منتدى أنا سوداني

مرسل: **الاثنين 2011.2.14 3:25 am**

بعد صباح الخير ومساء الورد وظُهر الغد الواقف علي كرعينو
جيتكم مشياً وزحفاً سلحفائياً وابو القدح زاتو

أما بعد :-

بما انو التغيير ساد جميع الامة الانترنيتة فلذالك نطالب بتغيير النظام داخل وخارج الراكوبة او علي مستوي المنتدي الذي بات يستفرق ما بداخلة من متميزات وابداعات متجددة من الاعضاء المخضرمين والمجيدين لفن الكتابة وتشريدهم بعدم الاهتمام الذي يتجاهلة الكثير منا بالاخص الاداريين
الذين لا تجد منهم طرفة عين ولا رمشة رمش ولا حتي نظرة بالعين البايظة .
إنما يجيدون هضم المواضيع من كمونية ومحاشي وام فتفت وكوم ترابات وشرابات وجقروتات لا نفاع منها .
ومن هنا اناشد جميع القوي الراكوبية الاعضائية التي تنتمي الي الحزب الفارماسي للوقوف امام الحزب الكنتوري المنبسق من اللجنة الادارية المنبرشة من عمكم الدكتور صلاح بن يحي بن سليمان وهو كذلك قائد الاسطول الذي بات نائماً غرير العين وترك من ينوب عنه في تلك المهمة التي ليست بسهلة علي من يتولاها وانما يستسهلها حتي تفلتت منه مهنتة وقادت الي اشعال بعض الاحتجاجات من جميع الفئات التي هي ركيزت هذا الصرح .

لا للدكتاتورية ... لا للصهيونية ... لا للأستغلالية ... لا للكمونية

من هنا ندين ونشجب كل من تسولت له نفسة بهضم حقوق المتميزين والبارعين في تجويد الحرف وترويد الكلمة وتنسيق السطر وتنظيم النص الأ تضيع حقوقهم ما بين الكنترول الفلاني والفلتكاني .
زقاق :-

انتو كنترول2 ده اكلو الدودو ولا شنو الزول ده قاعد يحمر لينا ساااي ونحنا نشيل ونلبد منو وهو تاريهو ما جايب لينا خبر منشحط لينا ذي الصنفور
هذه مساحة لكل من ضاع حقة أو تظلم بقصد او من غير قصد
هلمو إلينا بميدان الراكوبة واتركو منازلكم واي واحدة قاعدة تعوس تنفض يدها من العجين وتجر توبها وتجي وما تنسي تعبي معاها طبق كسرة
والكلام ده للضكور أي واحد يجيب معاهو عكاز مضبب وساطور
وسكين وحربة أم المسدسات ما معنا لانو دي مظاهرة سلمية
موقع ميدان الراكوبة :-

بقع شمال شرق الشخص الفي بالك وجنوب سجل احساسك
من الغرب يحدة دكان قدر ظروفك وقريب من الحلة القديمة
و خلف حوش ود ابنعوف

مرسل: **الاثنين 2011.2.14 3:31 am**

لحظه بس اجهز خيمتى و اجى و يا فارو ... اها ف سجاير هناك ولا اجيب معاى

تعريجه :-

دى قووووووووووووووووووويه دى ... نجهز سفنجاتنا و بقجتنا و حنتطرد يا اخوى

مرسل: **الاثنين 2011.2.14 3:42 am**

بكوري يا فردة تعال ساي يا اخوي السجاير عندي بالكراتين بس الخيمة ضرورية

البطردنا منو علي بالايمان والرحمن البمد اصبعو الا نكسرو ليه

انت طبعاً بتكون عندك الخبرة وكدة لانو كنت معسكر مع الجماعة

مرسل: **الاثنين 2011.2.14 8:29 am**

عندك صعووووط غااااااااغ
معليش ما بسف كااااااااااك
انا جدة دي عارفها , اها ياااا خوي
كرنتينة ولا كليلو غااااااااااغ

برمة

بس حقيقي المبدعون فعلا يحتاجون
الي دفعة معنوية وهناك بعض التقصير

بالجنبة

اها انا عندي شِبعة وعكازي مِرق
اطبهم واجي عليكم غااااااااااااغ
قلت مسدسات نهي وبرضو تقول
سلمية , الله يستر من الكرت الاحمر
وتحميرة العين غوووووغ
سنة يااا ميسي كااااااااااااك

مرسل: **الاثنين 2011.2.14 9:20 am**

ههههههههههههههههه
ونحن البنات تقعد بي وين؟؟

مرسل: **الاثنين 2011.2.14 9:36 am**

ايوة يافارماس ليك كل الحق مع اني في بعض الكلام خش في بعضو عندي
لكن انا جاية عشان ارتاح من العواسة والطبيخ

.. حاتصل على راجلي اقول ليهو من المطعم على ميدان الراكوبة طوالي الليلة مافي حاجة عاملينها....

