صفحة 1 من 7
المتجرسون الآن
مرسل: الأربعاء 2010.8.11 12:30 pm
بواسطة محمد نعيم
[align=right]في ناس بتتجرس من رمضان بطريقة خيالية متل نعيم جرسة .
قبل كم يوم عندنا واحد جاهو رعاف وقال الرعاف دا بمرقو من رمضان
وناس عايزة تسافر
وناس بتدعي المرض
فديل كلهم نسميهم المتجرسون الان
واي واحد متجرس يجينا بي جاي
ولو عارف ليهو واحد متجرس برضو يبجينا بي جاي[/align]
[foq1]
ملاحظة هذا العنوان لقيتو في منتدى اخر وعجبني
[/foq1]
رد: المتجرسون الآن
مرسل: الأربعاء 2010.8.11 3:16 pm
بواسطة الأميرالحب
محمدنعيم:
انت والله شكلك متجرس شديد
غايتوانا زمااااااااااااااااان بذكر حاج هناي داك
لمن يجي رمضان
امراض الدنيا كلها تلاقاها معاهو
مره كده عمنا قاليهو انت رمضان دا
لو ما قادر عليه ما تخسر اولادك فلوسفي المستشفيات ديل
رد: المتجرسون الآن
مرسل: الأربعاء 2010.8.11 9:40 pm
بواسطة بعد الزمن
انا لما كنت شافع بلعتى صابونة قايلها شكولاته
ولما اجوع بشعر بحالة حمارية واقعد ارفس فى الابواب
والحيطاااااااااان علاجها الوحيد ام تكلوا كل ربع ساعة
يعنى مرض ساري المفعول لا يتوقف ولا ثانية على مدار العام
خخخخخخخخخخخخخخخخ
فكرة سمحة شديد
وكل رمضان وانتم من عواده
رد: المتجرسون الآن
مرسل: الأربعاء 2010.8.11 9:52 pm
بواسطة ميرة
ود نعيم رمضان كريم
من ناحية الجرسة دي موجودة بي كثرة
وكل دقيقة الواحد اعاين للساعة قرب اجيو هبوط
وناس البيت اقولو ليك الصيام دة قناعة اصبر
المهم اليوم دة عدي علي خير مامعروف الباقي كيف
لو سخن طوالي انا عيانة وعاملة عملية ازله مرارة هههههههه
من دون جرسة حقيقي رمضان جميل
وكل سنة وانتو طبيبن وتصمو وتفطرو علي خير
رد: المتجرسون الآن
مرسل: الأربعاء 2010.8.11 9:55 pm
بواسطة محمد نعيم
كل عام وانتم بخير
رمضان كريم
المتجرسون ظهروووووووووا
رد: المتجرسون الآن
مرسل: الأربعاء 2010.8.11 10:00 pm
بواسطة jasmina
[grade="ff0000 ff1493 ffa500 4b0082 4169e1"]
هههههههههههههه
بمناسبه الاجانب دي ...والله صعبه خلاص
صحيح هم بيعملو فيها مراعين شعورك وكده وياكلو ويشربو في غرفه الاجتماعات
ولا في الكفتيريا بس والله ريحه النسكافيه والاكل تجيك في مكتبك
[/grade]
رد: المتجرسون الآن
مرسل: الخميس 2010.8.12 9:23 am
بواسطة سمارا
عمو نعيم رمضان كريم وعساك بخير وصحه وعافيه
انا من اول اليوم الصباح جيعانه وجرسه الف الصراحه لكن خلاس هانت
باقى 28 يوم بث 
رد: المتجرسون الآن
مرسل: الخميس 2010.8.12 12:17 pm
بواسطة مرسال الشوق
الغالي اوووووي محمد نعيم.....
