منتدى أنا سوداني

مرسل: **الثلاثاء 2010.6.15 6:34 am**

عمرك سمعت في زول
لاقنو أوهامو.؟؟

شالنو جوَّة الصِّح
ضحكنلو قدامو.!!

عارف نهايتو جرح
واتمادى فـ أحلامو

في مجمع الهمين
آ لاما وآلامو

في مفرق الدربين
خسفت بأيامو

في مغرب التايهين
عن الكلام صامو

لا كلمة تملا البين
لا اتآسوا لا لامو

سكة ومشيها ضياع
رغم الضباب قامو

وشقو الفيافي جياع
لكنهم نامو

وصحو في سواد القاع
ضوّايو ضلامو

شن فايدة الإمتاع
في شعرو وأنغامو

وبحراً خطاوي سِراع
ما ختت أقدامو
يختف طويل الباع
شيال فـ عوامو

مرسل: **الثلاثاء 2010.6.15 7:30 am**

طبعا ما شفت ..

كانت لي وقفة هاهنا .. لأشهد على قوة كلمات هذه القصيدة ..

تقبلي وجود توقيعي بهذه الصفحة ..

مرسل: **الثلاثاء 2010.6.15 9:46 pm**

يسلمووو
على القصيده

على اني مو فاهمه الكلام بس بحاول افهم

كلك ذوق بين انك مجرووح

مرسل: **الثلاثاء 2010.6.15 9:54 pm**

شفت كثير

قصيدة قمة في الروعة

سلمت يداك اختي

وفي انتظار المزيد

تقبلي مروري

مرسل: **الاثنين 2010.6.21 3:33 am**

مشكورين علي المرور وكلكم زوق

مرسل: **الاثنين 2010.6.21 5:28 pm**

[align=center]يا أستاذة محيرة :-
بالتأكيد الكتابة بهذا الأسلوب يحتاج إلى تمكن من الشاعر في كلماته .................................
وهذا واضح في تلك القوافي الرائعة التي اتحفتمونا بها ,,,,,,,,,,,,,,,,,,,,,,,,,,,,,,,

ممكن اخمن انك شايقية لأن الأسلوب دا أسلوب الشوايقة في الشعر ...................
صح وللا أنا غلطان !!!!!!!!!!!!!!!!!!!!!!!!
(تحياتي) [/align][/size]

مرسل: **الثلاثاء 2010.6.22 6:05 pm**

المحيره كتب:
عارف نهايتو جرح
واتمادى فـ أحلامو

في مجمع الهمين
آ لاما وآلامو

في مفرق الدربين
خسفت بأيامو

يختف طويل الباع
شيال فـ عوامو

(الحكاية شنو ؟ ) !!
في الحقيقة أنا ما شفت زول كده ..
أحييك على تمكنك من القافية ..
تقبلي مروري ..
ومزيدا ً من الإبداع .

مرسل: **الاثنين 2010.7.5 7:14 pm**

انا لاقنى كتير اهوامى
تسلم ياراقى على الكلمات الحلوة

مرسل: **الثلاثاء 2010.7.6 1:19 am**

ماشاء الله عليك
كلماتك تحفه
بالجد انا زي كتابتك بالاسلوب ده ما لاقتني
لك التحيه
وزي جمال تعبيرك عمري ماشفت

مرسل: **الأربعاء 2010.7.14 5:46 am**

ماشاءالله تبارك الله
كلمات قوية وناضحة
بين السطور الكثير الكثير من التساؤلات
ابداع ...........
في انتظار المزيد
تحياتي

منتدى أنا سوداني

عمرك شفت ليك.......

عمرك شفت ليك.......

رد: عمرك شفت ليك.......

رد: عمرك شفت ليك.......

رد: عمرك شفت ليك.......

رد: عمرك شفت ليك.......

رد: عمرك شفت ليك.......

رد: عمرك شفت ليك.......

رد: عمرك شفت ليك.......

رد: عمرك شفت ليك.......

رد: عمرك شفت ليك.......