يارب يارب يارب يارب
المظاهرة دي تقعد شهر كامل عشان نرطب

مرسل: **الاثنين 2011.2.14 11:28 am**

دلوعة البلد كتب:ايوة يافارماس ليك كل الحق مع اني في بعض الكلام خش في بعضو عندي
لكن انا جاية عشان ارتاح من العواسة والطبيخ .. حاتصل على راجلي اقول ليهو من المطعم على ميدان الراكوبة طوالي الليلة مافي حاجة عاملينها....

يارب يارب يارب يارب
المظاهرة دي تقعد شهر كامل عشان نرطب

ترطبى من شنوووووووو يا دلوعة

بس ما يكون من الطبيييييييخ

يا ايها الفار الماسى

سيروا وعين الله ترعاكم وقلبكم مع المتظاهريييييييين

مرسل: **الاثنين 2011.2.14 12:01 pm**

الروااكيب يريدون ارجاع المهضوووم

مرسل: **الاثنين 2011.2.14 1:08 pm**

[align=center]نكبرها ونمشي الميدان وانا بشتغل ليكم عضلات

برمه :
اجهز الشيشية والمعسل والجراك والطربوش والفحم

والكشتينة والبرش والكراس وقلم الرصاص وابقى مارق
وعطالة ل رب السماء

برمه :
اها المطالب شنوووووو ..........؟؟؟
تغيير ولا فسح ولا تعديل

نحو الحرية حتى الموت

[/color][/font][/align][/size]

مرسل: **الاثنين 2011.2.14 1:13 pm**

[align=center]الحملة الاعلامية ل تغيطة المظاهرات :

[/align][/size]

مرسل: **الاثنين 2011.2.14 3:14 pm**

أجيب ده معاي يا الفـــــار وألا ممنوع

مرسل: **الثلاثاء 2011.2.15 2:09 am**

[grade="00008b ff6347 008000 4b0082"]امممممم ,,,

ما عايزين ليكم بلطجية !!؟

أخير ليكم ,, قبل ما يشترينا الجانب التاني ,,,
وتلقوا نفسكم ما بين حذف وحظر .. ومواضيعكم في تشتيت ,,

حاكم في المواقف الذي دي الأنظمة المنتداتية بتستعين بخبرات المحترفين الزينا " مشرفين سابقين "

اها .. معاكم ولا مع الخيانة !!؟[/grade]

مرسل: **الثلاثاء 2011.2.15 8:51 am**

قالو حموها الحوامة باتت برهـ ,!!!

فارو ... الكنترول قفل منو ( دولة الشمار )

عمل مظاهرات احتجاجية فى ( دولة الراكوبة ) المنفصلة حديثاً

عن شقيقتها دولة ,, ( النكات والفكاهة )

وبعد اصدار البيان التالى :-

لقد قررت انا مندون المفاوضات عن دولة الركوبة ,, ان اصحب معى

دكتور إبراهيم خليل ,, اذا امكن ذلك ,, وارجو من الفصائل المحتجة

ان لا تصفنا بالخونا وعملاء لاسرائيل ,,

شفتو كيف ,,

والله يا سنبله شكلك خرمتى خريمة شينه كلو كلو ...؟؟

مرسل: **الأربعاء 2011.2.16 12:15 am**

الشمّالي كتب:عندك صعووووط غااااااااغ
معليش ما بسف كااااااااااك
انا جدة دي عارفها , اها ياااا خوي
كرنتينة ولا كليلو غااااااااااغ

برمة

بس حقيقي المبدعون فعلا يحتاجون
الي دفعة معنوية وهناك بعض التقصير

بالجنبة

اها انا عندي شِبعة وعكازي مِرق
اطبهم واجي عليكم غااااااااااااغ
قلت مسدسات نهي وبرضو تقول
سلمية , الله يستر من الكرت الاحمر
وتحميرة العين غوووووغ
سنة يااا ميسي كااااااااااااك

اي حاجة في حتي العرقي عندنا واحدة خبيرة في الصنع

تلقانا معسكرين في الكرنتينة + السوق الشعبي بكيلو 8 طبعاً كيلو 8 ده كلو ستات شاي

زقاق :-

التقصير من الادارة ولا من الاعضاء ؟؟

إذا كان من الادارة يتوجب عليها ان تعدل بعض المواد والبنود

وإذا كان من الاعضاء فيجب عليهم معاقبة انفسهم التي سمحت بذلك وكل واحد يدي نفسو شلوت

