهار

ما دام يا هدفي مؤمن بيك اكيد تتجاوب الاقدار

أبو صديق كتب:

[overline]يا أبوي إنت أول جرّب أسكن ليك بلد فيها ناس ساكن لي في سقط لقط كااااااااااااااااك
وبعدين أهم شئ تعمل حاجه سريعه وتتخارج أهللك، يعني بالكتير سنه سنتين وجوازك الشيطان
ما إشوفو لا كفيل لا قنبله غوووووغ..
مش أحسن تقعد تغنّي براااااي سويتا في نفسي وقلبي الحبّ ما واعي..
وفي الآخر كلنا في الهواء ســـــــواء[/overline]

السنتين عدو والحال في حالو ,,, لسة ح اغني برااااي سويتنا في نفسي ,, انا غنيت ظلموني لية جابوني لية انا لية هنا !!!

kaydoo كتب:السنتين عدو والحال في حالو ,,, لسة ح اغني برااااي سويتنا في نفسي ,, انا غنيت ظلموني لية جابوني لية انا لية هنا !!!

هي السودانيه كتب:

وليه دا كلو؟؟ اقطع تذكرتك وتعال في اقرب رحله
والرزق علي الله

لو في حاجة بعد الروووووووب يقولوها
الحقونا بيها
بقينا زي ساقية جحا
من البحر ولي البحر

احمدكزمه كتب:

لو في حاجة بعد الروووووووب يقولوها
الحقونا بيها
بقينا زي ساقية جحا
من البحر ولي البحر

ساقيت جحا ساي هو بس عندنا عندنا سفن اب اديك منو تحل بية الروب حقك

kaydoo كتب:ساقيت جحا ساي هو بس عندنا عندنا سفن اب اديك منو تحل بية الروب حقك

دحين الشي البشبه الاندروس زمان ده ختينا ياهو
كان شربتو ببكيني .. احسن اشوف لي حبة ابوالجبين اسيهو