تحية وتقدير ليك ورمضان كريم وتصوموا وتفطروا علي خير
البوست بتاعك دا شكلك كدا والله اعلم انت قاصدني عديييل لاني انا في رمضان بكون في حالة يرسي عليها والساعة اطناشر بكون في حالة طشاش الله لا وراك ليها واقعد اتكل بالحيط وعرقي صابي شوووووووو
ولساني مارق برررره شبر ونص وكان ماجقيمات الوضوء ديل كان رحنا فيها وبكون في حالة زهج شديد وكل شئ قدامي بشوفو اكل او مويه وبعد دا كلو انا متصبر واحسن حال من جماعة معانا كدا وساكنين معاي في السكن ديل الواحد لوجات غيمة ساكت وسمع اذان العصر يفطر ويقول ليك عجلو الفطور وسحورو الساعة تمانية صباحا قبل مايطلع من الغرفة ويقفل الشبابيك كويس عشان الشمس ماتدخل عليه ويتسحر علي ظلام الغرفة ويطلع لي شغله وتكون كرشتو متنبلة قدامو ومعباة بكل مالذ وطاب من الماكولات والمشروبات اها ذي ديل نسمي صيامهم صيام الضب البلقاهو كلو جب ...
ومن طرف رمضان الحلوة ....
عندنا مراة كبيرة في السن صايمة وكانت هنالك غيمة كبيرة تحجب الشمس لدرجة الظلام وهنا اذن اذان العصر فقامت هذه المراة بالشراب والاكل علي طول وهي مفتكرة انو هذا الاذان اذان المغرب وعندما دخل عليها ولدها ووجدها تفطر قال ليها يايمة الشئ دا اذان العصر مو اذان المغرب كدا عليك قضاء وكفارة ... فهنا قالت له لاقضاء لاكفارة البلح في واللآبري في ....
رد: المتجرسون الآن
مرسل: الخميس 2010.8.12 12:25 pm
بواسطة محمد نعيم
مرسال الشوق كتب:
وعرقي صابي شوووووووو
....
رمضان كريم وكل عام وانت بخير
ياخوي الساعة اطناشر ولسا عندك عرق؟
شكلك جالدو تب
رد: المتجرسون الآن
مرسل: الخميس 2010.8.12 12:37 pm
بواسطة مرسال الشوق
محمد نعيم كتب:رمضان كريم وكل عام وانت بخير
ياخوي الساعة اطناشر ولسا عندك عرق؟
شكلك جالدو تب
الله اكرم ....
ياخوي تعال هنا انت زينا نحن شغالين من الساعة ثمانية صباحا وانت متسحر الساعة ثمانية صباحا
وانا في الدمام رطوبة تفقدك الذاكرة عدييييل وانت ضارب المكيفات الله قال واحد
عاد صيامك انت والكاشف اخوي صيام الثعالب ( لو لقيتو ليكم فرخة مطرفة ساااكت بلعت )
رد: المتجرسون الآن
مرسل: الخميس 2010.8.12 12:44 pm
بواسطة محمد نعيم
مرسال الشوق كتب:الله اكرم ....
ياخوي تعال هنا انت زينا نحن شغالين من الساعة ثمانية صباحا وانت متسحر الساعة ثمانية صباحا
وانا في الدمام رطوبة تفقدك الذاكرة عدييييل وانت ضارب المكيفات الله قال واحد
عاد صيامك انت والكاشف اخوي صيام الثعالب ( لو لقيتو ليكم فرخة مطرفة ساااكت بلعت )
فعلاً يا اخوي نحن ما زييك انت ركبت الطيارة ونحن لسا ما ضقناها فرق كبير
رد: المتجرسون الآن
مرسل: الخميس 2010.8.12 12:56 pm
بواسطة الشمالي
ســــــــــــــــــــــــــــنة يالبلابــــــــــــــــــــــــــــــــــــل
جينا للجرسة , بس الواحد ما يغيب ليهو يوم ولا كيف
هسع امانة تقلم فقرتك الدخل الجريش في الحياة الزوجية
شنو ؟ اقصد الدخل الرعااااف في الصيام شنو ! كان ما جرسة
منك ساااااكت علي العموم ,بركة الجات منك وانا بعرف واحد
معانا في المنتدي حرفو الاول (محمد نعيم ) مجرس جنس
جرسة ظهرت فيهو قبال رمضان بشهر , وقبل رمضان بستة
شهور جاب لينا تقويم رمضان في المنتدي ,تبقي علي رمضان
ستة شهور , تبقي علي رمضان ستة شهور الا ساعتين هسع
دي ما جرسة ساااكت , وقدر ما يلقي ليهو واحد فاتح ليهو
بوست يلطشو منو ويعمل ليك النعيم جرسة , وام النعيم جرسة
المسكينة دخلها سااااكت بدون ذنب وجرسة منو بس , وحبوبة
النعيم جرسة ومنو كده ما عارف جرسة بالعربي المفتشي
بتصرف كلمة جرسة 32الف واربعمايئة وخمسة عشر مرة
في الساعة ونص هسة دي ام الجرسة بنفسها ,الواحد كان
لقي ليهو حيطة ساااكت يشيل طبشيرتو ويمشي يكتب عليها
جرسة ,
وبرضو واحد معاي في السكن قال لي العيد جانا لبرودا
لكن رمضااان ده ما مشكلة وبنجهجهو سفر سااااااكت وهسع
الزوووول ده في الدماااااام . مخير الله
كاااااااااااااك
رد: المتجرسون الآن
مرسل: الخميس 2010.8.12 1:07 pm
بواسطة محمد نعيم
الشمالي يا اخوي هو المتجرس منو غيرك ؟.
