منتدى أنا سوداني

نهر المحبه كتب:

الغاليه ام صبا...
ابداع كالعاده...وخليك دائما معانا...
واحنا بنكون معاك وفي انتظار انك تروي ظمأنا بجمال كلماتك

أبو صديق كتب:[overline]دائما معاي
وااا حسرة الحروف الجفّت جوايّ
دائما معاي
لقليباً ولوف ضاميّ جروح أساي

الرائعه دوما أم صبـــا
لا تحرمينا دهشة حروفك
ونتلهف للمزيد..[/overline]

عطر الورد كتب:وانتى معانا بالكلمات الجميله والرائعه
يا ام صبا يارائعه

لبيب كتب:

كل الوفاء والإخلاص والإبداع


لكم التحية أستاذتنا أم صبا

خالد يوسف عبد الله كتب:

كلماتك الأنيقة المرهفة
أثارت فيا شجوناً كنت أكتمها عفا
وأذكر وادي النيل هيمانا

كلماتك تنم عن شاعرية في حالة تأهب قصوى للإنفجار

طلال الحكيم كتب:[align=center]دايما ً معاي

زي أنفاسي

زي دقات قلبي في جواي

دايما معاي

ودايما ً معاك بلقى السعد في دنياي

وأنا في رجاك

مهما يطول في الدروب ممشاي

وبستناك

لأني معاك وإنت معاي

زي دقات قلبي في جواي

وزي جريان دمي في جسمي

وزي الرؤية لعيناي

يا حبيب عمري

أنا في قلبك

وإنت في قلبي

ببقى معاك

وأنت معاي[/align][/b][/color]

ام صبا كتب:

وعشانك انت يا المحبوب
وعشان حبك من نبع صافى
بدسك فى مسام الروح
ويلامسك انت احساسى
وتفضل دوام جنبى
وقربك بيزيل همى
ويوم القاك يالمحبوب
اكون حققت احلامى
وده يوم لقياك يا املى
صبرت كتير عشان القاك
وعصرت الآهه فى حبك
حنين مشتاق
وحب من الاعماق
عشان القاك وتلقانى
وتفضل دوام جنبى
وتبقى معاي
وزيك جد ياروح الروح
فى الوجود مافي

طلال الحكيم كتب:

[align=center]
وشايلك نجمة في قلبي

وشايل حبك على أكتافي

أسافر في سنين حبك

وأنت دليل وعرّاف ِ

أشوف لمعك

وأمشي وراك

وقلبي يسوقني لدنياك

ويبقى لجميل محياك

حكاي ووصاف ِ

قلبي العليك بيسأل

والعليك شفقان وخواف ِ

شايل ديمة نار الشوق

وشايل جرحو نزاف ِ

ولو جاب النسيم عطرك

بيطلع بره الضلوع حافي

معاك لا بيعرف يتصبر

بس بيعرف الخفقان

ومن عينيك رجاف ِ

وزي ما قلتي يا السمحة

( زينا وين ؟ )

أبدا ً زينا في الوجود

مافي

[/b][/color][/font][/size][/align]

ام صبا كتب:

مهما تبعدك ايام
حبك انت في جواي
وطيفك كل لحظه معاي
وقلبي اليك دوام وافي
زرعت الريده فى قلبي
واهديتك جمال حبي
وسقيتك من نبع صافي
وكيف بس بلاك يكون الريد
وكيفن افرح وانت بعيد
واحلى من حبى ياجميل مافي

طلال الحكيم كتب:[align=center]تفوت الروح

وتسلم لي إنت يا الصافي

وليك يشيلني الشوق

وأحلق فوق

وأدق باب قلبك الوافي

وتفتح لي وتقابلني ببسمة

ومحنـَّة حضنك الدافي

وأبقى معاك

وتبقى معاي

وزينا في الوجود

مافي[/align][/b][/size]