منتدى أنا سوداني

احباب انا سوداني زوار واعضاء ورؤساء


لكم التحيه والاحترام
اهنئكم بحلول رمضان الكريم
وتصومو وتفطرو علي خير
حبيت ان ادعي كل احباب انا سوداني الذين يمكنهم الوصول
الينا بالمملكة العربيه السعوديه بالرياض
مدعون الي ختام الشهر الكريم بيننا لو ماعندكم مانع
واتمني ان تزورونا في خيمة دار جعل
بحي العنوز الخالديه شارع الاربعين
شارع مستوصف الصناعيه الاهلي
ولكم كل الود
والقراريص راقده هبطرش
والتقليه ما تديك الدرب
والعجب الحلو مر
والله اسمو حلو ومر عجيب الاسم
الطعم هو الاروع
اها ماتنسونا 0564477552
أمين كمال الدين الولي
تحياتـــــــــــــي
ودكبوشيــــــــه

ذكرى الجراح كتب:

وإنت بخير يا أمين
دعوه جميله منك تدل على كرمك وطيبة أصلك
بتمنى ليكم كعده حلوه وربنا يسهله عليكم

يديك العافيه ذكري الجراح :
طبعآ حنكون فاقدنك يالغلا
بتمني تكوني معانا والمكان كيفن يحلو دونك
دمتي بود اختي

ياريت لو كنا في الرياض ياود كبوشية كنا جيناكم وفطرنا معاكم ، وياريت اولاد جعل يعملوا لينا خيمة في الدمام أصلهم هنا في كجار ، ربنا يوفقكم وماتنسونا من صالح الدعاء .

حاتم عكريب كتب:ياريت لو كنا في الرياض ياود كبوشية كنا جيناكم وفطرنا معاكم ، وياريت اولاد جعل يعملوا لينا خيمة في الدمام أصلهم هنا في كجار ، ربنا يوفقكم وماتنسونا من صالح الدعاء .

ارائع حاتم عكريب :
لك التحيه والاحترام
ورمضان كريم وتصومو وتفطرو علي خير

احمد المصطفى كتب:يا ود كبوشيه الرياض بلد العمارات والأبراج تدعونا
فى راكوبه(ما تشكر لى الراكوبه فى الشكشاكه)
الرياض بلد البروست والبيرغر والعصيرات
تدعونا للقراصه والحلو مر (آبرى كولا)
بس نسيت ما قدمت الصعوط بدل السجاير
بصرااااحه عزومه مهببه
أخوك المشرد شبابه بين جده وأم بده

احمد المصطفي :
انت عارف نحن ناقصين حاجات السودان
وكمان اشتريت لي زير وبقيل كمان تحت النقاع
وبترشرش بي موية النقاع يا مان
ياخي الناس كلها انشاء الله بتجي امنت قول خير
تسلم علي المرور

وين الناس رمضان التاني جا

امير الحسن ,, رمضان كريم ,, كل سنة وانت طيب ..,,,

الامير الحب كتب:

رمضان كريم ورمضان التاني جا
وحابي اعمل لي قعده عندي في البيت من يستطيع
ان يزورنا كتر الله خيرو
ومن لا يسعه الوقت فالدعاء الحقونا

اعضاء انا سوداني بالرياض
كل عام وانتم بخير وتصومو وتفطرو علي الف خير
وكل عام وانت العام القادم باذن الله
كونو بخير
وترقبو الاعلان الجاي
فتكم بعافيه
عشان الناس ما تزعلل كل اعضاء انا سوداني خارج وداخل ارض الوطن الحبيب
ترقبو الاعلان في الايام القادمه اها رايكم شنو
كل الود
ودكبوشيــه

رمضان كريم ياجعليييييييييين