ما تخلينا نقوم نحتو قرض هنا
انا متابعك وعارف كل حاجة
رد: المتجرسون الآن
مرسل: الخميس 2010.8.12 1:09 pm
بواسطة محمد نعيم
وانت يا الشمالي الجرسة عملت ليها قهوة وعرس ولقيمات وشعيرية
الكلام دا من زمان وين بس قرَّب رمضان وجيت تجيب في سيرة الاكل
رد: المتجرسون الآن
مرسل: الخميس 2010.8.12 1:12 pm
بواسطة محمد نعيم
سمارا كتب:
عمو نعيم رمضان كريم وعساك بخير وصحه وعافيه
انا من اول اليوم الصباح جيعانه وجرسه الف الصراحه لكن خلاس هانت
باقى 28 يوم بث
رمضان كريم وكل عام وانتي بخير
28 يوم بس؟
قرب وما تشيلي هم
رد: المتجرسون الآن
مرسل: الخميس 2010.8.12 1:27 pm
بواسطة الشمالي
محمد نعيم كتب:الشمالي يا اخوي هو المتجرس منو غيرك ؟.
ما تخلينا نقوم نحتو قرض هنا
انا متابعك وعارف كل حاجة
حتو قرض ياا ابرويس انت غير طولة اللسان
والبهيتة عندك شنو ؟ والدائر ترفع ضغطوا
بترفعو , مخير الله علينا
كاااااااااااااك
رد: المتجرسون الآن
مرسل: الخميس 2010.8.12 1:30 pm
بواسطة الشمالي
محمد نعيم كتب:وانت يا الشمالي الجرسة عملت ليها قهوة وعرس ولقيمات وشعيرية
الكلام دا من زمان وين بس قرَّب رمضان وجيت تجيب في سيرة الاكل
ده برنامج رمضاني ما عندو علاقة بالجرسة
يااا النعيم جرسة , الجرسة دي نص النهاااار
لما الشمس تتوسط كبد السماء وتشووووف
طشااااش طشاش واللون الاحمر انقلب قنقليسي
والابيض بنفسج كااااااااااااك
رد: المتجرسون الآن
مرسل: الخميس 2010.8.12 1:49 pm
بواسطة ام مودة
سلام كيفك تصومو وتفطرو على خير
اسع نحن ما عارفين المجرس فيكم منو الشمّالى ولا مرسال الشوق ولا محمد نعيم جهجهته القصة كدة
تحياتى
رد: المتجرسون الآن
مرسل: الخميس 2010.8.12 2:19 pm
بواسطة محمد نعيم
ام مودة كتب:سلام كيفك تصومو وتفطرو على خير
اسع نحن ما عارفين المجرس فيكم منو الشمّالى ولا مرسال الشوق ولا محمد نعيم جهجهته القصة كدة
تحياتى
ام مودة رمضان كريم
اي واحد خش هنا معناها متجرس وبالاخص انتي
هع
الليلة مودة اكلتيها كم مرة من الصباح ؟
من رمضان ودايما بيقول انا كيف حمشي الشغل والشغالين معاي كلهم اجانب !! 
