منتدى أنا سوداني

ازيكم كيفنكم ياناس المنتدى ويارب تكونوا بخير وصحه وعافيه وجيوبكم مليانه

لانه نحن اليوم عاوزين نعمل عمل خير بما انه مرسال الشوق قال عاوز يمشى السودان وبيفتش على بت الحلال عشان يتزوج بس قروشه ناقصه وماقادر يتمها والشغل فى الكارو ما تم ليه الناقض من القروش والعيد قرب انا بدعوكم لعمل الخير تعالوا نعمل ليه كشف

((من فرج عن مؤمن كربه فرج الله عليه كرب من كرب يوم القيام ))


اة تعالوا نبدا ونشوف منه اول المتبرعين فى الكشف

عاشقة النيل كتب:

ايوووووووووووويييييييييي ييييييييييووووووووووووووي
من هسي الفنان والفرقة الموسيقية علي

النقناق كتب:هووي يامودة الجني ام رويس فكرو كبير
انتي كان عايزة تعملي فيو خير شوفي لي
بت مغتربين من هنا .. اقامة سارية المفعول

النقناق كتب:

في واحد صاحبنا قرر يتزوج وبالتحديد حاجة جاهزة من هنا ، اخونا ركب راسو وقال بلا
استقدام بلا تعب ، انا شايف لي انو لو اتزوجت بت مغتربين حارتاح من حياة العزابة
والبهدلة والجري في المطاعم والوجبات السريعة الشي التاني تكون معاي وقريبة
مني ، زولك فتش جاي وجاي لقي ليو بت مغتربين وطوالي اتقدم وبعد شهر عمل العرس
وزلك عايش في احلام القفص الذهبي وشهر العسل ومبسوط تب .
وانتهي شهر العسل ونزل الشغل وجاء البيت مع نهاية الدوام ويمني نفسو باكلة شهية
الا جاء الوضع تاني البت نايمة والريموت في يدها ، قال ما معقول اصحيه من النوم
امش اجيب غدا من المطعم اخونا جاب الاكل ولسه الزولة نايمة انتظر شويه وصحت
من النوم ولقت الاكل جاهز واتغدت تمام واخينا ما سالها ولا فتح موضوع بخصوص الطبيخ
قال ليها عايزين شاي لوسمحتي ممكن ؟ قالت : والله انا مصدعة مرررة تري معليش
زولك ظبط الشاي وشرب وراح الشغل ، تاني يوم اتصل عليها من بدري وهو في الدوام
عشان ينبهها لموضوع العضة ، ردت عليو وهي صاحية من النوم ، جيب معاك كبسة وبطاطس
لاتنسي هااا ، المهم الزول رجع البيت وجاب معه الغداء ، وفاتحا في موضوع الطبخ والاكل
وانو دي مسئولية المراة وانو لازم تتعود تطبخ ، وكان ردها : بس انا ما اعرف اطبخ ماما
هي اللي تطبخ لنا وانا عمري ما دخلت المطبخ .
زولك مرت عليو شهور بالحالة دي وكره العيشة وقال ياريتني كنت عزابي
المهم صاحبنا قرر انو يمشي يزور السودان في اجازة الصيف والا ان الزوجة بدات
تتزمر وقالت بغنج ،، ايش ايش السودان انا ما اروح السودان رح بنفسك !!
سالها عن السبب ، قالت ، هناك الجو مررة حر ولا في مكيفات ولاشي والكهرباء اسمع
يقولو بتقطع والغبار والحر وبعدين تري ماني قادرة علي الحر وبشرتي ما تحتمل ؟
الشي التاني الامراض لافي الهلال الاحمر وفي سوء تغذية وانا مش متعودة علي الاكل
يسبب لي اضطرابات هناك لافي البيك ولا كنتاكي ولا ماكدونلدز .
غير كده المويه هناك مش صحية ومااقدر اشرب موية البزبوز ،
اخينا فلس تب وغلبتو الحيلة معاها ، واحتار وحير دليلو ،، وسابها وراح السودان
وهي قعدت مع اهلها لمن يرجع من هناك .

مرسال الشوق كتب:

براهووووو العمله في نفسو
مالو مغبي ماعارف عنها اي
حاجة توووووش عرسها كدا وخلااص
بدون مايتعرفو علي بعض وكل انسان يفهم
الاخر ومدي اخلاصو للاخر
افتكر صاحبك دا زواجو زواج مصلحة من طرف واحد لكن
طلعت المصلحة مصحة
ودا كلو يرجع لعدم التخطيط الحسن
وافتكر زواجو دا فاشل لدرجة قف استوعب

الشمّالي كتب:خمسة جنيه ونص مني انا

وسفنجة وشِدة وعراقي وسروال
وسديري سربادوق غااااااغ

مباااااالغة
غااااااااااغ

هووووووووووى يالشمّالى خمسه ونص شنوزول متعشم فيك تدفع اكتر من كدة

القلب الملك كتب:

تامري انت ومرسال الشوق


أنا مستعد ،،، الختة كم

مشكور ما بتقصر كم دة كل زول على حسب ظروفه تعال راجع ورينا هاتدفع كم

أبو صديق كتب:

يازول ما تركز ليك فوق راي واحد
والعريس ظاااطو ما موافق
علي الطراق حيرتونا عديل كدا..

علي الطراااخ انا وافق يتزوج من هنا حايرتاح من عيشة العزابة وميز العدس
الا بس الجني دا بيرجع لاهلو ابيض (علي الحديدة) .
ويبقي جاهز للسلفيات وياود النعيم انت ياكا زول الحارة البتسد ا وتقدها .

مرسال الشوق كتب:

الظاهر عليك شغالة في
سلاح الموسيقي
كاش نحن عاوزين كاش

النقناق كتب:هووي يامودة الجني ام رويس فكرو كبير
انتي كان عايزة تعملي فيو خير شوفي لي
بت مغتربين من هنا .. اقامة سارية المفعول

لو عاوزة اعمل فيه خير اشوف ليك انت عروس دة كلام شنو ما فهمتك

محمد نعيم كتب:

هع

ولا يهمك نحن جاهزين بس يورينا الناقص ليهو شنو؟

كع

خلاص انت عليك العشاة

أبو صديق كتب:

هوووي يا أم موده البقول ميروود بربطولو كراعو
كان علي الكشف هيّن المصيبه البنات كلهن إستايل وقالو
سواق كارو أووووه نو وستين نو كمان
خلاص أحجزي ليهو موده والباقي عليّ أنا براااي
وبجيهو ليك تب
أها رايك شنو يا مريسيل أخوي ..

سووواااااق كاااارو وحمارها معكي

غاااااااااااااااااغ

ام مودة كتب:هووووووووووى يالشمّالى خمسه ونص شنوزول متعشم فيك تدفع اكتر من كدة

ام مودة الجنا بلف وبرجع لي انا عارفو
والمريسيل ده سيك سيك معلق فيني عارفو
وفي النهاية الشنطة والمهر كلو علي

غاااااغ

بس المشكلة وين العروووووس ؟

كاااااااااك

ام مودة كتب:لو عاوزة اعمل فيه خير اشوف ليك انت عروس دة كلام شنو ما فهمتك

ما فهمتيني طيب خلي الجني ابو رويس سيد الكارو يترجم لك
ياووووووو النعيم ... عوووووك



شترة : ابو مودة الليلة ما جا الزاق في جدة الليلة ما جا يالله تجيبو ليا