برمة :-

ضبب شِعبتك وشيل سفروقك وتعال ولو لقيت ليك حجرين في الشارع جيبهم معاك

الكرت الاحمر أخدوه ناس قبلنا ما مشكلة ناخدو من وارهم عادي

مرسل: **الأربعاء 2011.2.16 12:20 am**

الغاليهـ بنت الغالي كتب:ههههههههههههههههه
ونحن البنات تقعد بي وين؟؟

انتن اقعدن جوة حوش ود ابنعوف عالجن الجرحي والمصابين

مرسل: **الأربعاء 2011.2.16 12:32 am**

دلوعة البلد كتب:ايوة يافارماس ليك كل الحق مع اني في بعض الكلام خش في بعضو عندي
لكن انا جاية عشان ارتاح من العواسة والطبيخ .. حاتصل على راجلي اقول ليهو من المطعم على ميدان الراكوبة طوالي الليلة مافي حاجة عاملينها....

يارب يارب يارب يارب
المظاهرة دي تقعد شهر كامل عشان نرطب

ههههههههههههه

الكلام الخش في بعضو اعملي ليه فرز ما يعمل لينا حادث

انتي هاربة من العواسة ونحنا هاربين من الكسرة الكل يوم دي

المظاهرة مستمرة لمدة اسبوعين لو ما يجونا ناس الدفاع المدني يطفونا

مرسل: **الأربعاء 2011.2.16 12:38 am**

ذات الشجون كتب:
ترطبى من شنوووووووو يا دلوعة

بس ما يكون من الطبيييييييخ

يا ايها الفار الماسى

سيروا وعين الله ترعاكم وقلبكم مع المتظاهريييييييين

زاط السجون

سير سير يا بشكير نحنا جنودك للتدمير

ما يقوم ينط لينا كوز ويقول لينا الكلام ده حرام شرعاً لأنو الايام دي الشريعة حايمة

مرسل: **الأربعاء 2011.2.16 12:43 am**

بسمة الحياة كتب:
الروااكيب يريدون ارجاع المهضوووم

لا الرواكيب يريدون نصرة المظلوم

من قال لا تعليق حفظ نفسو من ناس الكشة

مرسل: **الأربعاء 2011.2.16 12:49 am**

الفار مشتاقين

قلت لي مظاهرات

أحا أحا يلا إتنحا

هي أنا ما معاكم

مرسل: **الأربعاء 2011.2.16 12:55 am**

بعد الزمن كتب:
[align=center]نكبرها ونمشي الميدان وانا بشتغل ليكم عضلات

برمه :
اجهز الشيشية والمعسل والجراك والطربوش والفحم

والكشتينة والبرش والكراس وقلم الرصاص وابقى مارق
وعطالة ل رب السماء

برمه :
اها المطالب شنوووووو ..........؟؟؟
تغيير ولا فسح ولا تعديل

نحو الحرية حتى الموت
[/color][/font][/align][/size]

ههههههههههههههه

اها يا جون سينا اشتغل عضلات ومعافرة لمن يجي فينا صاروخ ارضي جو يخلي عضامنا راقدة

قرقوش

جيب الشيشة وكم قندول بنقو عشان لو حصل هجوم نغطي الناس بالدخان و يقولو فجرو نفسهم

زقاق :-

مطلوب رجال نفايات وسيارات لنقل الكمونية

منتدى أنا سوداني

بيان هام في ميدان الراكوبة

بيان هام في ميدان الراكوبة

رد: بيان هام في ميدان الراكوبة

رد: بيان هام في ميدان الراكوبة

رد: بيان هام في ميدان الراكوبة

رد: بيان هام في ميدان الراكوبة

رد: بيان هام في ميدان الراكوبة

رد: بيان هام في ميدان الراكوبة

رد: بيان هام في ميدان الراكوبة

رد: بيان هام في ميدان الراكوبة

رد: بيان هام في ميدان الراكوبة

رد: بيان هام في ميدان الراكوبة

رد: بيان هام في ميدان الراكوبة

رد: بيان هام في ميدان الراكوبة

رد: بيان هام في ميدان الراكوبة

رد: بيان هام في ميدان الراكوبة

رد: بيان هام في ميدان الراكوبة

رد: بيان هام في ميدان الراكوبة

رد: بيان هام في ميدان الراكوبة

رد: بيان هام في ميدان الراكوبة

رد: بيان هام في ميدان الراكوبة